Lukat 16:2 - Ala Wone Peenok Peebi Mbanak

² yinuk, ogoba nogo yogo mbareegwa, ayeloman nogo wiireegerak wage mbareegi, yoge logonet, Kat eerit nage konenggirak ti, nonggop eerit nage me, yo'nega o? Kat yogondak name o arum ambinom logorak lek me, kat yime logonet, eerit nage nagandak nogo mbininogo yo'niru o.

Lukat 16:2 ပူးပေါင်းရင်းမြစ်များ

Matiyut 12:36

Aakumi inoone liippaka'lek logonet, agan nugu menggaarak nogo abok aret peebi inowak looninaburak eyom paga wone onggo paganogo yorugun aret me,

Matiyut 20:8

Yorage nagagerik, ti'nuk, o kiip age mbareegi, at eyabu unde nogo nen at ayeloman eyabu lengganinaka nogo yoge logonet, It aap yabu eekwi nogo wiirage logomenggendik, wogwe iinok, it peebi unggwagaarak nogo onggo inaa'nduk wogorage, ndi, inaa'nduk unggwagaarak nogo onggo peebi wogorage, eeru o.

Lukat 12:20

Yereegerak kwe, at Ala nen, at aap nogo yoge logonet, Kat aap wi yi, wae! Yogondak oonikiya yi paga aret kat kiniki an wa wage me, kat pipuk eerogo pakendak nogo peebi ta nen unde logogin mbaken o?

Lukat 12:42

Yoge mbareegi, at ninogoba Yetut nen, “Ti kenok, aap nggwok ayeloman ambi nen oreewi at ogoba ayeloman mini ando nogo inarum logonet, inambi noorak wogorage logowak nduk, mippuurak iniki warak yabu li'lak eeke menggerak ambi ta o?

Lukat 16:1

Ti'nuk, peebi at Yetut nen at oone waganggwi nogo yorage logonet, “Aap eenggi warak ambi ayeloman o arum wonagagerak. Arum wonage me, aakumi nen, Lek o. Kayeloman nogo nen kamendek abu lek eerogo pit nage o,

Lukat 16:3

Yoge mbareegi, ayeloman nogo iniki koongge logonet, Nogoba nen o arum logorak lek, yo'negerak me, an nonggop eeri o? Nomaawi lek me, nggween kabungge logorak ti, meek o. Ndi, nggino yoranet nege logorak ti kunduk, nagabiti o.

Oroma 14:12

nit abok ninalitak lombok eeko logomonggoorak nogo, Ala nen, “Paganogo yo'ninip o,” yinuk, yo'nirage mbaremenggi, paganogo yorugun o.

1 Korindut 1:11

Noreewi o. “Kit kinenggela'me time wone wakwi o,” yinuk, at kwe Kelowe ogoni-aagi mendek nen yo'niri wagaarak kenok, yokkiragi o.

1 Korindut 4:2

Inogobamini nen inayeloman mini eeriyak unde eeppiinok, eerit nogwe iigak, “An yoragarak liippunuk, eekwi iyaamun ilik lek a?” yinuk, inigen wogonako menggaarak o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

1 Timotiyut 4:14

Ala eyabu ambi eeke logonok nduk, it Ala apuri unde nogo nen kanobak tebenggo logonet, “Kat peebi togop eeke logomunggun o,” yinuk, nggwok paga aa'nduk unde eeppagareegwaarak nogo, kobak eerogo puurak ti mage o.

1 Timotiyut 5:24

It aap mippiyoorak nduk, inabut mbangge logonet, aap ando maluk eekaatak kenom age kenok, mbo piigo menggaarak kwe, it aap ando perak, inomaluk nobarak kagak, mippiigaatak me, peebi inomaluk kenom aret age menggerak.

1 Peterut 4:10

At Ala nen eeko logorak ninalitak lombok unde eeppinaneegerak nogo, “Ala iniki kunik nen unde eeppaneegerak me, niniki kwippunuk aakumi inake eerit nage logokit o,” yinuk, kit mban-mban at ambi nen at ambi obeelom eeppegak eeko logonip o.

1 Peterut 4:5

it aakumi kambeegwaarak inom, nineenik wonogwe inom, Ala nen nit abok ninawone amburu mbanogo ninowak looniyak nduk li'luk aago wonage me, it togon eeko logomenggaarak nogo Ala nen, “Paganogo yo'ninip o,” yinuk, yoraagin me, paganogo yorugun o.

Wayu 20:12

Lek age mbaki, it aap inendage lek inendage warak kambeegwaarak inom, it niyo nen ndonggoninabeegerak niyo yenggenak laut inikime wonogwe inom, kambit nogogwaarak kambunuk nogo menggam wonogwe nogo inom, abok aret, wone lengganogo yorage menggim eyo nggwok ogobakkigirik yanggwi lombok lan ari nogo paga aap ambi kwi'ndak wonage nogo, owagam mi'nari wogo mbaka, at eyo ndoonak paga kwi'ndak wonage nogo nen it inalitik-inalitak eeko nogogwaarak inom, aakumi mondok-mondok ineenik aganaburak inendage inom, mbuku alitak paga mbanak wonage me, imbirak waganogo piingge nagaarik, it kangga'lek ineenik logonet eeko nogogwaarak liiru mbanak nogo pekkagak inowak loonogo onggo ndak-ndak eeppiige kagarak.