Lukat 16:20 - Ala Wone Peenok Peebi Mbanak

²⁰ Ndi, aap alik ambi ambe nggino yaga endage Latarut eebe paga awin kunik me, aap eenggi warak aru ngga'nggi paga taati windak mban wonagagerak.

Lukat 16:20 ပူးပေါင်းရင်းမြစ်များ

Ayup 2:7

Yoge mbareegi, Tile nogo Aliku ALA owagam nen wundi nanuk, Ayup wonage me nage nagagerik, Ayup nogo iyok me nen nugwa anobak kuli aret piirik-kunik obari maluk lombok eeppereegerak.

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Ndawi 73:14

O kubondendok nen nok oonikiya ari nage kagak, andi-pandi ee'nake, O kubondendok ari wage kenok, Eekirak onggo aaninggin noba kwi'nagak eeke, Eeke menggerak o.

Yeremiya 8:22

O Nggileyat time inawin amburu eeppiigak wonage ilik? Aakumi obeelom eeginaka time ambi wonage ilik, lek a? Wonage kenok, it aakumi nowe-nawot yi, iniki andi negen wonogwe iigak, Obeelom eeginaburak waga'lek nonggop nduk wonage agaarik o?

Matiyut 26:71

Yoge nagagerik, tu unggwogo menggam ari wungge mbareegi, kolaga ambi nen Peterut enegen kage nagagerik, it time wonogwe nogo yorage logonet, “Aap yi nogo Yetut Nataret mendek imbirak menggerak aret o.”

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Lukat 16:21

At nogo nen, Aap eenggi warak nogo ambi nengge kagak, ameneno wangge nogo, Naakit lak ao, mbake nagagerak. Ndi, nggeewo wogo nagaatik, at awin nogo inamili menak nonggo nogogwaarak.

Yaya 11:1

Aap ambi endage Latarut, kwe Mariya oweeluk Marata imbirak inom inawi Mbetaniya ambit me aret wonogogwaarak me, at Latarut nogo andi eereegerak.

Nappiigak 3:2

Ala awi wurik tungga'nggi endage, Obeelom, tooneegwam nogome aap ambi endop maluk nda'nagagerak nogo nen it aakumi Ala awi wurik me unggwogwe iinok, ambe nggino yorage logowak nduk, ko'lu-kii'me wonok pi nagak mban eeko nogogwaarak me, ne ti eyom paga muk pi nogogwaarak time wonage me,

Yakobut 1:9

Oonegen wundi wage logonet, mo andi nen iri'ngga-kale'ngga teebat age nagaatik, mono-mono wangge logonet, etenggen maluk negen age menggi kwak, it aap ineenggi warak eekkolaawok nduk, eerit nugwi iinok, ineebe togop aret lek arugun me, kit noreewi Ala apuri ando kineenggi lek me kinendage tebenak wonogwe nogo, kineenggi warak age logonet, kinendage tiyak ari kenok, “Ala nen aret eeppanege o,” yinuk, kiniki tebenak logonet, ale'nggen mbakwi, ndi, kit ando kineenggi warak me, kinendage tiyanak wonogwe nogo, kinamendek lek age logonet, kinendage tebek ari kenok, “Iri'ngga-kale'ngga lek age menggi kwak, ninendage togop aret lek age me, op aret o,” yinuk, kiniki obeelom logonet, ale'nggen mbakwi, eeko logonip o.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,