Lukat 15:22 - Ala Wone Peenok Peebi Mbanak

²² Yoreegerak kwe, ogoba nen ayeloman mini yorage logonet, Yum abu kigirikwe lombok waganogo yippugwi, tenggen at eenggi paga yippugwi, sepatu yippugwi, mbet-mbet togon ee'nip o.

Lukat 15:22 ပူးပေါင်းရင်းမြစ်များ

Etet 3:10

Yoge mbareegi, aap endagembogut nogo nen mberaarenggen paga amburu cap eekak eenggi oolo yirik wonage nogo nggoorogo, aap Agak mendek Kamerata aput it Yakuri eebi inombake Kaman nogo wogoreegerak.

Etet 8:2

aap endagembogut amberaarenggen paga amburu cap eekak eenggi oolo yirik aap Kaman yippereegerak nogo, wake logonet, waganeegerak me, nggoorogo aap Morekayi yippege mbareegi, at kwe Etet nen Kaman amindik-amendek nogo Morekayi unde logowak nduk, mippereegerak.

Ndawi 132:16

It aap an neebe unde o yime wonogwe nogo Aakumi inake eerit nugwi paga aakumi nen, “Ninagap ndarak aret kogo o,” mbaruwak nduk, Yum yippiigo mengga kwak eeppiige, O Tiyon apuri an nake leenak nogo inale'nggen nen keekok yogo logowak nduk eerogo piige,

Ndawi 132:9

It kat keebe unde nogo nen Inayum abe yirik kwak abe mendek mban eerit nogwe, It kapuri kake leenak inale'nggen nen keekok yogwe, Eeko logowak o,” Yinuk, yereegerak o.

Ndawi 18:33

Rusa iyok nggilik-nggelok pit nege menggi kwak, An niyok togop aret eeppanege, Puut kirin paga mi'ndak logokit nduk, Nomaawi eerogo panege,

Ndawi 45:13

Aap endagembogut ambi apuluk oba mbu'mbap eeppunuk Ko ambi ogoorak me tokkage wonage, Ayum mbuti emas paga yabuk-ndabuk eerak yikkolage, Ee'nuk,

Ndawi Iya 7:1

Aap nagawan aput kolaga yi wae. Kiyok ogut yirik irip paga pit nage ti iya o. Aap ineenggi amburu paga mbilak yakaatak inomarip paga yirik mengga kwak, komarip abe tobak aret wonage,

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Lukat 15:21

Aleenggu maake kagak, aput nen ogoba yoge logonet, Nogoba o. At mbogut paga mendek inom, kat inom, maluk eeppinagareegirak o. Maluk eeppinagareegirak me, Yi an naput, yo'niriyak ti mage o, yoreegerak.

Lukat 15:23

Ndi, ti eeppunuk, tapi aagaluk amok warak ambi wa nogo logomonggotik, warogo anooniya lako logonet, ale'nggen eeruwok o.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Oroma 8:15

Kit Aberiniki waganeegutak ti, aap ambi ayeloman ogoba abu'me agabiti mbakak menggi kwak, kit aa'nduk wone yugu kinagabiti mbakak eeko nogogutak ti ndak-ndak woolik o. Ata, nit Ala apuri agago pinanuwak nduk, Aberiniki waganeegurak ninikime logonet, yo'nirage kagak, “Ala nogoba o. Ala nogoba o,” yinuk, yogo monggoorak.

Nggalatiya 3:27

Keritut kinom kumbinagage mbareegi, yiime wambeegutak me, Keritut obaabut ndak-ndak aret ogogutak o.

Wayu 19:8

inoone yogwe iigak, akwe nogo wage mbaki, ayum ambi abu yawenak kikak naka'lek abe laambu yanggwi negen lan aago yikkolawak nduk, wogoge kagarak. Ndi, ayum abe yawenak nogo ti, it Ala apuri ake leenak nen maluk eeka'lek obeelom mban eerit nugwi nogo kwak aret kagarak.

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 3:18

It inagap mbelanak nugwi me aakumi nen inigen iigwi iinok, inenggali ogwe iyo, inayum laambu yanggwi negen yikkolaawak nduk kunggologwe, inigen mbuk nogo obeelom a'nuk yi mendek ndi mendek inigen kaawak nduk, amburu inigen me puurak kunggologwe, ndi, abe mendek paga ineenggi warak aruwak nduk, an nawu mbuti emas abe kani paga worarak nogo mendek inom onggo kunggologwe, eeko logorak yoraawak nduk, yoriyak, yokkigi o.

Wayu 6:11

“Lek o. Kit kinowe-kinawot inom, it kinom Ala wone mondok liippunuk mugurok nogwe inom, kit kinooreegwaarak kokwak inookwi iinok perak, kinane'me ambugwi lambuk togon inoorigin aret me, we ne ambiriluk puk logomunggup o,” yinuk, mbogoyum nggorek yanggwi negen inalitak lombok yippiige kagarak o.

Wayu 7:9

Ti eeke kage nagarik, it aakumi inanebunu inalitak lombok inom, inoone alitak inom, inagabolo alitak inom, inenggela'me nen ambitak nggigik kuwak eereegwaarak nogo ti, ineebe ambik ineenggi lingginiyak abu meek iigirak. It aakumi ti, inambogoyum nggorek yanggwi negen yippunuk eyoongga kalenak wik-wik eeko logonet, at wone lengganogo yorage menggim eyo ndoonak paga kwi'ndak wonage nogo inom, Ndomba Aagaluk nogo inom, imbirak inabu'me mi'na'nuk,