Lukat 12:8 - Ala Wone Peenok Peebi Mbanak

⁸ Wone yorage nagagerik, ambinom yorage logonet, “Kit aakumi inenggaanom, Yetut ti ninowe aret o, yinuk, paganggwi kiinok, an aap aret nda'nagagirak nogo nen it Ala yonggo nappiya wage menggerak malayikat nogo inenggaanom paga, It aap yi, an nawuri aret o, yinuk, paganiraagin o.

Lukat 12:8 ပူးပေါင်းရင်းမြစ်များ

Ndawi 119:46

Koone aberak logorak yugu nogo, It aap inendagembogut inenggaanom paga Nenggali lek logonet yorage, Eeke logogin o.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

Lukat 15:10

Nogo ti ndak-ndak aap maluk eeko menggaarak ambiriluk ambi nen maluk eeke nagagerak nogo iniki koombunuk, mbo pege kenok, it Ala yonggo nappiya wage menggerak malayikat nogo nen iniki ale'nggen aret mbako logogun o, yinuk, yokkirage agarik o,” yoragagerak.

2 Timotiyut 2:12

Maluk eeppinanugwi iigak, ninogogumbuk logonet, waganggwi niinok, at ninom tiyanak logonet, aakumi inarum logogun o. Nit nen at mbo pugwi niinok, at kunduk nit mbo pinanigin o.

1 Yaya 2:23

Aput Yetut mbo pugwi kenok, ogoba kunduk mbo pugwi, ndi, “Yetut ti, Ala aput Keritut aret o,” yinuk, waganggwi iinok perak, ogoba kunduk waganggwi, eeko menggaarak o.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.

Wayu 2:13

it an napuri o Peragamut time nggeeme wonogwe nogo an neenu o. It Ibilit oone konenggo menggam inenggela'me inom time aret menggaarak kwe, naput ambi noone liirogon woppunuk ko'lu-kii'me yoranet nege nagagerak Andipat nogo, it inenggela'me Tile wonage menggim inagota time aret wako mbareegwa, it iniki abet mba'nuk, an noone waganeegwaarak nogo, Mugurok noorak nineebi o, yinuk, yuurak kwe, kagak, Lek o. Nit ninowe Keritut aret me, at oone waganggoorak nogo ti, mondok aret porogo logowok o, yinuk, yogwe iigirak o.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,