Lukat 15:13 - Ala Wone Peenok Peebi Mbanak

¹³ Wogorage mbareegi, nogo mbereeret yinuk, aput ambokan ndarak nogo nen ageerok ogoba wogoreegerak nogo abok kuwak eerogo onggo mbanggolage nagagerik, awu ko'nok o nda time nagagerak. Nagagerak time logonet, iniki liippega'lek ugun eerit nege logonet, awu nogo tigippateegerak.

Lukat 15:13 ပူးပေါင်းရင်းမြစ်များ

Ndawi 73:27

It aap kat mbo paganuk mbaganggwi nogo, Ineebe lek eerogo piige, It aap kat liirogon mukkeren naga'lek nogo, Abok aret inenggaawak lek eerogo piige, Eerumunggun o.

Kini Wuppiige 18:9

Aap yogaatak liirogon eekeelik oweeluk-awuluk kwak ti, Yi mendek ndi mendek pup eerogo pega ti aret.

Kini Wuppiige 21:17

Aap ambi iniki ale'nggen logorak mban uugwe mbake kenok, amendek lek aret arit unggwage, Ndi, aap ambi anggur amburu inom, wam amburu inom, mban inikilom mbake kenok, amendek ambik aga'lek aret wonage, Eeke menggerak.

Kini Wuppiige 21:20

Mbi ombat abe mendek inom, wam amburu inom, ti, aap iniki warak ame lek ageelik wonage mban menggerak kwe, Aap iniki lek wi nen perak, amendek mbet-mbet lek eerogo pake menggerak.

Kini Wuppiige 27:8

Aap ambi ame nen wundi nanuk, ambime agak nege nogo ti, Towe awi mbanak me nen wundi nanuk wiganinuk nege menggi kwak aret wonage menggerak.

Kini Wuppiige 28:7

Aap wone yugu liirogon unde wonage ti, aap aput iniki warak aret mbako menggaarak kwe, Aap inaanoguma'le andi lek nengga inom nege kenok perak, at ogoba enggali eerogo pege menggerak.

Kini Wuppiige 29:3

Aap ambi nen iniki warak eekkoloorak inikilom mbake paga ogoba ale'nggen mbake menggerak kwe, Aap ambi nen kumi mbabilu inom kunggo'net nage kenok perak, awu lek eerogo pake menggerak.

Yetaya 1:4

Kit aakumi maluk mban eeka mendek yi wae. Kit maluk mban kinoba luurik wonage, Maluk awi mbilanak kit aret porogo wonogwe, Wologwe maluk eeriyak lek mendek kagak eerit nugwi kwak eerit nugwi, Eeko logonet, At Aliku ALA mbo pugwi, At Kikak Nakeelik Alik Leenak Iterali inogoba nogo meek eerogo pugwi, Kit kinambokan munogo pugwi, Eekwi me, Kinabuwa o!

Yetaya 22:13

It nen inale'nggen nggelok yinuk, ugun-ugun eerit nogo logonet, Nit ko'lu aret kambuurak me, amele o, yinuk, Tapi inom, ndomba inom, warogo lappunuk, Enggaanggum larak nenet nugwi, anggur amburu nenet nugwi, Eekwi iigirak o,” yinuk, yegerak me, yokkiragi o.

Yetaya 30:11

At Kikak Nakeelik Alik Leenak Iterali inogoba nogo nen togop yokkirage agaarik o, yinuk, yo'niragak eeriyak ti mage o. Nit eerit nugwi yi, eeko logogun aret me, kit eeriyak mbakotak ti, eerit nogo logonip o, yinuk, yorogwe, Eeko agaarik o,” yinuk, ari kagarak o.

Yetaya 56:12

“Anggur amburu noorak wa nagin me, mok o! Yogondak nunggwi kwak lek, ko'lu abu alik negen ndonggok togon nunggo logogun me, Amburu omaawi mendek yi, yogondak kunduk ndonggorogon nunggo logowok o,” yinuk, yogo menggaarak.

Yeremiya 2:13

“An napuri maluk eekaarak alom mbere yi aret. Ambi, niyo ineenik eeginake minggirak alom an nogo inambokan mbo panugwi, Ndi, ambi, niyo yenggenak logorak nggween kabunogo pakwi kwe, eno mbanak me, wundi nage logorak mendek kagak kabunogo pakwi, Eekaarak o,” yinuk, yegerak o.

Yeremiya 2:31

Kit yi, nano mendek ndarak o? Aliku ALA nen wone yokkirage yi, liippogo logonip o. “An nen o karume menggi kwak a'nuk yorage, O yumaak lombok menggi kwak a'nuk, eeppiige, Eereegirak mbakop? It an napuri nen, Nit wondet aago ugun nugwi me, kat wonage me ambinom keya woroorak nineebi o, Yinuk, nonggop nduk yogo agaarik?

Yeremiya 2:5

At Aliku ALA nen yegerak nogo yi aret. “It inombomini nogo maluk ngge eeppiige neenok, an mbo paninuk ineebe abu nda ogogwaarak? Kugi abe lek aanom warogo kagak mugurok nogwe, Mugurok nogwe iinok, meek eerogo pakwi, Eereegwaarak.

Mika 6:3

Napuri o. An nen kit nano eeppinagareegirak o? An ngge eeppinagareegirak paga an ari koneniyak anggon eekkinake? Wone onggo mbet yo'ninip nda!

Lukat 15:12

Ambokan mendek nogo nen ogoba yoge logonet, Nogoba o. Keyate an wo'niriyak mbakendak nogo mbet wo'niru o, yoge mbareegi, ogoba nen amendek eyate nogo mogonogo imbirak wogoragagerak.

Lukat 15:14

Awu nogo tigippake nagagerik, wonage me, o nogome mbi noogelo nggwok age mbareegi, at mbi abu ambik eereegerak.

Lukat 15:30

kaput yi perak, kumi ugun wurinabit nege logonet, kawu wogoreegindak nogo tigippagit nege nagaarak nogo wage mbaki, tapi aagaluk amok warak lombok warogo lagagendak o.

Lukat 16:1

Ti'nuk, peebi at Yetut nen at oone waganggwi nogo yorage logonet, “Aap eenggi warak ambi ayeloman o arum wonagagerak. Arum wonage me, aakumi nen, Lek o. Kayeloman nogo nen kamendek abu lek eerogo pit nage o,

Lukat 16:19

Yorage nagagerik, wone ambi yorage logonet, “Aap ambi eenggi warak lombok me, ayum laambu kigirikwe mban yikkolage nagagerak. At ko'lu-kii'me paalo aago mban logonet, ale'nggen mban wonagagerak.

Epetut 2:13

o nda negen aret wonogogutak kwe, Keritut amiya paga Ala kinom lambunogo pinagi wagagerak me, yogondak Keritut Yetut kinom kunik aret wonogo ogotik o.

Epetut 2:17

Kit nda negen wonogogutak inom, nit koorok wonogogurak nogo inom, “Paalungga muk warak me, lambuninip o,” yinuk, yo'nira wagagerak.