Lukat 13:8 - Ala Wone Peenok Peebi Mbanak

⁸ Yoge mbareegi, at ayeloman nogo nen, Nogoba! Tahun yi paga an nen wola yege, alom mogut mbangge, eeriyak mbakirak me, teppuurak o.

Lukat 13:8 ပူးပေါင်းရင်းမြစ်များ

Ndawi 106:23

At Aliku ALA nen ineebe lek eerogo piyoorak yereegerak mendek at leenogo pereegerak Muta nogo, It inenggela'me mi'nage mbareegi, Aliku ALA anini nen Pup eerogo piyoorak mbareegerak nogo nini tayo yereegerak.

Wundeegwaarak 34:9

Alut eeke logonet, “Kaliku Kitok Menggendak nogoba ALA wa! An yokkege nogo kale'nggen nombake kenok, it aakumi yi, inogogun ambik abet aret kwe, inomaluk lek eerogo punuk, aakumi ineyate wogoragaatak iniki kundugu eeko mengga kwak, nit kapuri yi, Namendek aret o, yinuk, kiniki kundugu ee'ninake logomenggendik, nogwe niigak, ninenggela'me logonok nduk, yokkigi o,” yinuk, yoreegerak.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 18:20

Obeelom eeppiigwi iigak onggo maluk eeppiyoorak op mbaken? Togop lek kwe, an yigeebu wanduwak mba'nuk labu kabunogo panegaarak o. Kanini inoba piyoorak mbakendak nogo nini tayo yenok nduk, kowagam mi'na'nuk, inake yokkireegirak nogo aberu o.

Yowen 2:17

It aap Aliku ALA enggaanom paga eeko menggaarak Ala unde nogo, Ake warogo wogogak ogobakkigirik kagak, Ala awi wurik me tu unggwogo menggam kagak, Oolo time logonet, leenggu maakwi, It nen, Kaliku ALA wae. Keyate kwak kapuri kiniki kundugu nogo, aakumi inenggela'me wonogwe iinok, Inabok nggarik-nggarek agan nugwi, Miyuk-meya eerogo piigwi, It inogoba Ala nggeeme wonage o? yinuk, it-it agan nugwi, Eekwi iyo, Kapuri inaana'le mbangge logot o, yinuk, yokkugwi, Eeruwak o.

Lukat 13:7

Yugu lek mban ka nage nagagerik, at ayeloman eyabu unde nogo yoge logonet, Eyo wuli yi nogo anggen yugu mbanikit nduk, pekka waga'mban eeke neegak, tahun kenagan eereegerak kwe, anggen yugu lek mban me, nggween aanom warogo logokwak, muurogo nappu o.

Lukat 13:9

Ndi, tahun yi eeppunuk, ambi age paga anggen yege kenok ti op o. Ndi, anggen yege lek kenok perak, muurogo nappenok o, yinuk, yoreegerak o,” yoragagerak.

Lukat 14:35

Mayu andi lek wurik nogo ti, nggween obeelom aruwak nduk yabu yarak me ilik, nggween maluk me a, pemenggaarak kwe, nggween nogo abe arigin lek me, abu mbo nappogo menggaarak o. Kinaruk koneniyak kenok, liirogon aret konenggo logonip o,” yinuk, yoragagerak.

Oroma 10:1

Noreewi o. “Ala nen nowe-nawot Iterali mendek inagap ndaruwak lak, ao!” mbake logonet, inake tamban mban eeke minggirak.

Oroma 11:14

Kit an wone yokkirage nogo waganggwi kiinok, it an nowe-nawot Iterali mendek nogo nen, “Nit togon abet mbaruwok lak, it mban yorage ti, nineebi a,” mba'nuk, it ando iniki abet mbako mbaremengga, “Ala nen inagap ndaruwak lak ao,” yinuk, niniki lunik agarik o.

2 Peterut 3:9

Togop me, ninowe nen, “An peebi woraagin o,” yinuk, yereegerak nogo, it aakumi ando nen, “Mbet-mbet waga'lek yi, pilit yereegerak kwa?” yinuk, mbakwi nogo kwak, kit togop mbako logogup o. Ata, “Ala nen, Aakumi maluk eeppiyoorak ti, neebi o, mba'nuk, nit yi aakumi ndi aakumi abok aret niniki koonogo punuk, ninomaluk mbo puwok nduk, iniki yanggoppunuk, to'ninake wonage,” mbako logonip o.