Lukat 12:32 - Ala Wone Peenok Peebi Mbanak

³² Yorage nagagerik, at Yetut nen, “Nandombalogwe wae! Ala nen kit at abu'me pinagarak inikilom mbareegerak me, kinagabiti mbarugup o.

Lukat 12:32 ပူးပေါင်းရင်းမြစ်များ

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 41:14

Kit abu ndeyak puron kwak Yakup mendek yi wae. Kinomaawi abu lek waalo mbonoon kwak Iterali yi wae. An lombok nen yeenggwa kiraagin me, kinagabiti mbarugup o, yinuk, An Kikak Nakeelik Nalik Leenak Wondet Eerogo Pinagaga kit Iterali kinogoba Naliku ALA nen aret yokkirage agarik o.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Yeremiya 3:19

Aliku ALA nen ari logonet, “An lombok nen nale'nggen paga napuri kwak eerogo piinok, Yi aakumi ndi aakumi ineyate kwak inapuri unde eeppiigwi abu obeelom aret kwe, Ti eeppiigwi kwak lek an nen nggween abe mili lombok wogoraakit mbake, It an mu'neren wogwe nogo nomonogo mbo pugun lek, Ninogoba o, yinuk, yo'nogo logorak mban mbake, Eekirak kwe,

Matiyut 14:27

Kwa yogo mbareegwa, at Yetut nen, “Kinogut li o.” Yorage nagagerik, “An neebe aret me, kinagabiti yugup o.”

Matiyut 20:16

Togop me, it peebi mendek nogo ti, inaa'nduk ogwe, ndi, inaa'nduk mendek nogo ti, peebi ogwe, eerugun o,” yinuk, yoragagerak.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Lukat 10:21

Ne ti eyom paga Aberiniki Yetut inikime mondok lik ari mbareegi, ale'nggen nen keyage wake logonet, “Mbogut nggween unde kat nogoba wa yokkege agarik o. Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, mbuulogwe ngget ndarak pogom paganogo yoragagindak me wa. Kinikilom mba'nuk eereegindak me, nogoba wa, yokkigi o.”

Yaya 18:36

Yoge mbareegi, Yetut nen at yoge logonet, “An nendagembogut logonet, nabu'me piige menggim nogo ti, o nggween paga yime lek o. Nabu'me piige menggim o nggween paga yime logonetak en, an neebe waganogo it aap Yakuri wogorogwe iyo, an nawuri inom wim nambuko logonetak o. An nabu'me piige minggim nogo ti, o alik ambi me wonage o.”

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 20:29

An lambembinaganuk nage neegak, mba'ngge kinenggela'me unggwi wogo logomenggaarik, teppinagagun lek nibingginabugun ti, an neenu aret o.

Oroma 6:23

Maluk eekwi onggo ti, kanggwi aret kwe, at Ala nen onggo lek we wo'niragagerak ti, ninowe Keritut Yetut ninom kunik logonet, nineenik mondok-mondok logorak ti aret o.

1 Korindut 1:21

At Ala iniki warak nen ari logonet, “It aakumi nggween paga mendek iniki koonit nugwi paga, an yelok neyaagun lek o. Ata, it an noone yorogo menggaarak nogo, aakumi nen, Ti aap wi inoone negen aret o, yinuk, mbakwi iigak kwe, wone nogo abet mbakwi iinok inagap ndarigin o,” yinuk, kooneegerak me, yokkiragi o.

Pilipi 2:13

At Ala nen eeriyak inikilom mbake menggerak nogo, kit nen, “Eerikit,” mbakwi, ti'nuk, eebe aret eekwi, eekwi nogo ti, Ala nen mban aret koonggirage menggerak.

2 Tetalonika 1:11

At ninogoba Ala nen obeelom eerit nogo logobagip nduk, kinayonggo pereegerak nogo ndak-ndak eerit nugwi kiinok, “Op eekotak o,” yinuk, yokkirage, kit obeelom eeriyak mbakwi nogo eerubagip nduk, omaawi eeppinagage, ndi, at abet mba'nuk eeriyak mbakotak nogo ndak-ndak eerubagip nduk, omaawi eerogo pinagage, eeke logowak nduk, kinake tamban mban eeko monggoorak.

2 Tetalonika 1:5

Kit Ala abu'me logorak miikotak kenok, maluk eeppinagagwi nogo ti, Ala nen, “Kit obeelom aret me, nabu'me logorak op aret o,” yokkiraawak nduk, kinogogumbuk logonet, waganggwi me, Ala nen koonogo pinanege nogo ti, maluk lek obeelom aret koonogo pinanege menggerak nineenu ogo o.

Iberani 12:28

Togop me, Ala abu'me piige menggim nit unde logorak mbareegerak nogo ti, nuk-nuk ariilik me, “Ala wa,” yinuk, keyage wako logowok o. Ninogoba Ala ti, kani omoonuk nen iri'ngga mondok pup eerogo nenet nage menggi kwak aret me, ninagabiti nen ayuk wuko logonet, at eeriyak inikilom mbake nogo mban aret eerit nogo logowok o.

Yakobut 2:5

Nowe-nawot o. Kit an niniki kunik me, wone yi, liirogon konenggo logonip o. It aakumi nen, “Aap ti, ineenggi lek,” inombakwi iigak, Ala nen miirinabeegerak nogo ti, ineenggi warak kwak, “Iniki mondok abet mbaruwak,” mbake, ndi, “Aap abok aret, Nogoba ao, yinuk, iniki kunik ee'nakwi iinok, nabu'me piyaagin o,” yinuk, abok yoragagerak nogo, Ala abu'me piige menggim ineyate kokwak unde eeppiige, eeruwak nduk, miirinabeegerak nogo lek a?

2 Peterut 1:11

Ti eeko logomonggotak kenok, nit ninagap ndaka ninowe Yetut Keritut abu'me piige menggim mondok-mondok menggim nogome, at Ala nen, “Kit aret unde eekkola woraanip o,” yinuk, yokkiraagin o.

Wayu 1:6

“An kinowe endagembogut aret o,” yinuk, abu'me pinanege, at ogoba Ala unde logonet ake eeko logowok nduk, leenogo mippinanege, eereegerak me, nit yi abok aret at endage mban tiyappugwi, abu'me tebe yinuk, at oone mban konengggwi, mondok-mondok eeko logowok o, yinuk, amin!

Wayu 22:5

Time o kiip age, o weege, eeka'lek o liingge mban wonage kagak, it aakumi nen Ala eya paga nugu logogun me, nugu logonet, “O eya aruwak nduk, oonegen wundi wage, ndi, ndi wuninggwi, eeruwak lak ao,” mbaka'lek it aap inendagembogut negen logonet, mondok-mondok wone lengganogo yorogo logogun o.