Lukat 15:18 - Ala Wone Peenok Peebi Mbanak

¹⁸ An yime nen nogoba ka nage logominggirik, Nogoba o. At mbogut paga mendek inom, kat inom, maluk eeppinagareegirak o.

Lukat 15:18 ပူးပေါင်းရင်းမြစ်များ

2 Mbinineegwaarak 33:19

Ndi, at tamban eereegerak inom, abuwa warak nggo-nggo logonet yoge mbareegi, Ala nen, “Abet aret yo'nege kagi,” yinuk, eeppereegerak inom, maluk eerit nage nagagerak inom, Ala wone li'lak eeka'lek mbo punuk, puut-puut paga kugi eeko menggam ogobakkigirit nagagerak inom, kugigwe Atitoret ageyo arelen yinogo mippit nagagerak inom, kugi inogut eerogo pit nage nagagerak inom, iniki tebeppaka'lek logonet eerit nage nagagerak abok aret it inabinggaanggo kaga nen liiru mbanggo nogogwaarak paga inom mbanak wonage o.

Ndawi 25:11

Kaliku ALA wae. An maluk mondok nggwok lombok eekirak me, Kendage obeelom logowak nduk, Nomaluk ti lek eerogo panu o.

Kini Wuppiige 23:13

Kapuluk aruk waka'lek mbo puurak ti mage o. Yawi paga wake keenok, at kambigin lek me, Wake logomunggun o.

Yetaya 63:16

Kat ninogoba aret o. Ninombo Abarakam nen nit liippinanege, At Iterali kunduk, Yi an paga wiganak aret, ninombake, Eekulik aret kwe, Kaliku ALA wae. O maan nen kendage ti, Wondet Eerogo Pinanega ninogoba kat aret, yogo monggoorak.

Yeremiya 3:19

Aliku ALA nen ari logonet, “An lombok nen nale'nggen paga napuri kwak eerogo piinok, Yi aakumi ndi aakumi ineyate kwak inapuri unde eeppiigwi abu obeelom aret kwe, Ti eeppiigwi kwak lek an nen nggween abe mili lombok wogoraakit mbake, It an mu'neren wogwe nogo nomonogo mbo pugun lek, Ninogoba o, yinuk, yo'nogo logorak mban mbake, Eekirak kwe,

Yeremiya 31:20

At Eparayim nogo ti, naput niniki kunik eeke, Napuluk ninikilom mbake, Eeke minggirak nogo lek a? Kulinik aret mberigitak kwe, oba aberak wonage me, Kaakit lak, ao, yinuk, niniki nggilu ari, Abuwa lombok mbake, Eeke minggirak o,” yinuk, Aliku ALA nen aret yegerak o.

Leendawi 3:29

Iniki lunik nogo, eeppege kagak eerukwak, iniki tebeppatinuk liirubu enggela'me anep kumbunuk logowak o.

Leendawi 3:40

Nit eerit nugwi nogo maloppakwi, ninabut mbanggologwe, eeppunuk, yungguk togon Aliku ALA mugurok nogwe,

Ndaniyen 4:26

Ndi, Eyo muurik alom-omanggen kunik teppu o, ari kagandak nogo ti, kat nogoba nen, At mbogut paga menggerak nogo mban aakumi inabu'me piigo menggam unde menggerak kagi, ari keenok, kat aakumi kabu'me piinok menggenom nogo, wone lengganogo ambinom yorage logonok nduk, kobaane'me aret mippagagin o.

Yunut 2:4

An nogo, kat wonage me nen mbo panegendak kwe, Kat kawi wurik abu alik leenak nogo an ambinom kaagin aret o, mbake neegak,

Matiyut 3:6

inomaluk paganggwi iinok, at Yaya nen yi Yoraran inikime wuppiige nagagerak.

Matiyut 6:14

Kit nen aakumi inomaluk kinami eerogo piigwi kiinok, kinogoba mbogut paga mendek kunduk, kit kinomaluk abu lek eerogo pinagagin o.

Matiyut 6:9

Ata, kit tamban yogop aret eeko logonip o. Ninogoba mbogut paga mendek ao. Kat kendage abu abe alik leenak menggendak me, tiyappagago ogoorik o.

Matiyut 7:11

Lek o. Kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek nogo nggino yogwi kiinok, at togop aret obeelom mendek mondok iya negen wokkirage kaamunggup o.

Lukat 11:2

Yoge mbareegi, at Yetut nen, “Kit tamban yogobi eeko logonip o. Ninogoba o! Kat kendage abu abe alik leenak menggendak me, tiyappagago ogoorik o. Nit kat kabu'me logowok nduk, eeppinani mok o.

Lukat 15:17

Ti'nuk, ne ambi paga iniki liippege nagagerik, A puk! An nogoba ayeloman mini yabu eekwi onggo kologwe nogo, ineebe apit logonet, mbi ndiinogo pegak nonggo menggaarak kwe, an perak, mbi abu nen kambigin kagi.

Lukat 15:19

Maluk eeppinagareegirak me, Yi an naput, yo'niriyak ti meek o. Ata, kayeloman mini yabu eekwi onggo kologwe nogo pogom ee'nabu, yori naakit, mbareegerak.

Lukat 15:21

Aleenggu maake kagak, aput nen ogoba yoge logonet, Nogoba o. At mbogut paga mendek inom, kat inom, maluk eeppinagareegirak o. Maluk eeppinagareegirak me, Yi an naput, yo'niriyak ti mage o, yoreegerak.

Lukat 18:13

aap o unde inake wu kuwak eeka nogo nen perak, tayorogon mi'nage nagagerik, ena mbogut paga ni'naga'lek eebe wakkolage logonet, Ai, nogoba Ala! An maluk eeke minggirak me, nabuwa mbaru o, yinuk, yoreegerak.