Lukat 16:7 - Ala Wone Peenok Peebi Mbanak

⁷ Yoge nagagerik, at ambi yoge logonet, Ndi, kat perak, kogoba anomat mbanak mande wonage? Yoge mbareegi, aap nogo nen, Gandum karun 100 yonggolak mbanak wonage o. Yoge mbareegi, ayeloman nen, Anomat liiru mbanak yi, waganogo obaane'me karun 80 mban liiru mbanu o, yoge nagagerik, it ando apit togop mban yoragagerak.

Lukat 16:7 ပူးပေါင်းရင်းမြစ်များ

Matiyut 18:28

Teppereegerak kwe, ayeloman nogo endekem wundi nage nagagerik, oreeluk ambi at anomat wu mbuuluk we 100 dinar wogoreegerak nogo kage nagagerik, enggaanok nggeremborogo logonet, Nawu wokkigirak nogo obaane'me wo'niru o.

Lukat 16:6

Yoge mbareegi, aap nogo nen, Tayitun amburu nderom 15 toolak mbanak wonage o. Yoge mbareegi, ayeloman nogo nen, Anomat liiru mbanak yi, waganogo obaane'me nderom 7 toolak mban mbet-mbet liiru mbanu o.

Lukat 16:8

Ayeloman eereegerak ogoba nogo konengge nagagerik, ayeloman at ambokan laganeegerak kagak kwe, iniki mondok iya lombok kooneegerak mbareegi, Wi! ireegerak. It aakumi inikiigun nggween paga mendek yogondak wonogwe nogo it inom eeko logonet, iniki ngget paga iya negen koonggo menggaarak kwe, it Ala apuri iniki eya aganabeegerak nogo perak, iniki lek logonet, meek negen koonggo menggaarak iigi o.

Lukat 2:37

ti'nuk, togwe kagak tahun 84 eereegerak me, abu kweegelo aret agagerak. Ala awi wurik me nen wundi naga'lek mondok time aret liingge-oonikiya Ala ake eeke logonet, mbi nengga'lek ambe mage negen eeppunuk, tamban mban eeke nagagerak.

Lukat 20:12

Nappereegwaarak ame nage mbareegi, ayeloman alik ambi nappi wagagerak. Nappi wagagerak wage mbareegi, at nogo kunduk, yawi warogo wumbereegwaarak.

Lukat 20:9

Ti yorage nagagerik, wone eegu laarogo it aakumi apit yoragagerak nogo yi aret o. “Aap ambi nen anggur awi yake nagagerik, anggen mbanogo ando it kologwe, ando at wogogwi, eeko logowak nduk, at eyabu yarak me arum piinok, o nda time logonuk, woraakit nduk, nagagerak.