Lukat 16:23 - Ala Wone Peenok Peebi Mbanak

²³ Taambogo mbareegwa, nogo menggam ari nanuk, time yagan wake logonet, ena ni'nage nagagerik, o nda time aap Latarut Abarakam imbirak wonogwe iyareegerak.

Lukat 16:23 ပူးပေါင်းရင်းမြစ်များ

Ndawi 49:15

Togop eerugun kwe, Kambunuk nogo menggam nen wo'neren pani nookwak, Ala nen wondet eerogo paninuk, Ndinneren at owagam pani nagin o.

Ndawi 9:17

It aakumi maluk eeko menggaarak nogo ti, Kambunuk nogo menggam unggwi nogwe, Ndi, yi aakumi ndi aakumi Ala mari eerogo pugwi nogo kunduk, Tu time aret nogwe, Eeko menggaarak kwe,

Kini Wuppiige 15:24

Aap iniki warak ineenik aganaburak tu ti, ogu paga aakumi kambunuk nogo menggam lek o. Ata, tu agi paga wonage menggerak o.

Kini Wuppiige 5:5

Kwe ti, kanggo menggam iyok pi wangge, Kambunuk nogo menggam iyok pit nage, eeke logonet,

Kini Wuppiige 7:27

Aakumi kambunuk nogo menggam tu nggwok paga nogwe, Kambunuk nogo menggam ogoorik-ogoorak aago me unggwi nogwe, Eekwi nogo ti, Kwe ti, ame unggwi nanuk, eekwi paga nen aret o.

Yetaya 14:15

Melak togon aakumi kambunuk nogo menggam mbo wuppagage, Mbuun ambe kiiniki paga lombok wuppagage, Eeke kagarak o.

Yetaya 14:9

Kambunuk nogo menggam nogo nen kat wokkabi wage logonet, iniki ale'nggen mbake, At nen it aakumi nggween paga wone lengganogo yorogo nogogwaarak maan kambeegwaarak nogo Wokkabuwak nduk inogoma ineenik eeppiinet nage, Yi aakumi ndi aakumi inoweewi inendagembogut kambeegwaarak wone lengganogo yorogo nogogwam kwi'ndak wonogwe nogo, Mi'nanip o, yinuk, yorage, Eeke kenok,

Matiyut 11:23

Ndi, kit aakumi Kaperenawum mendek yi, Nit mbogut paga nagawan me, tiyappinanigin o, yinuk, yogo ogotik? Mondok lek o. Eerubok mendek kit kiname eeke kogotak nogo, o Torom time eeke logonetak en, o eebe nogo lek eeppega'lek, o yogondak kuli yi paga logonetak kwe, eeke inigen kaga'lek me, inomaluk mbo pega'lek wonogo mbareegwa, Ala nen lek eerogo piyareegerak nogo ndak-ndak, kit kunduk lek eerogo pinagagin lek nduk yogo ogotik? Lek o. Ala nen it aap kambunuk nogo menggam time aret mondok wuppinanigin, mbako logonip o.

Matiyut 18:9

Ndi, kinigen imbirak wonage kagak, kani omoonuk wunuk mban ari menggim time mbo nappinagarak ti, abu maluk me, kinigen paga maluk eeriyak eekkinake kenok, ambi kilirogo mbo nappinip o. Kilirogo mbo nappunuk, kinigen peenok lek kagak ineenik eeginake menggim noorak op aret o,” yinuk, yoragagerak.

Matiyut 23:33

Kit waalo muuru nogo mendek awi wiganak yi, Ala nen owak loonogo kani omoonuk wunuk mban ari menggim time nappinagage kenok, nonggop togon kole mbaganumunggup o? Abu meek aret o.

Matiyut 5:22

yogondak an nen yokkirage logonet, Kit kinoreewi kinanini mban inoba piigwi kiinok perak, kinowak loonogo, Maluk eekotak onggo pinip o, yokkirogwe iyaamunggup o, yinuk, yokkiragi o. Kit ambi nen kinore ambi yogo logonet, Kat abu meek keegi o, yinuk, alom lek kagak yogwi kiinok ti, maluk aret yumunggup me, kinowak loonuwak nduk, it aap wone amburu mbanggo menggaarak wonogwe me, wokkiren nagun aret o. Kat abu wi yunduurak aret o, yogwi kiinok ti, kani omoonuk wunuk mban ari menggim time mambinagagun aret o.

Matiyut 5:29

Kineebe abeenok lek age kenok ti, op negen kwe, kineebe apit aret kani omoonuk wunuk mban ari menggim mbo nappinagarak ti, maluk me, kinigen peenok abe'nggan maluk eeriyak eekkinake kenok, kilirogo mbo nappuurak o.

Matiyut 8:29

inoone nggwok paga at yogo logonet, “Ala aput wae. Kat nonggop ee'ninabikit nduk wagan? Ninooriyak eyom awo kagak, ninoorikit nduk wagandak ya?” yoreegwaarak.

Lukat 16:24

Iige nagagerik, at oone nggwok paga yoge logonet, Nogoba Abarakam wae! An kani omoonuk andi alik negen yagan wake yime wonage me, nabuwa nombake logonet, aap Latarut nen eenggi irip paga niyo labumbunuk, namili yawek yi woraawak nduk, nappi mok ubi!

Lukat 16:28

An nowe-nawot ineebe 5 name wonogwe me, yagan wako menggam yime wogwe iyo, an nogobamini iname kurumbi yora nawak nduk, aap Latarut ti, nappenok nduk, yokkege agarik o, obak!

Lukat 8:28

At nen Yetut kage nagagerik, abu'me ngginnari nage logonet, oone nggwok paga, “Yetut wae! At Tiyanak Lombok Menggerak Ala aput kat Yetut yi, an nonggop ee'nabikit nduk wagan o? An nooke keyo nduk, yokkigi o,” yoreegerak.

2 Peterut 2:4

It malayikat nogo mendek nen maluk eeko mbareegwa, Ala inabuwa nen teppiyareegerak mbakop? Lek o. “Peebi kinowak loonogo pinagagin o,” yinuk, kani omoonu'me mbuun ambena kiiniki paga logowak nduk mbutigeele maarogo wuppiyareegerak wonogwe nogo lek a?

Wayu 20:10

Ndi, at aakumi inambokan lagangga Tile nogo, pigogo kani omoonuk wunuk mban ari menggim at nggeewo anini warak aa'nduk lagi wagaarak inom, at ore peebi lagi wagaarak pilit wone agan nege nagaarak nogo inom, imbirak wonogwe me nogome mbo nappege mbaki, liingge-kiyoma kani eyak andi nen mondok-mondok yagan yobak-nggolak wakwi iigirak.