Lukat 14:13 - Ala Wone Peenok Peebi Mbanak

¹³ Ata, laago lake logonet, ineenggi lek kenok, aawi-obaak peenok warak peenok lek kenok, endop maluk kenok, inigen mbuk kenok, inayonggo pege kenok perak,

Lukat 14:13 ပူးပေါင်းရင်းမြစ်များ

2 Tamuwen 6:19

Ale'nggen inoba piige nagagerik, it aakumi Iterali time wonogwe nogo aap a, kumi a, abok aret tapi enggaanggum inom, oroti longgo warak ambi inom, anggur anggen woloonak oroti worarak mendek ambi inom, inalitik-inalitak tumburiragagerak. Tumburirage mbareegi, it aakumi abok aret iname lombok nogogwaarak.

2 Mbinineegwaarak 30:24

Ti eeruwak nduk, it Yekura mendek inowe endagembogut Kitikiya nogo nen tapi ngguunok seribu inom, kambin-ndomba tujuh ribu inom, it kuwak aago nogo wogorage, at inom eeko menggaarak nogo nen tapi ngguunok seribu inom, kambin-ndomba sepuluh ribu inom, wogorogwe, ndi, it Ala unde eegu apit aret nogo nen inoba mbeenogo pakwi, eereegwaarak.

Nekemiya 8:10

Yorogo nogogwaarik, at Nekemiya nen, “Kit kiname nogo logomonggotik, kiniki ale'nggen paga kinambi-kinagi abe mendek nonggo logonet, ando mogonogo it aakumi ineenggi lek kenok wogoraamunggup o. O yogondak ninogoba Aliku ALA ake punik aret me, kiniki wakkolaagup o. At Aliku ALA nen kinale'nggen eeppinagage ti paga kiniki nu'lek aret logomunggup o.”

Nekemiya 8:12

Ndi, it aakumi wone yorogogwaarak nogo abu liippunuk, waganeegwaarak me, iniki ale'nggen nen mbi nunggwi, yi nunggwi, eeko logonet, ando it aakumi ineenggi lek kenok, tumburirogo logowak nduk, iname nogogwaarak.

Ayup 29:13

Aakumi kambuurak eeko logonet, inale'nggen noba panugwi, Kumi nanu nen an neenok inale'nggen nombakwi, Eeko nogogwaarak.

Kini Wuppiige 14:31

Aap ambi nen aap ineenggi lek nogo tebenogo piige kenok, at ogobakkigirogo piyareegerak nogo aret meek eerogo pege menggerak kwe, Aap ambi nen it aap eekkoloorak meek nogo inabuwa mbake kenok perak, Ala aret ayuk wuke menggerak.

Kini Wuppiige 22:9

Aap iniki ndoobu nen aap ineenggi lek ambi tumburirage menggerak me, ale'nggen kage logogin o.

Yetaya 58:10

It aap mbi abu wonogwe iinok, it noorak mbakwi nogo aret wogorogwe, It aap tebenak mendek nen, Ndi mendek wo'niraawak lak, mbakwi iinok, wogorogwe, Eekwi iinok, It eya eeginake nogo o apit aago wonage nogome eya ari unggwage, It kunduk o apit aago wonogwe nogo o liingge eya kwak eerogo piige, Eerigin o.

Yetaya 58:7

It aap inambi abu wonogwe iinok, inambi magarogwe, It owunik nugwi iinok, iname wogoren piya unggwogwe, It inayum yirik lek inagabolo kin nugwi iinok, inayum yippiigwi, Aap it mendek iinok, ineebe kumaa'naga'lek wogonakwi, Eeko logorak nogo ti, Inambe mage negen logonet, eeko logorak koonogo pereegirak ti aret nogo lek a?

Matiyut 15:30

Kwi'nagagerak wonage me, it aakumi ambik nen Yetut owagam wogo nogogwaarik, inendop maluk mendek inom, inigen mbuk mendek inom, ineenggi-iniyok nggilik-nggelok aago mendek inom, inoone lek mendek inom, ando kugi andi alik mendek eeginabeegerak nogo inom, wogoret, Yetut abu'me piigo mbareegwa, at nen obeelom eeginabeegerak.

Matiyut 22:10

Yorage mbareegi, at ayeloman mini nogo nen tu nggwok paga yi aap ndi aap op-maluk abok aret wogwe inigen iigo nogogwaarik, kuwak eeppiinok, ineebe apit wogoret wogogwaarak me, laago lareegim nogome o yagabit agagerak.

Lukat 11:41

Lek o. Kinikime aken yonggolak ti, it aap ineenggi lek wogorogwe kiinok perak, yi mendek ndi mendek abok koorak aret kaamunggup o.

Lukat 14:12

Yorage nagagerik, Yetut nen aap at ayonggo pereegerak nogo yoge logonet, “Kat laago lake logonet kenok, kinom kiniki kunik menggendak inom, koreewi inom, kowe-kawot inom, ineenggi warak kat kinom menggendak inom, it mban inayonggo pege kenok, peebi it togop lako logonet, onggo kat kayonggo pugwi iyo, it mban inayonggo pege logobok o.

Lukat 14:14

kiniki ale'nggen ambik kaamunggun o. Ndi, it nen onggo wokkiriyak meek me, aakumi iniki abe koonak nogo ineenik a'nuk, mippiyoorak eyom nogo paga aret onggo wokkege kaamunggun o,” yinuk, yoreegerak.

Lukat 14:21

Eereegwaarak nogo ayeloman nen ogoba mbininogo yori wage mbareegi, ogoba anini nen ayeloman yoge logonet, O kota yime tu andogon-andogon apit aret nage logomenggendik, aap ineenggi lek kenok, ineenggi-iniyok peenok warak peenok lek kenok, inigen mbuk kenok, endop maluk kenok, mbet-mbet wogoret wa'nu o.

Nappiigak 9:39

Nappiyareegwaarak yori nogo mbareegwa, at Peterut inom aret wogo nogogwaarik, wonok tilaabaga ko ogoorak logonak me nogome lagi nogo mbareegwa, it kumi togwe nogo nen, “Kwe yi, eenik logonet, aken yum inom, endekem yum inom, yege nagaarak eyate yi ket o,” yinuk, nikkogo logonet, le yereegwaarak.

Pelaareegerak 16:11

Pi wogo logomonggotik, kit inom, kinapuri wologwe-komologwe inom, kinayeloman mini kumi-aap inom, aap Lewi mendek kinawi kota kinom logogun nogo inom, aap nggiru inom, elege moono inom, kumi nanu kinom logomunggup nogo inom, abok aret at Aliku kinogoba Ala nen, O yime nen mban nendage ki logowak o, yinuk, leenogo patemenggim at enggaanom paga time nen kinale'nggen paga laago lako logomunggup o.

Pelaareegerak 16:14

Lako logonet, kit inom, kinapuri wologwe-komologwe inom, kinayeloman mini kumi-aap inom, aap Lewi mendek inom, aap nggiru inom, elege moono inom, kumi nanu kinawi kota kinom logogun nogo inom, abok aret kiniki ale'nggen paga laago ti lako logomunggup o.

1 Timotiyut 3:2

Aap ambi Ala apuri unde logorak mippuurak mbakwi kenok ti, aakumi inoone at oba pugulik kenok, akwe ambit wogo kenok, iniki tum waka kenok, iniki warak kenok, li'lak mban eeke menggerak kenok, inanoniya laka kenok, aakumi op mamuniroorak kenok,

1 Timotiyut 5:10

“Yi obeelom ndi obeelom eeke menggerak,” yogwe iinok, aagalogwe liirogon tawe eeginaka kenok, aap nggiru inanoniya laka kenok, it Ala apuri ake leenak iniyok koorinaka kenok, it aakumi aaninggin inoba agaatak iniki eyak wappiiga kenok, ndi, yi obeelom ndi obeelom eekwi abok aret, “An unde o,” yinuk, eeke menggerak kenok, endage mbaniyak op kwe,

Titut 1:8

Ata, aap inanoniya laka kenok, obeelom eeriyak inikilom mbaka kenok, iniki warak kenok, a'me nggelok eeka kenok, Ala wone liippunuk eeka kenok, eeriyak eeke kagak kwe, iniki yungguppunuk, puk aga kenok, aap ti mendek mban mippiyoorak op o.

Pilemon 1:7

It Ala apuri alik leenak kiniki kunik aganake logonet, iniki eyak wappiinet nage paga niniki kwippaneegindak me, niniki ale'nggen nggwok mbake logonet, “Wa,” yokkigi o, noreeluk.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.