Lukat 12:37 - Ala Wone Peenok Peebi Mbanak

³⁷ Inogoba nen ayeloman mini nogo ineenik logonet, tum wakwi me iya wage kenok, inale'nggen inombarigin o. Tum wakwi wonogwe me iya wage kenok, ogoba nen ayumunggok nggooppunuk, at ayeloman mini inanoniya larak nawak nduk, ambime kwippiinok, inake eeke logogin o, yinuk, abet aret yokkirage agarik o.

Lukat 12:37 ပူးပေါင်းရင်းမြစ်များ

Yetaya 62:5

Wulaga ambi nen akwe kolage menggi kwak, kaagalogwe wologwe nen kat wokkabugun o. Ndi, wulaga akwe kolage nagaatik, iniki ale'nggen mbake menggi kwak, kogoba Ala nen kat keebe paga ale'nggen mbake logogin o.

Yeremiya 32:41

an nen it obeelom eerogo piyoorak niniki ale'nggen mbake, ndi, niniki ambit eeppunuk, yoragagirak nogo ndak-ndak o nggween yi, mondok-mondok logowak nduk eeppiige, eerigin ti aret,” yo'nereegerak.

Tepaniya 3:17

Aap wim wakaa'ngget nen inawuri inagap ndako mengga kwak, Aliku kogoba Ala kenggela'me logonet, kagap ndake, Iniki kunik lombok eekkake, Kabuwa mbake paga kiniki kwippagage, Kale'nggen nen ndawi wake, Eerigin o,” Yinuk, yogo logogun o.

Matiyut 24:42

Togop me, kinogoba an nogo, o ngge eyom paga woroorak kineenggo'lek me, kiniki tum wako logonip o.

Lukat 12:36

Aap kwe kolage me laago lakome nogome nen ame tu puk-puk eeri wage kero, ayeloman mini nen mbet-mbet tu paakkoorak nduk, tokkogo mengga kwak logonip o.

Lukat 12:43

Ogoba nen ayeloman ambi togop eeke me ka wage kenok, ayeloman nogo iniki ale'nggen arigin o.

Lukat 17:8

Lek mbaki o! Kit nen kinayeloman nogo yogo logonet, Nit ninambi larogo pinaninuk, kayum yikkolage logomenggendik, nit nunggwi niigak, kat nit ninake yi wa nagak ndi wa nagak eeke logot o. Ndi, nit abu nunggwi niinok perak, kat mbi na wa'nu o, yinuk, togop yoriyak nogo lek a?

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Lukat 22:27

Ta nen aap nggwok wonage mbakop? At mbi nengge menggerak ti, iya ilik, at nengge nogo ake yi wa nagak ndi wa nagak eeke menggerak ti, iya a? Lek o. At nengge menggerak iya nogo lek a? Togop kwe, an kinenggela'me logonet, kinayeloman negen a'nuk, kinake yi wa nagak ndi wa nagak eeke minggirak o.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

1 Korindut 2:9

At ambi nen ari logonet, “Inigen abe nen kogwe, oone ari inaruk konenggwi, Inikime nen, Yogop eeriyak, abe lombok koonggwi, eekulik nogo mendek aret o. At Ala nen it aap at inom iniki kunik mbako menggaarak nogo, inake pipuk-papuk agago piyareegerak wonage agaarik o,” yinuk, yereegerak liiru mbanak nogo ndak-ndak

Pilipi 1:21

Neenik logorak kenok ti, Keritut ake aret o. Ndi, kambuurak kenok ti, an ambi kola noorak me, neenik logorak kenok, kambuurak kenok ti, op mban aret o.

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.

2 Peterut 1:11

Ti eeko logomonggotak kenok, nit ninagap ndaka ninowe Yetut Keritut abu'me piige menggim mondok-mondok menggim nogome, at Ala nen, “Kit aret unde eekkola woraanip o,” yinuk, yokkiraagin o.

2 Peterut 3:14

Togop me, nowe-nawot o. Kit an niniki kunik me, wone ambi yokkira o. “Nit o ti unde eeppinanuwak o,” yinuk tokkogwe me, maluk kinoba lenggenggwi, aakumi inoone kinoba pugwi, eeka'lek kiniki abu obeelom Ala kinom kiniki ambit lambunik wonogwe me kiya woraawak nduk, kulinik-kalinik kiniki ndegenggologo logonip o.

Wayu 14:13

Ti yo'nege mbaki, ti'nuk, mbogut paga nen wone ambinom yo'nege kage logonet, “Yogondak nen it aap ninowe inom kunik logonet kanggwi nogo, iniki ale'nggen aret mbako logogun o, yinuk, liiru mbanu o,” yo'nege mbaki, liiru mbangge me, Aberiniki nen, “Abet aret o. It kanggwi iinok, ineenik logonet, ta'liila eeginake kagak yabu eerit nugu nagaarak nogo, Ala nen kobak eerogo pigin lek me, iniki ale'nggen mbako logonet, tat yonggonggologo logogun o,” yinuk, ari naruk konenggirak.

Wayu 16:15

Ti'nuk, at oone yo'nege menggerak nogo nen, ambinom yo'nege logonet, “An aap yogoot wagangga pogom abera'lek me woraagin me, aakumi inenggaanom nggwok paga kinagap mbelanak nogwe kiinok, kinenggali ogwe kiyo, liippogo logonip o. Kinayum abu ndigik-ndegek eerogo patinuk, kinagaket paga wonogwe me, an wage neenok, kiniki ale'nggen eekkinake kaamunggup o,” yinuk, yo'nege kagarak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.