Lukat 12:48 - Ala Wone Peenok Peebi Mbanak

⁴⁸ Ndi, ayeloman ambi ogoba eeriyak mbake nogo eenggo'lek logonet, alik eeremenggerak paga onggo yawi wariyak aret kwe, mbuuluk wake kaamunggup o. Nggwok aret wokkirogo logomenggaarik, peebi, Nggwok aret, wo'niraanip o, yinuk, yokkirogwe, ndi, unde logobagip nduk, nggwok aret wokkirogo logomenggaarik, peebi abunuk, Iya negen wo'niraanip o, yinuk, yokkirogwe, eekwi iyaamunggup o,” yinuk, yoragagerak.

Lukat 12:48 ပူးပေါင်းရင်းမြစ်များ

Ala Unde 5:17

Naliku ALA nen, Yogop eeriyak, ndogop eeriyak, wone yoragagirak nogo aap ambi nen eenggo'lek ugun logonet, lalengge kenok, at maluk aret eeremenggerak me, aaninggin at oba aret logowak o.

Linggineegwaarak 15:27

Ndi, aap ambi nen an noone yugu nogo eenggo'lek logonet maluk eeke kenok perak, omaluk lek eerogo pikit nduk, kambin kooli tahun ambit eerak kero, Naliku ALA nake pi woraawak o.

Matiyut 13:12

Kit kinamendek wonage kenok ti, ambinom oba lunogo wokkiramenggerak me, ambik aret arigin o. Ndi, kinamendek lek kenok ti, kinamendek mbuuluk porogo wonogwe nogo aret ndinogo kolage kaamunggup o.

Matiyut 23:14

Kit Ala wone liiru mbanak unde Pariti kinom kiniki laakot logonet, eeko monggotak yi, it kumi nanu inamendek tigippiinet nugwi, ndi, kit maluk eekwi ti, kin age kero tamban nggorek eerit nugwi, eeko monggotak me, kinabuwa o. Peebi onggo aaninggin mondok iya lombok kinoba kwippinagage kaamunggup o.)

Lukat 12:41

Yorage mbareegi, Peterut nen Yetut yoge logonet, “Nogoba o. Wone eegu laarogo yo'niragandak yi ti, nit mban yo'niragan ilik, it aakumi abok aret yoragan a?”

Lukat 12:49

Yorage nagagerik, ambinom yorage logonet, “An nen o nggween paga yime abok kani pikit nduk wagagirak me, mbet-mbet kani pigibok eekirak me, ao mbake agarik o.

Lukat 16:2

yinuk, ogoba nogo yogo mbareegwa, ayeloman nogo wiireegerak wage mbareegi, yoge logonet, Kat eerit nage konenggirak ti, nonggop eerit nage me, yo'nega o? Kat yogondak name o arum ambinom logorak lek me, kat yime logonet, eerit nage nagandak nogo mbininogo yo'niru o.

Yaya 15:22

An iya wage nagagirik, wone yorage logonetak lek en, it maluk ineenggo'lek ugun aret logonetak kwe, yora wagagirak me, yogondak it maluk eekwi nogo ti, nonggop togon, Nit maluk eeka'lek o, yuurak.

Nappiigak 17:30

O maan nen nineenggo'lek logonet eekwi niigak, Ala nen malenninaka'lek aret wonagagerak kwe, yogondak perak, nit yi aakumi ndi aakumi abok aret ninomaluk mondok mbo puwak nduk yo'nirage agaarik o.

Pelaareegerak 25:2

aap maluk eeremenggerak nogo yawi wariyak aret age kenok, aap inowak loongga nogo nen aap nogo enete wanduk punuk, yawi waruwak nduk, yoramenggerak yawi wako logonet, Aap ninoreeluk yi abu maluk eekerak me, mba'nuk, meek eerogo pogo logonet warukwak, yawi ne 40 agi nggwe negen wariyak ti mage o. Ata, aap inowak loongga inenggaanom paga at maluk eeremenggerak ndak-ndak aret yawi wako logowak o.

1 Timotiyut 1:11

Ala wone kole wone nogo ti, nit alut eeko monggoorak tiyanak menggerak Ala nogo nen obeelom wone an unde logokit nduk, eeppaneegerak nogo aret o.

1 Timotiyut 1:13

An aa'nduk noone maluk at yoge, nanini wulo logonet, at oone waganggwi mendek inoorit nage, at miyuk-meya eerogo pege, eeke nagagirak kwe, abet mbaka'lek ugun neenggo'lek logonet, eeke nagagirak me, Ala nabuwa mba'nuk, teppaneegerak o.

1 Timotiyut 6:20

Timotiyut wae. Wone liirogon yogwe lek inoone amburu puk-puk agan nugwi, pilit wone aret kwe, “Wone ngget mendek yi aret o,” agan wogwe paga wone wakwi, eekwi nogo mendek liippugun o. Ata, kat unde logonok nduk, mippagareegwaarak nogo liippunuk eeke logot o.

Yakobut 3:1

Nowe-nawot o. Ala nen ninowak loongge logonet, nit aakumi mamuninako monggoorak nogo eeko logomonggoorak abu liippinaninuk, aaninggin nggwok ninoba pinanigin nineenu me, kit abok aret, “An mamuniraga mendek logokit,” mbarugup o.