Lukat 15:31 - Ala Wone Peenok Peebi Mbanak

³¹ Yoge mbareegi, ogoba nen, Naput o. Kat mondok-mondok nimbirak menggendak me, namindik-namendek apit ti, kat kamendek aret o.

Lukat 15:31 ပူးပေါင်းရင်းမြစ်များ

Lukat 15:30

kaput yi perak, kumi ugun wurinabit nege logonet, kawu wogoreegindak nogo tigippagit nege nagaarak nogo wage mbaki, tapi aagaluk amok warak lombok warogo lagagendak o.

Lukat 15:32

Ndi, kat kawot yi perak, kambeegerak negen kwe, eenik agaarak o. Ndi, kobak agagerak kwe, kwaakkogoorak me, niniki ale'nggen logonet, laago yi op aret lako, yoreegerak o,” yinuk, Yetut nen it aakumi yoragagerak.

Yaya 8:35

Aap ambi ayeloman nogo ogoba imbirak mondok-mondok wonageelik o. At lombok aput kenok perak, ogoba imbirak mondok-mondok menggerak.

Oroma 11:1

Togop me, an wone ambi kin wokkiya o. Ala nen at apuri aa'nduk miirinabeegerak nogo, mondok-mondok mbo piyareegerak mbakop? Abu lek o. An togon Iterali mendek aret. An nombo Abarakam aret me, nanebunu ti, Mbeniyamin mendek aret o.

Oroma 11:35

Ta nen o maan nen yogondak kuli paga, Ala onggo ndak-ndak wo'niruwak, mba'nuk, yi aakumi ndi aakumi wogorage, Eeke menggerak mbakop? Mondok lek aret o.”

Oroma 9:4

It Iterali mendek nogo Ala nen miirinake nagagerik, at apuri logowak nduk, wogonake, at tiyanak menggerak, “Wi,” yuwak nduk eeginake, peebi eeriyak wone abuk nggaruk togon yorage, wone, “Yogop ee'nu, ndogop ee'nu,” yugu liiru mbanak nogo wogorage, Ala alut eeko logonet, eeko logorak wone nogo mamunirage, “Yogop eerigin o. Ndogop eerigin o,” yinuk, wone yorage, eereegerak.