Lukat 12:18 - Ala Wone Peenok Peebi Mbanak

¹⁸ Mbake nagagerik, Yogobi eerikit o. An o yi, mingge logominggirik, nggwok lombok wuppunuk, namendek inom, yakirak anggen yugu nogo inom, time aret pi unggwage logokit o.

Lukat 12:18 ပူးပေါင်းရင်းမြစ်များ

Ndawi 17:14

Kaliku ALA wae. It aakumi nggween paga mendek nen Nggween paga mendek mban kuwak eeriyak mbakwi yi, Inenggela'me nen keenggi omaawi paga nagap ndaru o. Aaninggin inoba piyoorak koonogo piigendak nogo Ambi mbo puurak mage o. Ata, abok aret nggwik togon inoba piige, Inapuri kunduk, ineyate kwak inoba kwippiige, Ndi, ando ndiinik inombowologwe inoba kwippiige, Eeru o.

Matiyut 6:26

Towe mbogut paga nugu menggaarak ti, pegiyaanip o. It nen awi yakkologwe, ndi, anggen mbanogo wolombakwi, eekulik kwe, kit kinogoba mbogut paga mendek nen aret inambi wogorage menggerak kit kineenggo'lek me, yogo ogotik? Towe ti, iniki kundugu lek negen kagak, wogorage menggerak kwe, kit perak, iniki kundugu lombok logonet, wokkiraagin lek nduk yogo ogotik?

Lukat 12:17

Anggen yugu ka'let age mbareegi, iniki koongge logonet, Yakirak anggen yugu mbanak puurak o lek me, nonggop eeri?

Lukat 12:19

Pi unggwage logominggirik, Namendek apit kuwak eerak wonage nogo tiginit unggwage neegak yi tahun ndi tahun eeriyak me, yogondak yonggonggolage logonet, mbi nenet nage, amburu nenet nage, i'ndok mban agan nage, eeke logokit o, yinuk, niniki wone yo'nuk eerigin o, yereegerak.

Lukat 12:21

Yinuk, yorigin me, Ala nen it aakumi agi mendek paga ineenggi lek logonet, ogu mendek paga mban ineenggi warak eekkologwe iinok, at aap ti ndak-ndak aret o,” yinuk, yoragagerak.

Lukat 12:24

Towe ya'ngge-ya'ngge eeko menggaarak nogo liippinip o. Awi yakkologwe, anggen mbanggologwe, ti eekulik o. Ndi, anggen mbanogo pi unggwogo menggam o kunduk, lek mban kwe, at Ala nen inambi wogorage menggerak. Towe ti, at iniki kundugu mbuuluk negen kagak, Ala nen inambi wogorage menggerak kwe, kit perak, at iniki kundugu lombok me, wokkiraagin lek mbako ogotik? Wokkiraagin aret o.

Lukat 18:4

Yoge nagagerak nogo aap owak loongga nogo nen aa'nduk eebi mbareegerak kwe, peebi iniki koongge logonet, An Ala nagabiti mbake, ndi, aakumi inayuk wuke, eekeelik kwe,

Lukat 18:6

Yorage nagagerik, at ninogoba Yetut nogo nen, “Aap wone owak loongga nen wone abe owak loongge logolik kwe, yereegerak nogo koneninip o.

Yakobut 3:15

Kit kinoreeluk ambi anini eeppogo logonet, worokot liinik agan nugwi, “An koongge mban eeriyak,” mbako logonet, eerit nugwi, eekwi kiinok, abu naalop-kaalop age logonet, yi maluk ndi maluk abok aret age kogo monggoorak nogo ti, at iniki warak agi menggerak Ala nen koonogo pinagage kagak eekwi lek o. Ata, at Tile nen it aakumi nggween paga mendek iniki koonogo piige kagak, iniki nengge kenok, eeko menggaarak nogo mendek aret eekwi kiigi o.

Yakobut 4:13

Wologo wae! Kit wone yogo logonet, “Yogondak a, ko'lu a, o kota time nogo logomonggoorik, wu kuwak eekkolaawok nduk, yi mendek ndi mendek kunit nugwi niigak, tahun ambit aruwak o,” yinuk, yogo monggotak nogo, kinaruk logonip o.

Yakobut 4:15

Kit nen yogo logonet, “Ninogoba nen koonogo yo'nirage kenok nineebe op logonet, Yogop eeruwok, ndogop eeruwok,” yogo logorak perak op o.