Lukat 12:36 - Ala Wone Peenok Peebi Mbanak

³⁶ Aap kwe kolage me laago lakome nogome nen ame tu puk-puk eeri wage kero, ayeloman mini nen mbet-mbet tu paakkoorak nduk, tokkogo mengga kwak logonip o.

Lukat 12:36 ပူးပေါင်းရင်းမြစ်များ

Wakkagagerak 49:18

Kaliku ALA wae! Nagap ndarogo panenok nduk, tokkake agarik o!

Yetaya 64:4

Kat Ala nen eeke keyaawok nduk tokkeegwi me, eeke keego mengga kwak, O aa'nduk nen nok, yogondak kuli it aakumi inogoba alik ambi togop eeke liippugwi, Oone ari inaruk konenggwi, inigen abe nen kogwe, Eeka'lek aret wonogo menggaarak o.

Lukat 12:35

Wone ambinom yorage logonet, “Kinayum-kinagabee'le nggirik-nggerok yirik logonet, kineenggi me ndi wuninik mondok li'luk aago logonip o.

Lukat 12:37

Inogoba nen ayeloman mini nogo ineenik logonet, tum wakwi me iya wage kenok, inale'nggen inombarigin o. Tum wakwi wonogwe me iya wage kenok, ogoba nen ayumunggok nggooppunuk, at ayeloman mini inanoniya larak nawak nduk, ambime kwippiinok, inake eeke logogin o, yinuk, abet aret yokkirage agarik o.

Wayu 19:7

At Ndomba Aagaluk nogo akwe lambumbuurak eyom age mbaki, akwe nogo amindik-amendek li'luk eekko'nok wage me, Ninale'nggen nen ndawi lubuk wako logonet, endage tiyappogo logowok o,” yinuk,

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.