Lukat 16:22 - Ala Wone Peenok Peebi Mbanak

²² Ti'nuk, ne ambi paga aap ambe nggino yaga nogo kambeegerak. Kangge mbareegi, it malayikat nogo nen eebe wonok Abarakam ogome pi nogogwaarak. Pi nogogwaarak kagak, peebi aap eenggi warak nogo kunduk kambeegerak. Kangge mbareegi, oreewi nen eebe nggween taambereegwaarak.

Lukat 16:22 ပူးပေါင်းရင်းမြစ်များ

Ayup 21:13

Yi mendek ndi mendek abe mban nunggwi iigak, it nda'nogogwam kuli aret ari nage, Iniki ugun obeelom wonogo logonet, kambunuk nogo menggam wambi nogwe, Eeko logonet kwe,

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.

Wone Alom Kibingga 8:10

it aap maluk mendek kanggwi iinok, nggween taambiigwi, taambiinok wogo logonet, it taambiyareegwaarak nogo nen o alik leenak menggim unggwi nogwe, wundi wogwe, eeko logonet maluk eeko nogogwaarak kagak nogome nen inendage tiyappiinet wogwe, eekwi iyareegirak o. Eekwi iyareegirak ti kunduk, we aanom warogo aret eekwi mbareegirak.

Yetaya 14:18

Aap inoweewi inendagembogut kanggwi iinok, inayuk wurogo ineebe nggween taambiigo nagaatik, Iniyanggelo wam ambik wako nogogwaarak kwe,

Yetaya 22:16

Kat yime nonggop eeke agandik o? Ndi, keebe nggween taambagarak puut lunik yime nenaakko'net unggwi nage, Yonggonggolage logowam mbuti tege paga yugum yanggunit unggwi nage, Eeke yi, Ta nen yokkegerak paga eeke agandik?

Matiyut 18:10

Yorage nagagerik, ambinom yorage logonet, “It elege-aabologwe inarum wako menggaarak malayikat nogo nen an nogoba mbogut paga mendek enggaanom paga mondok-mondok paganogo yogo menggaarak me, kit nen elege-aabologwe yi, meek inombakwi kiyo, kiniki liippogo logonip o.

Matiyut 24:31

Ndi, oone nggwok eeka trompet nogo oone eeke kenok, it nayeloman mini malayikat nogo nappiya wage neenok, wogo logomenggaarik, an napuri miirogo leeninabeegirak o agi-ogu nen, aru-ogwe nen, ilin-unggut wonogwe nogo abok aret kuwak eerogo piya woraagun o,” yinuk, yoragagerak.

Matiyut 8:11

Aakumi ambik agi-ogu nen wogo logomenggaarik, Abarakam kunduk, Itak kunduk, Yakup kunduk, inom at mbogut paga mendek abu'me piige menggim laago larak noorak nduk, kuwak ari nagun kwe,

Marakut 8:36

Kit yi awi ndi awi abok aret unde eekkologo logomonggotik, kineebe kobak arumonggotak kenok, ti paga nano eekkoloorak nduk agan nugu logomunggup mbakop?

Lukat 12:20

Yereegerak kwe, at Ala nen, at aap nogo yoge logonet, Kat aap wi yi, wae! Yogondak oonikiya yi paga aret kat kiniki an wa wage me, kat pipuk eerogo pakendak nogo peebi ta nen unde logogin mbaken o?

Lukat 16:21

At nogo nen, Aap eenggi warak nogo ambi nengge kagak, ameneno wangge nogo, Naakit lak ao, mbake nagagerak. Ndi, nggeewo wogo nagaatik, at awin nogo inamili menak nonggo nogogwaarak.

Yaya 1:18

Aakumi nen Ala mondok inigen kogolik aret o. At Ala aput ambolom ndarak iniki kunik lombok nogo nen perak, Ala abok paganogo yo'niragagerak.

Yaya 13:23

Inigen pet-pet yogo logonet, aap at oone waganggwi mendek ambi Yetut iniki kunik wonage nogo Yetut imbirak tabonak kwi'ndak wonage me,

Yaya 21:20

Yoge mbareegi, nogo logonet, at Peterut ena logurogon pe'nage nagagerik, at Yetut oone waganggwi mendek ambi at iniki kunik aa'nduk mbi nunggwi me, Yetut imbirak tebenak logonet, “Nogoba wae. Ta nen konggo mbanigin o?” yoreegerak nogo, inambokan wage Peterut enegen kagagerak.

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.

Iberani 2:14

At Yetut ti, aap a'nuk kambemenggerak paga, at kanggwi alom unde menggerak Tile nogo omaawi lek eerogo punuk, it kambuurak inagabiti nen, “Nabelan-kabelan aruwok lak piriguru agan wagagerak yi, ao,” yinuk, iniki mondok aaninggin ndugu agan koonit nugu logonet, iniki wakko'net nugwi nogo, teeluk eerogo piyaakit nduk, nit at apuri nineebe nggween paga kanggo monggoorak mendek ndak-ndak aret eekkolagagerak.

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.

Wayu 14:13

Ti yo'nege mbaki, ti'nuk, mbogut paga nen wone ambinom yo'nege kage logonet, “Yogondak nen it aap ninowe inom kunik logonet kanggwi nogo, iniki ale'nggen aret mbako logogun o, yinuk, liiru mbanu o,” yo'nege mbaki, liiru mbangge me, Aberiniki nen, “Abet aret o. It kanggwi iinok, ineenik logonet, ta'liila eeginake kagak yabu eerit nugu nagaarak nogo, Ala nen kobak eerogo pigin lek me, iniki ale'nggen mbako logonet, tat yonggonggologo logogun o,” yinuk, ari naruk konenggirak.