Lukat 14:21 - Ala Wone Peenok Peebi Mbanak

²¹ Eereegwaarak nogo ayeloman nen ogoba mbininogo yori wage mbareegi, ogoba anini nen ayeloman yoge logonet, O kota yime tu andogon-andogon apit aret nage logomenggendik, aap ineenggi lek kenok, ineenggi-iniyok peenok warak peenok lek kenok, inigen mbuk kenok, endop maluk kenok, mbet-mbet wogoret wa'nu o.

Lukat 14:21 ပူးပေါင်းရင်းမြစ်များ

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 38:7

Namborowak andi tele agan unggwage, Neebe abu meek ee'nabit unggwage,

Yetaya 33:23

It ninawim nen inayiiro wonok wogwe keele pugunik nogo nggaru-nggaru nage, Ogobak me eyo mippugu nogo langgonak-panggonak nage, Yum eyo mippugu pugunik nogo nabe-nabe nage, Eeremenggerak me, Yi mendek ndi mendek kugun wogo ambik wonok wogwe nogo nit tumbukkologwe, Aap inendop maluk nen kunduk ando nogo kologwe, Eeko logogun o.

Yetaya 35:6

Ne ti eyom paga it aap inendop maluk nogo, rusa ku'mbonggak nege menggi kwak, ku'mbonggak nugwi, Inoone yogolik iniki apit nogo inoone warak a'nuk, inale'nggen nen keekok yogwe, Eeko logogun o. Ne ti eyom paga o karume niyo eneeri nggwok aret kilanogo wumbit wage, Karume kwe, niyo nggwok nage,

Yeremiya 5:1

Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Takariya 11:11

Ne ti paga aret kalenogo pereegirak me, it ndomba wariyak ake leenak inigen iigak kalenogo pege mbareegi, “Yi eekerak ti, Aliku ALA nen aret eekerak kogo o,” yinuk, ineenu ogogwaarak.

Takariya 11:7

Yo'nege mbareegi, an nen it ndomba kunogo wariyak nduk leenak nogo, ndegeninabit nege nagagirak. Ndegeninabit nege logonet, ndomba ndegeninakak waanggun mbere wagangge nagagirik, ambi endage, Inabuwa Nen Wogoraga, toonogo pege, ndi, ambi endage, Inom Kunik Eeka, toonogo pege, eeke nagagirik, wogoren nege nagagirak.

Matiyut 11:28

Kit wone yugu eerit nugwi paga kiniki aaninggin wonage, anggon-panggon eekkinake, eeke yi, an nen kiniki yanggongginabikit nduk, nowagam wa'nip o.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 15:12

Yorage mbareegi, at oone waganggwi nogo, wogo nogogwaarik, at yogo logonet, “Wone yoragandak nogo ti, it aap Pariti inaruk konembunuk, ineebi kombakwi iigendak a, lek a?”

Matiyut 18:31

Keele maarogo mambiigo menggam mambereegerak nogo, oreewi nen inigen kogo nogogwaarik, iniki abu maluk a'nuk, aap eereegerak nogo inogoba mbininogo yori nogogwaarak.

Matiyut 20:7

Yorage mbareegi, it nen, Yabu eeriyak nduk, ambi yo'niroolik me, we aret ogoorik o. Yogo mbareegwa, aap nogo nen, Kit kunduk, an neyabu eekwi me time kinom eeri nanip o.

Lukat 14:13

Ata, laago lake logonet, ineenggi lek kenok, aawi-obaak peenok warak peenok lek kenok, endop maluk kenok, inigen mbuk kenok, inayonggo pege kenok perak,

Lukat 14:20

ndi, ambi nen, An nakwe awo kolagarak me, na noorak meek o, yoge, eereegwaarak.

Lukat 14:22

Yoge mbareegi, wogoret wage nagagerik, ogoba yoge logonet, Nogoba o. Yo'negendak nogo wogoret wagarak kwe, kwi'nariyak tenak apit wonage o.

Lukat 14:24

Laago noorak nduk, aa'nduk inayonggo pigirak nogo abok aret an nelaago larak na unggwi woroorak mondok lek aret, yoreegerak o,” yinuk, yoragagerak.

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Lukat 9:10

It aap nappiyareegerak nogo iniyok paga wogo nogogwaarik, eerit nugu nogogwaarak nogo Yetut mbininogo yoreegwaarak. Yogo mbareegwa, at Yetut nen inalik wogoret o kota ambi endage Mbetayira tayo yi nogogwaarak.

Yaya 9:39

Ayuk wuke mbareegi, at Yetut nen, “It inigen mbuk kenok inigen obeelom eeginake, inigen obeelom kenok inigen mbuk eeginake, eeke logonet, kinowak loonogo pinagakit nduk, an o nggween paga yime wambi wagagirak o,” yinuk, yoragagerak.

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

Wayu 19:15

Inom nogo logonet, at yi aakumi ndi aakumi inanebunu lombok abok aret tebenogo piyoorak nduk, paloowi ngget ambik ambeme nggelenak wonok nage logonet, tebenogo piinok, mbim obate mbanak ineenggime logonet, inoone omaawi paga yorogo mengga kwak, at oone omaawi paga wone lengganogo yorage kagarak. At omaawi lombok menggerak Ala anini nen aakumi eeppiyoorak nogo ti, anggur amburu aambiranggo mengga kwak aret me, at nogo nen aakumi togop aret aambiranogo piinet nage kagarak.

Wayu 22:17

Yo'nege mbaki, malayikat nogo nen ambi yo'nege logonet, “It aakumi niyo abu aganake kenok, niyo ineenik aganaka nogo mendek onggo lek we aret tookkola woraawak nduk, Aberiniki inom, Ndomba Aagaluk akwe nogo inom, imbirak nen, Wa'nip o, yinuk, muk yorogo agaarik o. Ndi, it wone yi, konembunuk abet mbakwi iinok, Na wa'nip o, yinuk, wiirogo logowak nduk, yoret o,” yinuk, yo'nege kagarak.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,

1 Tamuwen 25:12

Yorage mbareegi, at Ndawut awuri nogo iniyokan at Ndawut wonage me wogo nogogwaarik, aap Naban nen wone yereegerak nogo Ndawut mbinuk-mbenak eerogo yoreegwaarak.