Lukat 13:17 - Ala Wone Peenok Peebi Mbanak

¹⁷ Ti yoragagerak paga at inom ogoorak wonogwe nogo inenggali agago piyareegerak kwe, it aakumi abok at Yetut iya tit eerit nege nagagerak nogo paga inale'nggen mbako nogogwaarak.

Lukat 13:17 ပူးပေါင်းရင်းမြစ်များ

Ndawi 109:29

Yum yiko mengga kwak, Inoone liirit yo'nugwi nogo nen meek inombakwi, Yum nggorek lenggenggo mengga kwak, Inenggali mban ineebe paga ninggirik wonage, Eeko logowak o.

Ndawi 111:3

At eerit nage nogo ti, mondok tiyanak kenok, Aakumi nen, “Wi,” yinuk, pi wako menggaarak o. At obeelom mban eeppiinet nage nogo, Lek arigin lek mondok-mondok eeke logogin o.

Ndawi 132:18

Ndi, at awim nogo inenggali ti, Yum yirik kwak nugu logowak nduk eeppiige, Eerigin kwe, At Ndawut perak, Endagembogut logonet wone lengganogo yorage menggim ti, Nggare-nggare kwak me, abinak lan ari logogin o,” Yinuk, yoreegindak nogo o!

Ndawi 40:14

It aakumi an nooriyak koonggwi nogo inenggali ogwe, Iniki kobak a'nuk ma'nogwe, Eeruwak o. Ndi, it maluk eeppaniyak mbakwi nogo inenggali a'nuk yungguninuk nogwe,

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Yetaya 4:2

Ne ti eyom paga Aliku ALA Agarip Ndarak nogo mondok abe kwit agan lagangge kagak, yi mendek ndi mendek awi yarak anggen abe yit nage kenok, it Iterali yumbunogo piyamenggaarak nogo nen, “Ninanggween yi, iya o,” yinuk, tiyappugwi,

Yetaya 66:5

Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.

Lukat 14:6

Yorage mbareegi, inoone onggo yoriyak meek me, puk aret ogogwaarak.

Lukat 18:43

Nogo awo yoge kagak, at enegen pagak yereegerak. Enegen pagak ari mbareegi, Yetut imbirak wage logonet, Ala endage wogoppit wagagerak. Ndi, Yetut eereegerak nogo it aakumi abok aret kogo nogogwaarik, Ala alut eereegwaarak.

Lukat 19:48

aakumi nen at wone yorage nogo iniki kundugu lombok eeko logonet, inigen at mban pippak ugwi me, “Nonggop waruwi kwe?” yinuk, puk ogogwaarak.

Nappiigak 4:21

Yorogo mbareegwa, aap nogo obeelom agagerak kenok, it aakumi abok nen Ala wogoppugwi iigo nogogwaarik, inagabiti nen, “Alom nano paga yilunogo maluk eeppiyaawi o?” yinuk, we inagabiti mbaruwak nduk inoone omaawi paga mberirogo nogogwaarik, keele piinogo wumbiyareegwaarak.

2 Timotiyut 3:9

It aap Yanet Yamberet imbirak nen eerit nogogwaarak kin agagerak nogo pogom, it aap ti, iniki ugun kobak logonet, agan nugwi nogo aakumi abok inenggaanom paga pagak ari kenok, ambinom eeko logogun lek o.

Titut 2:8

Ata, kayuk warak logonet, yorage kenok, it aap koone woorak, “Nineebi,” mbakwi nogo nen wone maluk ambi yoramenggendak paga yilunogo punuk, nit tebembinaniyak lek me, it inenggali aruwak nduk, wone koleewak wone kenggali wappagarak lek nogo mendek mban yorage logot o.

1 Peterut 3:16

Kit Keritut kinom kunik logonet, obeelom eerit nogwe kiigak, it miyuk-meya eerogo pinagagwi nogo nen, kit obeelom mban eerit nogwe paga, “Ia!” yinuk, inagabiti mbarugun me, kiniki maluk ambi abe'naga'lek kiniki obeelom paga kinoone yanggorogon yorogo logonip o.