Lukat 16:16 - Ala Wone Peenok Peebi Mbanak

¹⁶ Aap Yaya waga'lek kagak, Ala wone yugu liiru mbanak nogo inom, it aap Ala nen yorage kagak yorogo nogogwaarak inoone nogo inom, eerit nogo nogogwaarak. Ndi, aap Yaya wagagerak kuli paga perak, Ala abu'me piyoorak wone obeelom wone yoranet nugwi me, it aap abok aret lin wako logonet, Ala abu'me piige menggim unggwi wogo agaarik.

Lukat 16:16 ပူးပေါင်းရင်းမြစ်များ

Matiyut 10:7

Iya nogo logomonggotik, At mbogut paga mendek abu'me pinagarak nogo abu panggo yi wagaarak o, yinuk, yorogo logomunggup o.

Matiyut 15:11

Nonggo monggotak ti paga maluk eekkinakeelik o. Ata, kinambe me nen wunggetak nogo paga mban maluk eekkinake menggerak o.”

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Matiyut 4:17

Nage nagagerik, Yetut nen, “At mbogut paga mendek abu'me pinagarak panggo yi wagaarak me, kiniki koombunuk, kinomaluk mbo pinip o,” yinuk, wone aa'nduk lombok yoranet nagagerak ti aret.

Matiyut 4:23

At Yetut o Nggalileya yengget-wangget abok aret nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo, aakumi yorage, yi kugi ndi kugi andi kunik mendek inom, ineebe andi-pandi aago inom, obeelom eeginake, eerit nege nagagerak.

Marakut 1:14

At Yaya nogo keele maarogo mambiigo menggam mambogo mbareegwa, at Yetut nogo o Nggalileya nagagerak. Nage nagagerik, Ala wone obeelom wone nogo yoranet nege logonet,

Marakut 1:45

Aruk warogo nappereegerak kwe, oome nogome nen wungge nagagerik, at eeppereegerak wone nogo abok aret yi awi ndi awi paganogo yoranet nege nagagerak. Yoranet nege nagagerak ti paga at Yetut nogo aakumi inenggaanom tena'me nege logorak meek age mbareegi, aakumi ineebe lek me time aret wonage me, aakumi yi awi ndi awi nen at owagam kuwak ari wagak mban eeko nogogwaarak.

Lukat 10:11

Kinoba arigin nogo ti, Kinobaalombok, kineenu arubagip nduk, nit kiname logonet, liirubu niniyok paga lenggenggerak nogo yumbunogo pinagago ogoorik o. Ala abu'me pinagarak muk kinowagam panggo yi wagaarak, abet aret mbako logonip o, yinuk, yoranu o.

Lukat 10:9

Ndi, aakumi time kugi andi wonogwe iinok, obeelom eeginako logonet, Ala abu'me pinagarak muk kinowagam panggo yi wagaarak o, yinuk, yorogo logonu o.

Lukat 16:29

Yoge mbareegi, Abarakam nen at yoge logonet, Muta yoreegerak wone inom, Ala nen yorage kagak yoraga inoone inom, yorogwe nogo aret konenggo logowak o.

Lukat 16:31

Yoge mbareegi, Abarakam nen, It kogobamini nogo nen Muta yereegerak wone inom, it Ala nen yorage kagak yoraga inoone inom, konenggulik kenok, aap ambi kanggo menggam nen eenik a'nuk, yora nage kenok kunduk, it iniki abet mbarugun lek, yoreegerak o,” yinuk, yoragagerak.

Lukat 9:2

Awone kilirirage nagagerik, Ala abu'me piyoorak wone yoranet nugwi, aakumi obeelom eeginabit nugwi, eerit nugu logowak nduk, nappiige logonet,

Yaya 1:45

“Nimbirak nawok nduk, mok o,” Piliput nogo yoge mbareegi, Piliput nen aap Natanayen kwaakkage nagagerik, yoge logonet, “Natanayen wae! At ambi woraagin o, yinuk, Muta nen Ala wone yugu liiru mbangge, ndi, it aap Ala nen yorage kagak yoraga nen kunduk, liiru mbanggwi, eereegwaarak eebe nogo ti, Yutup aput Yetut awi Nataret mendek aret me, muk wagaarak ninigen kogoorak o.”

Yaya 11:48

Eerit nege logowak nduk teppugwi niinok, it aakumi abok aret iniki at oba panggombunuk, abet mbako logonet, mugurok nogwe iinok, it aap Oroma mendek nen wogo logomenggaarik, Ala awi wurik inom, nit aakumi nineebe inom, lek eerogo pinanugwi iyoorak me, nonggop eerumun o?” yinuk, yereegwaarak.

Yaya 12:19

Ka wunggo mbareegwa, it Pariti mendek nen it-it wone mbanggo logonet, “Wologo wae! Yi aakumi ndi aakumi abok aret at mugurok nogwe me, nit ambi at eeppurak kenok, abe ariyak lek yi kogo ogotik?” yinuk, yogogwaarak.

Yaya 5:4

Ne ambi paga Ala yonggo nappiya wage menggerak malayikat ambi nen niyo Mbetetera yenggenak nogome wambi woraanuk, niyo abolok eeke kenok, aap andi ambi aa'nduk niyome unggwage kenok, at andi nogo lek aret age nagagerak.)

Nappiigak 3:18

Maan Ala nen ari logonet, An leenogo pereegirak Keritut nogo, andi-pandi agago yagan warigin o, yinuk, yereegerak nogo, a'me aga'lek kagak it aap Ala yorage kagak yoraga nogo, yorage mbareegi, yorogo nogogwaarak nogo, kit eekotak paga a'me lik yegerak me,