Lukat 12:45 - Ala Wone Peenok Peebi Mbanak

⁴⁵ Ndi, ayeloman nogo nen iniki mbake logonet, An nogoba elaambirik logonuk woraagin mbaki o, yinuk, at ogoba ayeloman mini at oreewi ando nogo kumi aap inom yawi inooke, yi mendek ndi mendek ugun lagap mban nenet nage, amburu kumili aganakwi mendek nengge logonet, kumili kunit nage, eerit nage kenok perak, nonggop o? Lek o.

Lukat 12:45 ပူးပေါင်းရင်းမြစ်များ

Ayup 24:23

Nit op wonogwe mbakwi nogo, Mbako logowak nduk Ala nen teppiige logonet kwe, It eerit nugwi nogo enegen wogonake menggerak.

Yetaya 65:6

Liiru mbanak nenggaawak paga wonage nogo yi aret. An puk arigin lek eekaatak onggo abu ndak-ndak inoba piige, It maluk eekwi inom, inombomini maluk eeko nogogwaarak inom, maluk onggo mondok nggwik togon inoba kwippiige, Eerigin o, Yereegerak liiru mbanak nogo ti aret. Puut-puut paga inagugi aanggo warogo kani kunit nogwe, Puut-puut teberogon paga meek eerogo panugo logonet eekwi, Eereegwaarak me, Aa'nduk eerit wogo nogogwaarak abok aret onggo mondok a'me nggelok inoba kwippiyaagin o,” yinuk, Aliku ALA nen yegerak o.

Yeremiya 20:2

Ala nen yoge kagak yoraga Yeremiya nogo yawi warogo eenggi-iyok keele maappunuk, Aliku ALA awi wurik irimbaga tu unggwogo menggam endage Mbeniyamin nogome mambuwak nduk yoragagerak.

Yetikiyen 12:22

“Aakumi nen ndarak yi wae. Inabinggaanggo kagaatak a'me aga'lek kagak o yalanggok ari nage menggerak o, yinuk, it o Iterali wonogo menggam wone yogwe nogo ti, nonggop o?

Yetikiyen 34:8

An neenik Nitok Minggirak Naliku ALA nen it yoroorak yokkege yi aret o. An nandomba ti, it ndegeninaka lek me, nandomba inoorit unggwogwe, ndiimbu-nggwiya inambi-mbiingga negen nunggwi, eeko agaarik o. It aap ndegeninaka mippiyareegirak nogo nen nandomba liippiiga'lek logonet, it inoba mban ndegenggologwe me,

Matiyut 22:6

Ndi, it ando nen perak, at ayeloman mini yonggo nappiyareegerak nogo, ineebe pigogo inenggali wappiinok, inooreegwaarak.

Lukat 12:44

Ogoba nen ayeloman nogo togop eeke me ka wage kenok, amendek abok aret at unde logowak nduk, mippigin o, yinuk, abet aret yokkirage agarik o.

Lukat 12:46

Ayeloman nogo nen, Nogoba ne ndi eyom paga woraagin o, ndi, Oonegen ndi paga woraagin o, mbaka'lek ugun kobak kagak wage logomenggerik, ayeloman nogo eebe nibik-nobak eerogo it aap iniki at oba panggombunuk, abet mbaka'lek piige menggim nogome aret nappigin o.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Yaya 2:10

“Wulaga! Anggur amburu ombat abe mendek aa'nduk tumburirogo nagaatik, ndonggorogon nunggwi iinok, ti'nuk, peebi amburu ombat maluk negen tumburirogo menggaarak kwe, kat perak, anggur amburu ombat abe mendek peebi wo'niroorak nduk, porogo wonagandak keegi o,” yinuk, yoreegerak.

Nappiigak 2:18

Peebi ti eyom paga, it an nayeloman mini kumi inom, aap inom, it kunduk abok aret Naberiniki inoba wuppi woraminggirak paga, an noone yoranet nugu logogun o.

Oroma 16:18

It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

2 Korindut 11:20

It aakumi nen inayeloman eekkinakwi, kinamendek lek eerogo nenet nugwi, inabu'me tebenogo pinagagwi, tiyappako logonet, meek eerogo pinagagwi, kinetenggen paga tela eerogo kinookwi, eekwi iigak, “Op aret o,” yinuk, puk ogwe kiigirak kwe,

Pelaareegerak 12:12

Pi nogo logonet, kit inom, kinapuri wologwe-komologwe inom, kinayeloman kumi-aap inom, aap Lewi mendek yate kokwak nggween mbanak ambi unde arugun lek kinenggela'me kinom logomunggup nogo inom, abok aret at Aliku kinogoba Ala enggaanom kiniki ale'nggen paga aret eeko logomunggup o.

1 Tetalonika 5:7

It aakumi nogo yugu menggaarak nogo ti, oonikiya aret nogo yugu menggaarak. Ndi, it amburu kumili aganabuwok nduk, nonggo menggaarak nogo ti, oonikiya aret nonggo menggaarak kwe,

Wayu 16:6

It kapuri kake leenak inom, kat yorage keegak yoraga inom, inamiya wunogo inooreegwaarak nogo, Onggo aakumi inamiya yi, niyo negen nonggo logowak nduk, eeppiigendak me, op aret eeken o,” yinuk, yoge kagarak.