Lukat 12:9 - Ala Wone Peenok Peebi Mbanak

⁹ Ndi, kit aakumi inenggaanom paga, Yetut ti, nineenggo'lek o, yogwe kiinok perak, an kunduk, it Ala yonggo nappiya wage menggerak malayikat nogo inenggaanom paga, It aakumi ti, an neenggo'lek o, yinuk, ari neyaamunggup o, yinuk, yokkiragi o.

Lukat 12:9 ပူးပေါင်းရင်းမြစ်များ

Matiyut 10:33

kit nen aakumi inenggaanom paga, Yetut ti, nineenggo'lek aret o, yogwe kiinok perak, an kunduk, nogoba mbogut paga mendek enggaanom paga, It aakumi yi, an neenggo'lek aret, yigin o,” yinuk, yoragagerak.

Matiyut 25:12

yogo mbareegwa, at kwe kolage nogo nen it yorage logonet, Kit an neenggo'lek me, mbaganinip o, yinuk, abet aret yokkiragi, yoragagerak o,” yinuk, at Yetut nen at oone waganggwi nogo yoragagerak.

Matiyut 25:31

Yetut wone ambinom yorage logonet, “An aap aret nda'nagagirak nobanggi-nobangge li'luk eekko'nok, it malayikat abok aret ninom wage logominggirik, an wone lengganinake minggim tiyanak nogome neegak,

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 7:23

Yo'niremenggaarak kwe, an nen it yorage logonet, Kit maluk eeko monggotak yi, an mondok neenggo'lek me, an wonage me nen mbaganinip o, yinuk, yoraagin o,” yoragagerak.

Marakut 8:38

It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naana'le mbangga'lek logomonggotak kenok, an aap aret nda'nagagirak yi, peebi an nogoba amindik-amendek li'luk ee'nuk, at ake eeko logorak leenogo piyareegirak malayikat nogo, ninom wogo logomonggoorik, an kunduk, aakumi nagabiti nen kinaana'le mbanigin lek o,” yinuk, yoragagerak.

Lukat 15:10

Nogo ti ndak-ndak aap maluk eeko menggaarak ambiriluk ambi nen maluk eeke nagagerak nogo iniki koombunuk, mbo pege kenok, it Ala yonggo nappiya wage menggerak malayikat nogo nen iniki ale'nggen aret mbako logogun o, yinuk, yokkirage agarik o,” yoragagerak.

Lukat 22:57

Ari mbareegi, Peterut nen lik-lek ari logonet, “Kolaga! Aap ti, an neenggo'lek o,” yoreegerak.

Lukat 9:26

Aakumi inayuk wuppunuk, kinagabiti nen an neebe inom, an noone inom, mbo punuk naana'le mbangga'lek logomonggotak kenok, peebi an inom, nogoba inom, it Ala ake eeko logorak leenak menggaarak malayikat inom, ninamendek li'luk ee'nuk wogo logomonggoorik, an aap aret nda'nagagirak yi, aakumi inayuk wuppunuk, nagabiti nen kinaana'le mbanigin lek o.

2 Timotiyut 2:12

Maluk eeppinanugwi iigak, ninogogumbuk logonet, waganggwi niinok, at ninom tiyanak logonet, aakumi inarum logogun o. Nit nen at mbo pugwi niinok, at kunduk nit mbo pinanigin o.

1 Yaya 2:23

Aput Yetut mbo pugwi kenok, ogoba kunduk mbo pugwi, ndi, “Yetut ti, Ala aput Keritut aret o,” yinuk, waganggwi iinok perak, ogoba kunduk waganggwi, eeko menggaarak o.

1 Yaya 2:28

Ndi, napuri niniki kunik yi wae. Peebi at woroorak nogo eyom paga nit ninenggali lek niniki teeluk logowok nduk, yogondak nen niniki ambit a'nuk Yetut ninom kunik aret logowok o.

Wayu 3:8

it Ala apuri o Pilarelipiya eerit nogo menggaarak nogo an neenu aret o. Neenu aret me, it an nendage mbo pega'lek porogo logonet, inomaawi mbuuluk wonage nogo paga an noone mugurok nogo menggaarak me, it ambi eeko logowak nduk, tu paarogo piyareegirak nogo, aakumi nen narogo piyoorak mondok meek aret o.