Lukat 15:28 - Ala Wone Peenok Peebi Mbanak

²⁸ Yoge mbareegi, oweeluk nogo anini age nagagerik, ame ungguurak eebi a'nuk, wonage me, ogoba wundi nage nagagerik, oone nabek togon, Unggwi mok ubi, yoreegerak kwe,

Lukat 15:28 ပူးပေါင်းရင်းမြစ်များ

Yetaya 66:5

Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.

Yeremiya 35:16

Aap Erekap aput Yonarap paga wiganak nen inombo wone lengganogo yoragagerak nogo, inaruk konembunuk liirogon aret eeko nogogwaarak kwe, it aakumi ti perak, an yorage nogo inaruk koneniyak ineebi mbako menggaarak, yegerak o.

Yunut 4:9

Yereegerak kwe, Ala nen Yunut yoge logonet, “Nggiyo mbuk agaarak ti paga kanini wungge logorak op mbaken?” Yoge mbareegi, at nen, “Nanini wundiyak op aret mbake agarik o. Nanini mbake logonet, aret kambi o.”

Matiyut 20:11

eeke mbareegi, kologo nogogwaarik, aap eyabu unde nogo inanini eeppogo logonet, inoone mumun paga at yogwi,

Marakut 1:40

Eerit nege me, aap awin aaga'ne kunik ambi at Yetut owagam wage nagagerik, abu'me tebe yinuk, ngginooge logonet, “Kat nen obeelom ee'naburak mbake keenok, obeelom ee'naburak op aret o.”

Lukat 13:34

Ai! Yerutalem, Yerutalem! Ala nen yorage kagak yokkega nogo inooke, aap Ala nen yonggo kowagam nappiya wage menggerak ti, yugum paga toguurit-tagaarit inooke, eeke menggendak me ao! Towe ayam iyagalo nen oo'nuwe a'naabit abu'me tebembiirogo menggi kwak, an nen kat kaagalogwe togop aret kuwak eerogo piyoorak mbake minggirak kwe, kat nen, Neebi o, mbake menggendak me, ao!

Lukat 15:2

Owagam nagak eeko mbareegwa, it Pariti mendek inom, it Ala wone liiru mbanak unde inom, nen Yetut it aap ti inom wonogwe iigo nogogwaarik, ineebi-ineeba yogo logonet, “Aap yi, aakumi maluk eeka wogonake nagaatik, inom mbi nengge menggerak kiraap!” yogogwaarak.

Lukat 15:27

kin wagangge mbareegi, ayeloman nogo nen, Lek o. Kawuluk nogo muk wagaarak o. Ndi, eebe obeelom aret wagaarak me, kogoba nogo nen tapi aagaluk amok warak ambi warogo lako logonet, ale'nggen eeko agaarik o.

Lukat 15:29

oweeluk nogo nen ogoba yoge logonet, Karuk logot o. An yi tahun ndi tahun kake yabu eeke minggirak o. Ndi, eeke logonet, Yogop ee'nu, ndogop ee'nu, yo'nege nogo neebi yaga'lek mondok eerit mban nege minggirak kwe, kambin aagaluk ambiriluk ambi an noreewi ninom niniki ale'nggen logonet, larogo noorak nduk, abu wo'nega'lek aret menggendak kwe,

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Lukat 5:30

it aap Pariti inom, aap Pariti mendek Ala wone liiru mbanak unde inom, nen Yetut oone waganggwi mendek ineebi-ineeba inomba'nuk, yorogo logonet, “Kit nonggop nduk, it aap o unde inake wu kuwak eeka inom, it aap maluk eeka inom, kinom mbi nonggo ogotik o?”

Lukat 7:39

“Aap Pariti, Yetut nimbirak mbi noorak,” yoreegerak nogo nen kwe nogo eeke kage nagagerik, iniki mbake logonet, “Kwe yi, maluk eeke menggerak me, aap yi nogo Ala nen yoge kagak yoraga mendek abet aret logonetak en, Kwe yi maluk eeke menggerak nen aret pi'nake kagi, yinuk, ti maan yelok kaanetak,” mbareegerak.

Nappiigak 13:45

Kuwak ari wogwe nogo it Yakuri inigen iigo nogogwaarik, “Nit ninoone konenuwak lak, it inoone mban konenggwi yi, nineebi a,” yinuk inanini nen at Pawulut oone ari nogo taganggo logonet, miyuk-meya eerogo pereegwaarak.

Nappiigak 13:50

Pawulut Mbaranabat imbirak inooruwak nduk, it Yakuri mendek nogo nen kumi nggaganin Ala inagabiti mbako nogogwaarak inom, it o kota time mendek inoweewi inendage warak inom, inikime manabi nogo mbareegwa, o time nen mugogo wumbiyareegwaarak.

Nappiigak 14:19

Teppogo mbareegwa, it aap Yakuri mendek o Andiyokiya inom, o Ikoniyum inom, nen wogo nogogwaarik, it inom aruwok nduk, aakumi inikime manabi nogo mbareegwa, it aakumi nogo nen Pawulut yugum toguurit wappogo nogogwaarik, “Abu kanggi o,” yinuk, niigogo o kota endekem nggwe mbo wumbereegwaarak.

Nappiigak 14:2

Abet mbako mbareegwa, it Yakuri ando abet mbariyak ineebi mbareegwaarak nogo nen it endekem mendek nogo inanini ogo logomenggaarik, Yetut apuri inom ogooruwak nduk iniki nggagani nogo mbareegwa,

Oroma 10:19

Ndi, ambi yokkira o. It aakumi Iterali mendek obeelom eeppiyoorak wone kobak wonogogwaarak kenok, yokkirage mbako ogotik? Ti lek mban. At Muta nen ari logonet, “It aakumi inendage lek alik mendek eeppiige paga napuri nen, Ao, mbakwi, Ndi, aakumi inanebunu wi-wa mendek eeppiige paga napuri nen inanini ogwe, Eeruwak nduk, eeppiyaagin o,” yinuk, yorage,

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

1 Tetalonika 2:16

It aakumi endekem mendek Ala nen inagap ndariyak wone, “Kit yorogo logorak lek o,” yinuk, non mbambinanogo menggaarak me, it maluk ambi nabek mban eerit wogoga, wogoga, “Ti kuli ari nawak,” koonak nogo paga ari nage kenok Ala anini inoba piige menggerak nogo ndak-ndak, yogondak anini mondok it inoba piige agaarik o.

1 Tamuwen 17:28

Yogo mbareegwa, at Ndawut it aap ineegin unde inom wone mbangge nogo at oweeluk Eliyap konengge nagagerik, anini ambik a'nuk, Ndawut mberege logonet, “Kat nonggop nduk yime wagandak? Kaanggumi kambin-ndomba mbereret karume wonogwe nogo ta unde wake kagak wagandak? Kat kiniki maluk kagak, an iya mbakak nege menggendak nogo an neenu me, Wim nambukwi nonggop iyaamun? yinuk, wagandak keegi o.”

1 Tamuwen 18:8

Wakwi nogo at Tawun konengge nagagerik, anini nen iniki mi'nage logonet, “An nen inookirak kenok, mbereeluk yogwe, ndi, at Ndawut nen inookerak kenok, apit togon yogwe, eeko logonet, at endage tiyappugwi me, nendagembogut wonage yi, at aret oba age kagi,” mbake nagagerik,