Lukat 14:28 - Ala Wone Peenok Peebi Mbanak

²⁸ Kit o nggorek wurik lagarak koonggwi kenok, wuriyak onggo puurak endak wonage ilik, lek a? yinuk, kineenggi linggingga'lek kagak, wuko monggotak mbakop?

Lukat 14:28 ပူးပေါင်းရင်းမြစ်များ

Kini Wuppiige 24:27

Yabu endekem aa'nduk lek eerogo pege, Keyabume aa'nduk waganogo pege, Eeke logomenggendik, Ti'nuk, kawi wurogo pake logot o.

Matiyut 10:22

Aakumi abok aret alom an paga ineebi lombok kinombaremenggaarak kwe, kiniki kwi'ndak nu'lek wonogwe kiigak, o age yobok ari wage paga kinagap ndarigin o.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Lukat 14:27

Kinageyo karo-karo nabenogo pinagarak nogo, ko'nok an ninom noorak mbaka'lek kiinok, an noone waganggwi mendek arumunggup lek o.

Lukat 14:29

Wu kineenggi linggingga'lek kagak wukwi kiinok, nggween kabunogo kobat yimbunuk, oo'ngget awo maaka'lek kagak wu lek age kenok, kakunik mbo pumonggotak nogo aap ando nen inigen kogo logomenggaarik, Aap yi, o wuriyak nduk eekaarak kwe, eegu yobok ari kenok, mbo pegaarak yi, kaanip o, yinuk, kinagi'ndok kambugun nogo lek a?

Lukat 14:33

Ti eeko mengga kwak, kit ambi kinamindik-kinamendek apit aret mbo pega'lek kagak an noone waganggwi mendek arumunggup lek o,” yoragagerak.

Nappiigak 21:13

at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.