Lukat 15:4 - Ala Wone Peenok Peebi Mbanak

⁴ “Kit ambi kinandomba ineebe 100 wonogwe me, ambiret kobak age kenok, 99 mban iri'ngga nenet nugu menggam nenet nugwi iigak, ambiret kobak agaarak nogo mbo pega'lek ni'nagak-wu'nagak kwaarit nugu nogootik, kwaakkogo monggotak nogo lek a?

Lukat 15:4 ပူးပေါင်းရင်းမြစ်များ

Ndawi 119:176

Ndomba kobak a'nuk tu nomoninuk nogo mengga kwak, An togop aret ee'nakerak kwe, Koone, “Yogop ee'nu ndogop ee'nu,” yugu nogo An nami ageelik porogo minggirak me, An kayeloman yi, kwaa'nabi mok o.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Yeremiya 33:13

Puut nggelok-nggobok me o kota-kota inom, puut teberogon oonegen kilu yi nage menggim inom, karu nggwok o ame pa'nggwe inom, it aap Mbeniyamin wonogo menggam inom, o Yerutalem enaagan-ambokan yi yaga'lelo ndi yaga'lelo inom, o Yekura kota-kota inom, nogome nen inandomba wundi nogwe, unggwi wogwe, eekugak, ineenggi linggininako logogun o, yinuk, Aliku ALA nen aret yegerak o.

Yeremiya 50:6

It an napuri nogo ndomba kobak aago kwak nugwi, It ndegeninaka nen nomonogo tu alik paga piya nogwe, Puut-puut time iri'ngga kwaarogo nenet nugu logowak nduk, mbo piigwi, Eeko mbareegwa, Iname nogo yogo menggam woroorak kobak a'nuk, puut ambime nen puut ambime agak nugwi, Eerit nugwi me,

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Yetikiyen 34:31

Ndomba nagari'ngga mbanogo nenet nugwi ti, nandomba kwak it napuri aret, ndi, it inogoba Ala ti, an aret agarik o,” yinuk, Aliku Itok Menggerak ALA nen aret yegerak me, yokkiragi o, yoragagirak.

Yetikiyen 34:4

It ti eeko logonet, inandomba ineebe ndeyak kenok inomaawi eerogo piigwi, ineebe andi kenok obeelom eerogo piigwi, inawinde-inobaande aago kenok nggerembiigwi, kobak agaatak wonogwe iinok wogoren piya wogwe, ineebe lek ogwe iinok kwaarinakwi, eeka'lek mbo piinok, inanini paga eeppiigwi, iniyok konden aan lebenogo piigwi, eeko logonet, ndegeninako menggaarak o.

Yetikiyen 34:8

An neenik Nitok Minggirak Naliku ALA nen it yoroorak yokkege yi aret o. An nandomba ti, it ndegeninaka lek me, nandomba inoorit unggwogwe, ndiimbu-nggwiya inambi-mbiingga negen nunggwi, eeko agaarik o. It aap ndegeninaka mippiyareegirak nogo nen nandomba liippiiga'lek logonet, it inoba mban ndegenggologwe me,

Matiyut 12:11

Yogo mbareegwa, at Yetut nen, “Kinandomba ambiret me, tamban eekwi paga nggween kabunik me, wangge kenok, piyanogo nippi woroorak lek mbakop?

Lukat 13:15

Yorage mbareegi, ninogoba Yetut nogo nen at yoge, “Kit aakumi kiniki laakot logonet, yorogo monggotak yi wae! Kit abok tamban eekwi paga kinerapi a, kinageledai a, ngga'nggo'na narak me, yi na nawak nduk, tu paarogo punuk wogoret nogo monggotak nogo lek a?

Lukat 15:3

Yogo mbareegwa, at Yetut wone eegu laarogo it yorage logonet,

Lukat 19:10

An aap aret nda'nagagirak yi, it aakumi kobak ogogwaarak nogo kwaarogo inagap ndarikit nduk, wambi wagagirak o,” yinuk, yoreegerak.

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

1 Peterut 2:25

Kit aa'nduk ndomba kobak aago kwak ugun nugu nogogutak kwe, yogondak nen at kinarum wake, ndegengginake, eeka nogo abu'me logobagip nduk, ka wogogutak o.