Lukat 16:1 - Ala Wone Peenok Peebi Mbanak

¹ Ti'nuk, peebi at Yetut nen at oone waganggwi nogo yorage logonet, “Aap eenggi warak ambi ayeloman o arum wonagagerak. Arum wonage me, aakumi nen, Lek o. Kayeloman nogo nen kamendek abu lek eerogo pit nage o,

Lukat 16:1 ပူးပေါင်းရင်းမြစ်များ

Wakkagagerak 15:2

Yoge mbareegi, at Abaram nen, “Nogoba o. Kaliku Kitok Menggendak kat ALA aret kwe, elege ambi wo'nega'lek kagak, kambuurak kenok, neyate ti, aap Eliyetet awi Ndamitik mendek aret kolaagin me, kat nen ambi nano eeppanumunggun o?” Ari nagagerik, ambinom yoge logonet, “Napuluk wo'nega'lek me, an nayeloman nimbirak minggirak nogo aret neyate kolaagin kagi o.”

Wakkagagerak 43:19

Togop mbako nogogwaarik, at Yutup ayeloman ame arum menggerak tungga'nggi paga wonage nogo owagam nogo nogogwaarik, yogo logonet,

1 Mbinineegwaarak 28:1

At Ndawut nen it aakumi inanebunu lombok inarum menggaarak inoweewi inom, aap endagembogut ake eeka ineegin warak aago nogo inoweewi inom, ineegin warak ineebe seribu lombok inoweewi inom, ineegin warak ineebe 100 lombok inoweewi inom, aap endagembogut amendek unde menggaarak inom, at apuri inom inaanggumi inarum menggaarak inom, aap endagembogut inom eeko menggaarak inom, wim wone mbangga inom, aap wakaa'ngget ineegin warak inom, it aap Iterali inoweewi ti abok aret, o Yerutalem kuwak eeri woraawak nduk, inayonggo pereegerak kuwak ari wogogwaarak.

Kini Wuppiige 18:9

Aap yogaatak liirogon eekeelik oweeluk-awuluk kwak ti, Yi mendek ndi mendek pup eerogo pega ti aret.

Oteya 2:8

Gandum inom, anggur amburu ngget toolak inom, tayitun amburu toolak inom, wogoge nagagirak nogo ti, At Ala nen aret wo'nege kagi, yinuk, ari, Ndi, inagugi Mba'an ayuk wuko logonet ake pogo nogogwaarak mbuti perak inom, mbuti emas inom, kalo logonogo wogoge nagagirak nogo ti, Ala nen aret wo'nereegerak kagak, eereegirak kagi, yinuk, ari, Eeka'lek aret agaarik o.

Matiyut 20:8

Yorage nagagerik, ti'nuk, o kiip age mbareegi, at eyabu unde nogo nen at ayeloman eyabu lengganinaka nogo yoge logonet, It aap yabu eekwi nogo wiirage logomenggendik, wogwe iinok, it peebi unggwagaarak nogo onggo inaa'nduk wogorage, ndi, inaa'nduk unggwagaarak nogo onggo peebi wogorage, eeru o.

Lukat 12:42

Yoge mbareegi, at ninogoba Yetut nen, “Ti kenok, aap nggwok ayeloman ambi nen oreewi at ogoba ayeloman mini ando nogo inarum logonet, inambi noorak wogorage logowak nduk, mippuurak iniki warak yabu li'lak eeke menggerak ambi ta o?

Lukat 15:13

Wogorage mbareegi, nogo mbereeret yinuk, aput ambokan ndarak nogo nen ageerok ogoba wogoreegerak nogo abok kuwak eerogo onggo mbanggolage nagagerik, awu ko'nok o nda time nagagerak. Nagagerak time logonet, iniki liippega'lek ugun eerit nege logonet, awu nogo tigippateegerak.

Lukat 15:30

kaput yi perak, kumi ugun wurinabit nege logonet, kawu wogoreegindak nogo tigippagit nege nagaarak nogo wage mbaki, tapi aagaluk amok warak lombok warogo lagagendak o.

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Lukat 16:2

yinuk, ogoba nogo yogo mbareegwa, ayeloman nogo wiireegerak wage mbareegi, yoge logonet, Kat eerit nage konenggirak ti, nonggop eerit nage me, yo'nega o? Kat yogondak name o arum ambinom logorak lek me, kat yime logonet, eerit nage nagandak nogo mbininogo yo'niru o.

Lukat 19:20

Yoge mbareegi, ambi ambokan wage nagagerik, Nogoba o. Kat kogogumbuk aret menggendak me, ndi, kogogumbuk logonet, kat nen puulik kwe, wagangge, ndi, awi yumbunulik kwe, anggen yugu mbanggolage, eeke menggendak me, nagabiti nen kawu nayuma nggerenak porogo wonagarak nogo yi o, yinuk, yoreegerak.

Lukat 8:3

at Keroret ame arum waka endage Kutat akwe Yokana nogo inom, kwe Tutana inom, ndi, kumi alik apit inamendek paga Yetut at oreewi inom inake eeko nogogwaarak nogo inom, Yetut inom nogogwaarak.

Titut 1:7

It aap aakumi inarum logorak nogo ti, Ala eyabu eeka me, maluk eeke kenok aakumi inoone inoba piyookwak, obeelom mban eerit nugu logowak o. It koonggwi mban eeriyak mbakwi, inanini mbet-mbet wungge, amburu kumili aganake mendek ndonggorogon nunggwi, ndugwi pugwi, aakumi inawu kolaawok nduk, wi-wi aganakwi, eeko menggaarak kenok, aap ti mendek mippiyoorak lek o.

Yakobut 4:3

Ndi, kit ando Ala nen wokkiraawak nduk nggino yogo monggotak kwe, kiniki nengge nogo mugurok nogo logonet, lek eerogo patuwok nduk, kiniki abu alik koombunuk yogwi me, wokkiraagin mondok lek o.

1 Peterut 4:10

At Ala nen eeko logorak ninalitak lombok unde eeppinaneegerak nogo, “Ala iniki kunik nen unde eeppaneegerak me, niniki kwippunuk aakumi inake eerit nage logokit o,” yinuk, kit mban-mban at ambi nen at ambi obeelom eeppegak eeko logonip o.