Lukat 16:19 - Ala Wone Peenok Peebi Mbanak

¹⁹ Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Lukat 16:19 ပူးပေါင်းရင်းမြစ်များ

Etet 8:15

Eerit nogwe iigak, at aap Morekayi nogo aap inendagembogut inayum yiko menggaarak mendek enete kibu-kibu inom, yanggwi pogom inom, mbuti emas paga nggare-nggare kole mendaarak inom, kain yawenak maa'ngga kunik yum nggorek inom, yirik logonet aap endagembogut owagam nen wundi wagagerak. Wundi wage mbareegi, wone lengganak liiru mbanogo nappit nagagerak paga it aakumi o Tutan wonogwe abok aret inale'nggen nggwok mbareegwaarak.

Kini Wuppiige 14:24

Aap iniki warak nen iniki warak logonet eekwi paga inendage tiyappiigo menggaarak kwe, Aap iniki lek wi nen perak, wi negen eerit nugwi paga wi aret inombako menggaarak.

Kini Wuppiige 31:22

At anogo yum yabenggek-ndabenggek penggaarogo pake, Ayum ligi yawenak maa'ngga kunik paga penggaarogo pake,

Yetaya 3:23

inabugagi inom, inayum aken mendek yawenak inom, ineeruwak keele lambunik inom, inayum inenggaanok me wurabak inom, inobaanggi-inobaangge aago ti abok aret nggoorogo mbo nappigin o.

Yetikiyen 16:13

Mbuti emas-perak paga obaanggi-obaangge li'luk eerogo pege, ayum abu yawenak inom, onggo nggwok inom, yabenggek-ndabenggek eerak inom, yirippege, ndi, at nengge logorak ti, gandum yigirik abu abe inom, nggiin amburu inom, tayitun amburu inom, abu li'luk eerogo wogoge, eereegirak paga eebe abu kigirikwe lombok a'nuk, kwe nggwok aap endagembogut akwe negen aret agagerak.

Yetikiyen 16:49

Awuluk o Torom nen maluk eeke nagagerak nogo yi aret. At aagalogwe inom ti, iniki wogoppatit nugwi, inambi-mbiingga ndonggorogon nunggwi, Nit mban, mbarit nugwi, eeko logonet, aap aaninggin inoba wonogwe inom, aap ineenggi lek inom, yeenggwaaraga'lek aret wonogogwaarak o.

Yetikiyen 27:7

Yugum abu yawenak yabenggek-ndabenggek eerak o Metit mendek paga o wiya nen wonok negak yum nogo pugunogo pugwi, Yum tugunik ti paga, At ti mendek o, yinuk, ineenu agak eerogo pugwi, O Elita ogobak mbanik aa'nggi paga nen yum tabak maa'ngga kunik inom, maa'ngga anggup kunik inom, mo andi wake kero, oo'ngget kwak maarogo pugwi, Eereegwaarak o.

Marakut 15:17

at Yetut nogo mbogoyum maa'ngga warak yippugwi, alok komaarogo anobak paga yippugwi, eeppogo nogogwaarik,

Marakut 15:20

Togop aret miyuk-meya eerogo pogo nogogwaarik, mbogoyum maa'ngga warak nogo nggoorogo punuk, obaane'me at ambogoyum yirippogo nogogwaarik, eebe eyo karo-karo paga nabenogo puwok nduk wonok nogogwaarak.

Lukat 15:13

Wogorage mbareegi, nogo mbereeret yinuk, aput ambokan ndarak nogo nen ageerok ogoba wogoreegerak nogo abok kuwak eerogo onggo mbanggolage nagagerik, awu ko'nok o nda time nagagerak. Nagagerak time logonet, iniki liippega'lek ugun eerit nege logonet, awu nogo tigippateegerak.

Lukat 16:1

Ti'nuk, peebi at Yetut nen at oone waganggwi nogo yorage logonet, “Aap eenggi warak ambi ayeloman o arum wonagagerak. Arum wonage me, aakumi nen, Lek o. Kayeloman nogo nen kamendek abu lek eerogo pit nage o,

Lukat 16:18

Aap ambi akwe mbo punuk, alik ambi wagangge kenok ti, mbabi aret eeke o. Ndi, aap ambi kwe mbo pugu nogo wagangge kenok, at kunduk, mbabi aret eeke o,” yinuk, yoragagerak.

Lukat 16:20

Ndi, aap alik ambi ambe nggino yaga endage Latarut eebe paga awin kunik me, aap eenggi warak aru ngga'nggi paga taati windak mban wonagagerak.

Wayu 17:4

Ndi, kwe nogo ambogoyum maa'ngga kunik inom, maa'ngga amu kunik inom, mondok abe lombok yirik, ndi, mbuti emas inom, yugum etenggen abe inom, kundali inom, nogo paga ogobakkigirik abok aret oba li'luk eekko'nok, at maluk eerit nage menggerak inom, “Ee'nabuwak,” mbarit nege menggerak inom, abok aret togolowak mbuti emas ogobakkigirik nogo paga niyo toolak kwak eenggime porogo wonage kagarak.

Wayu 18:7

At Mbaben nogo ti, kwe yawukak nogo pogom me, iniki mbake logonet, An kwe togwe wonage nen niniki wakkolage logonet, le yikit lak kwe, aap pe'neya wogo menggaarak ineebe ambik wonogwe me, An kwe nggwok aret kagi, mba'nuk, niniki ale'nggen ambik mbake agarik o, yinuk, Iniki wogoppake logonet, endage tiyanak paalo aago mban wonage nogo obaane'me ale'nggen lek age logomenggerik, Iniki puru ari, andi yagan yobak-nggolak wake, eeke logowak nduk, aaninggin mondok oba kwippogo logonip o.

Owak Loongga 8:26

Mbuti emas inaruk ayo Nggireyon iri woraawak nduk, nggino yoragagerak wogori wogogwaarak nogo wakkogo logonet, aaninggin 20 aret agagerak. Ndi, inobaanggi-inobaangge eeko nogogwaarak mendek inom, meeli negen inenggaanok paga yiriko nogogwaarak inom, yum nggorek enete maa'ngga warak it aap Miriyan inendagembogut yiriko nogogwaarak nogo inom, mbuti keele yiluk-yiluk aago unta inenggaanok paga tugunogo pogo nogogwaarak nogo inom, wonok pi wogogwaarak nogo ti, apit aret me, inaruk ayo nogo inom lambumbunuk, ineenggi lingginulik.