Lukat 16:3 - Ala Wone Peenok Peebi Mbanak

³ Yoge mbareegi, ayeloman nogo iniki koongge logonet, Nogoba nen o arum logorak lek, yo'negerak me, an nonggop eeri o? Nomaawi lek me, nggween kabungge logorak ti, meek o. Ndi, nggino yoranet nege logorak ti kunduk, nagabiti o.

Lukat 16:3 ပူးပေါင်းရင်းမြစ်များ

Etet 6:6

At Kaman nogo aap endagembogut wonage me unggwi wage mbareegi, aap endagembogut nen at yoge logonet, “Aap endagembogut nen aap ambi inikilom mba'nuk tiyappuurak mbake kenok, at nonggop eeppuurak mbaken?” Yoge mbareegi, at Kaman nen iniki mbake logonet, “Aap endagembogut tiyappuurak mbake nogo ti, alik ambi wonage lek an aret kagi,” mbake nagagerik, aap endagembogut nogo yoge,

Kini Wuppiige 13:4

Aap eenggi tanep nen uugwe mban mbarit nege menggerak kwe, enegen me lek aret age kagak, Aap yabu eeka nogo perak, iniki, “Ao,” mbaketak ndak-ndak aret kolage menggerak.

Kini Wuppiige 15:19

Aap eenggi tanep nen eerit nage nogo ti, tu alok nombanak kwak wonage menggerak kwe, Aap iniki koonak nen eerit nage nogo perak, tu abe yarak kwak wonage menggerak.

Kini Wuppiige 18:9

Aap yogaatak liirogon eekeelik oweeluk-awuluk kwak ti, Yi mendek ndi mendek pup eerogo pega ti aret.

Kini Wuppiige 19:15

Aap yabu eeka'lek puk wonogwe paga nogo yuurak mban eeginabi wage, Ndi, yabu eeriyak ineebi mbakwi paga mbi abu aganake, Eeke menggerak.

Kini Wuppiige 20:4

It aap ineenggi tanep nogo nen o ena koonak paga yabu eeka'lek logomenggaarik, Anggen mbanggwi eyom paga anggen kwaaremenggaarak mendek eebe lek aret kogo menggaarak.

Kini Wuppiige 29:21

Aap kayeloman awo logonet, nggino ari kenok, eeppegak mban eeremenggendak paga peebi irip paga kamendek abok aret at mban tebenggolage logogin o.

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yeremiya 5:31

It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Oteya 9:5

Togop me, “Ndi eyom paga laago lariyak o,” yugu nogo paga lakwi, Ndi, Aliku ALA alut eeko logonet, kinale'nggen paga lariyak wone yugu nogo paga lakwi, Eeko logonet Nonggop eeko logomunggup o?

Matiyut 20:8

Yorage nagagerik, ti'nuk, o kiip age mbareegi, at eyabu unde nogo nen at ayeloman eyabu lengganinaka nogo yoge logonet, It aap yabu eekwi nogo wiirage logomenggendik, wogwe iinok, it peebi unggwagaarak nogo onggo inaa'nduk wogorage, ndi, inaa'nduk unggwagaarak nogo onggo peebi wogorage, eeru o.

Marakut 10:46

Wone nogo yorage nagagerik, o Yeriko ari wogogwaarak. Yetut at oone waganggwi nogo inom, it aakumi ambik kuwak ogogwaarak nogo inom, o Yeriko nogome nen endekem wundi wogwe me, at Timeyut aput Mbaratimeyut enegen mbuk me, tu nggwok ambet paga kwi'ndak ambe nggino ari wonage logonet,

Lukat 12:17

Anggen yugu ka'let age mbareegi, iniki koongge logonet, Yakirak anggen yugu mbanak puurak o lek me, nonggop eeri?

Lukat 16:2

yinuk, ogoba nogo yogo mbareegwa, ayeloman nogo wiireegerak wage mbareegi, yoge logonet, Kat eerit nage konenggirak ti, nonggop eerit nage me, yo'nega o? Kat yogondak name o arum ambinom logorak lek me, kat yime logonet, eerit nage nagandak nogo mbininogo yo'niru o.

Lukat 16:20

Ndi, aap alik ambi ambe nggino yaga endage Latarut eebe paga awin kunik me, aap eenggi warak aru ngga'nggi paga taati windak mban wonagagerak.

Lukat 16:22

Ti'nuk, ne ambi paga aap ambe nggino yaga nogo kambeegerak. Kangge mbareegi, it malayikat nogo nen eebe wonok Abarakam ogome pi nogogwaarak. Pi nogogwaarak kagak, peebi aap eenggi warak nogo kunduk kambeegerak. Kangge mbareegi, oreewi nen eebe nggween taambereegwaarak.

Lukat 16:4

Ata, endekem wumbanege kenok, aakumi nen an wo'naburak perak, op o, yinuk, iniki koongge nagagerik,

Lukat 18:4

Yoge nagagerak nogo aap owak loongga nogo nen aa'nduk eebi mbareegerak kwe, peebi iniki koongge logonet, An Ala nagabiti mbake, ndi, aakumi inayuk wuke, eekeelik kwe,

Yaya 9:8

Aap nogo wage mbareegi, at oreewi inom, it ando at aa'nduk ambe nggino ari kogo nogogwaarak nogo inom, yogo logonet, “Aap yi, kwi'ndak logonet, ambe nggino ari nagaarak nogo yi aret lek a?”

Nappiigak 3:2

Ala awi wurik tungga'nggi endage, Obeelom, tooneegwam nogome aap ambi endop maluk nda'nagagerak nogo nen it aakumi Ala awi wurik me unggwogwe iinok, ambe nggino yorage logowak nduk, ko'lu-kii'me wonok pi nagak mban eeko nogogwaarak me, ne ti eyom paga muk pi nogogwaarak time wonage me,

Nappiigak 9:6

An aret me, kat mi'nage logomenggendik, o kota time unggwi namenggendak wonage keegak kat eeriyak wone yokkugwi iyaamunggun o,” yinuk, yoreegerak.

2 Tetalonika 3:11

Kit ando kit kinobaalombok eekkolaga'lek aakumi inobaalombok mban eerit nugu logonet, yabu eeka'lek we ugun-ugun eerit nugwi yogwe iigirak me nduk, yokkirogo.