Lukat 14:11 - Ala Wone Peenok Peebi Mbanak

¹¹ Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Lukat 14:11 ပူးပေါင်းရင်းမြစ်များ

2 Tamuwen 22:28

It iniki tebeppakwi iinok, kat nen inagap ndake kwe, Iniki wogoppakwi iinok perak, Iniki tebeppatuwak nduk, kenegen wogoren nage, Eeke menggendak me,

Etet 6:10

Yoge mbareegi, aap endagembogut nen Kaman yoge logonet, “An nayum yike minggirak inom, naguda inom, mbet-mbet wagangge logomenggendik, aap Yakuri mendek nawoore'nggam tu unggwogo menggam wonage Morekayi nogo, kat yagandak ndak-ndak aret eeppi nak o. Ndi, eeppi nage logonet, wone kat yagandak nogo ambiriluk ambi teppuurak lek tigitogon aret eeru o,” yinuk, yoreegerak.

Ayup 22:29

Aap iniki tiyappakwi iinok, Ala nen tebenogo piige, Ndi, iniki tebeppakwi iinok, at nen tiyappiige, Eeke menggerak me,

Ndawi 138:6

Kat Kaliku ALA ti, Mondok tiyanak lombok menggendak kwe, Aap meek mendek nogo kenegen wugiya wage, It aap iniki wogoppako menggaarak nogo kat nda nen liippiige, Eeke menggendak o.

Ndawi 18:27

Iniki tebeppakwi iinok, kat nen inagap ndake kwe, Iniki wogoppakwi iinok perak, Iniki tebeppatuwak nduk, kenegen wogoren nage, Eeke menggendak me,

Kini Wuppiige 15:33

It aap Aliku ALA inagabiti mbakwi paga iniki warak logorak mamunggologwe, Ndi, iniki tebeppatiyak aa'nduk mamunggo'nok, inayuk wuriyak mendek mamunggologwe, Eeko menggaarak o.

Kini Wuppiige 18:12

Aap ambi aa'nduk iniki tiyappatit nege kenok, peebi endage maluk age menggerak kwe, Ndi, aap ambi aa'nduk iniki tebeppake kenok perak, peebi ayuk wuko menggaarak.

Kini Wuppiige 25:27

Nggiin amburu ambik nenggak yuurak ti maluk aret o. Ndi, aap ambi endage tiyappuwak nduk, oone ambik agan nage ti kunduk, maluk aret o.

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Yetaya 2:11

It aakumi inigen tiyanak nugwi nogo tebenogo piige, “Nit iya,” mba'nuk tiyappatit nugwi nogo at abu'me tebenogo piige, Eerigin me, Ne ti eyom Aliku ALA alik mban endage tiyak yigin o.

Yetaya 2:17

Aakumi iniki wogoppakwi nogo tebenogo piige, inanggup tiyappakwi nogo at abu'me tebenogo piige, Eerigin me, Ne ti eyom paga Aliku ALA mban endage tiyak yigin o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Matiyut 23:12

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Lukat 1:51

At eenggi omaawi ambik eeke paga it aakumi iniki tiyappatiyak koonit nugwi nogo mappiige,

Lukat 1:52

It aap inendagembogut wone lengganogo yorogo menggam nogome nen tebenogo piige, Ndi, it iniki tebenak menggaarak nogo tiyappiige,

Lukat 14:12

Yorage nagagerik, Yetut nen aap at ayonggo pereegerak nogo yoge logonet, “Kat laago lake logonet kenok, kinom kiniki kunik menggendak inom, koreewi inom, kowe-kawot inom, ineenggi warak kat kinom menggendak inom, it mban inayonggo pege kenok, peebi it togop lako logonet, onggo kat kayonggo pugwi iyo, it mban inayonggo pege logobok o.

Lukat 18:14

Imbirak tamban togop aret eereegwaarak kwe, at tamban aa'nduk eereegerak nogo lek o. Ata, peebi eereegerak nogo mban Ala nen, Aap ti, iniki obeelom aret kagi o, mbake kagak, ame aret nagagerak. Aap ambi iniki tiyappake kenok, tebembege, ndi, iniki tebeppake kenok perak, tiyappege, eeke menggerak o, yinuk, yokkiragi o,” yoragagerak.

Yakobut 1:9

Oonegen wundi wage logonet, mo andi nen iri'ngga-kale'ngga teebat age nagaatik, mono-mono wangge logonet, etenggen maluk negen age menggi kwak, it aap ineenggi warak eekkolaawok nduk, eerit nugwi iinok, ineebe togop aret lek arugun me, kit noreewi Ala apuri ando kineenggi lek me kinendage tebenak wonogwe nogo, kineenggi warak age logonet, kinendage tiyak ari kenok, “Ala nen aret eeppanege o,” yinuk, kiniki tebenak logonet, ale'nggen mbakwi, ndi, kit ando kineenggi warak me, kinendage tiyanak wonogwe nogo, kinamendek lek age logonet, kinendage tebek ari kenok, “Iri'ngga-kale'ngga lek age menggi kwak, ninendage togop aret lek age me, op aret o,” yinuk, kiniki obeelom logonet, ale'nggen mbakwi, eeko logonip o.

Yakobut 4:10

Ala abu'me kiniki tebe yinip o. Tebe yogwe kiinok, at nen kit aret tiyappinagagin o.

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.

1 Peterut 5:6

At Ala nen, “Ne ti eyom paga tiyappiyaakit o,” yinuk, kooneegerak nogo a'me lik yi wage kenok, tiyappinagawak nduk, at omaawi ambik menggerak Ala nogo abu'me tebe yinuk, logonip o.

1 Tamuwen 15:17

Yoge mbareegi, Tamuwen nen yoge logonet, “An aap abu meek o, mbake keegak, aakumi Iterali inanebunu lombok inowe agagindak nogo lek a? Togop mbake keegak kwe, at Aliku ALA nen aakumi Iterali inowe kendagembogut logonok nduk, kat aret leenogo pagage mbareegi, amburu eeppagareegwaarak o.