Lukat 16:25 - Ala Wone Peenok Peebi Mbanak

²⁵ Yoreegerak kwe, Abarakam nen at yoge logonet, Naput o. Kat keenik logonet, paalo aago mban wonagagindak nogo o. Ndi, Latarut yi perak, ninggin-nanggin wonagagerak nogo kiniki aberu o. Yogondak Latarut yime logonet, iniki tayok yegerak kwe, kat perak, yagan yobak-nggolak wake agandik o.

Lukat 16:25 ပူးပေါင်းရင်းမြစ်များ

Ayup 22:18

At Ala nen aret inamendek nogo iname yagabit eerogo piyareegerak kagak, It maluk eeka ti nen wone agan nugwi nogo, an e-wa inombarigin lek o.

Ndawi 17:14

Kaliku ALA wae. It aakumi nggween paga mendek nen Nggween paga mendek mban kuwak eeriyak mbakwi yi, Inenggela'me nen keenggi omaawi paga nagap ndaru o. Aaninggin inoba piyoorak koonogo piigendak nogo Ambi mbo puurak mage o. Ata, abok aret nggwik togon inoba piige, Inapuri kunduk, ineyate kwak inoba kwippiige, Ndi, ando ndiinik inombowologwe inoba kwippiige, Eeru o.

Ndawi 49:11

It mbako logonet, “Ninombo wologwe nda'narit wundi wogo logonet, Ninendage mondok ki eeko logowok o,” yinuk, Inendage toonak kwak, Inanggween endage ndak-ndak toonogo pemenggaarak kwe, It kanggwi mambiigo menggam ti, iname aret age, It taambiigo menggam ti, inawi alom aret age, Eerigin o.

Ndawi 73:7

Iniki omaawi wonogwe me, Maluk eeriyak mban mugurok-magarok nugwi, “Maluk abu aret eeko o,” mbaka'lek eeriyak mban iniki koonogo pit nugwi, Eeko logonet,

Leendawi 1:7

O kota Yerutalem nogo aaninggin-paaninggin oba kwi'nage, andi nen yagan wake, eeke ti eyom paga O maan aa'nduk amendek obeelom mban iniki kundugu wonagagerak nogo iniki abe'nage menggerak o. Aagalogwe awim ineenggime agagerak me, it ambi nen at yeenggwaaga'lek aret wonogogwaarak o. At yigirik-noonom eerak awim nen inigen kenok, agi'ndok kanggo nogogwaarak.

Ndaniyen 5:30

Ne oonikiya ti eyom aret aap Meriya mendek endage Ndariyut nogo, ndarak tahun 62 ari nagagerak kagak at Mbelitiyatat abu'me piige menggim tebenggola unggwage logonet, aakumi o Mbaben inowe endagembogut Mbelitiyatat nogo warogo pereegwaarak.

Matiyut 27:63

“Ninogoba wae. At aakumi nomoninake menggerak nogo nen awo eenik logonet, Nogo mbere yippunuk, mi'narigin o, yereegerak nogo nineenu me,

Marakut 9:45

Kiniyok imbirak wonage kagak, kani omoonuk wunuk mban ari menggim time mbo pinagarak ti, maluk aret me, kiniyok paga maluk eeriyak eekkinake kenok, peenok mbanogo pinip o. Mbanogo punuk, peenok mbanak kagak tiyo'luk agan mondok ineenik menggam time unggwi noorak perak, op o. (

Lukat 16:20

Ndi, aap alik ambi ambe nggino yaga endage Latarut eebe paga awin kunik me, aap eenggi warak aru ngga'nggi paga taati windak mban wonagagerak.

Lukat 16:23

Taambogo mbareegwa, nogo menggam ari nanuk, time yagan wake logonet, ena ni'nage nagagerik, o nda time aap Latarut Abarakam imbirak wonogwe iyareegerak.

Lukat 16:26

Ndi, ambi, it aap yime nen kat keya nogwe, time nen nit niya wogwe, eeriyak mbakwi nogo meek kaawak nduk, oolo time yigeebu nggwok pereegerak o.

Lukat 6:24

Ndi, kit kineenggi warak wonogwe yi perak, kiniki muk ugun tayenak wonogwe me, kinabuwa o.

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Pelaareegerak 28:17

Anggen mbanak yonggokak kinayum nogo pulunogo pege, mbi worako monggo'nom kinawun awi pulunogo pege,

Pilipi 3:19

It aap ti nen nggween paga mendek mban abekwi, inaanogum ake mban tiyappugwi, inenggali ariyak kagak wogoppakwi, eeko menggaarak me, Ala nen mondok lek eerogo piyaagin kwe,

Iberani 11:25

“Peebi Ala nen onggo wo'nirigin o,” yinuk, iniki aberak logonet, “O Metit yime yi mendek ndi mendek abe mban wonage yi, iya lek o. Ata, Keritut nen peebi eeppinaniyak tokkogwe ti, meek ninombakwi kwe, peebi eeppinaniyak ambi wonage me, iya o,” mba'nuk, maluk eerit nogo logonet, ne ambiriluk inikilom mbako menggaarak mendek nogo mbo punuk, Ala apuri aaninggin-paaninggin inoba piige nogo, “An ninom aret eeppanugo logowak o,” yinuk, miippunuk, Iterali wonogwe me, nagagerak.

1 Yaya 2:15

It aap nggween paga mendek nen iniki koombunuk eeko menggaarak inom, yi mendek ndi mendek nggween paga mendek inom, abok aret kiniki kunik eerugup o. It aap nggween paga mendek nen iniki koombunuk eekwi nogo kinikilom mbakwi kiinok, ninogoba kiniki kunik eeko logomunggup lek aret o.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,