Lukat 11:53 - Ala Wone Peenok Peebi Mbanak

^53-54 Yorage nagagerik, o time mbo punuk, endekem wundi nage mbareegi, it Ala wone liiru mbanak unde inom, aap Pariti mendek inom, at oone ninggin yemenggerak paga yilunogo punuk, waruwok nduk, inanini nen eegwa'me liirit-laarit waganggo nogogwaarak.

Lukat 11:53 ပူးပေါင်းရင်းမြစ်များ

Yetaya 9:12

It oonegen lagi wage menggim pa'nggwe wonogwe aap Tiriya inom, It oonegen kilu yi nage menggim pa'nggwe wonogwe aap Pilitin mendek inom, nen It Iterali mendek inambeme yonggorinabeegwaarak kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Lukat 11:52

Kit Ala wone liiru mbanak unde yi, yi wone ndi wone aakumi ineenu ogwe iyo, tu kunci kit aret kumaapporogo wonogwe me, kinabuwa! Nit aret wone nineenu aruwok, mbaka'lek logonet, it ando ineenu ariyak mbakwi nogo ineenu ogwe iyo, non mbambiigo ogotik o,” yinuk, yoragagerak.

Lukat 20:20

It Ala wone liiru mbanak unde inom, it aap Ala unde inoweewi inom, nogo nen Yetut inigen wonok nugu logowak nduk, inawuri nappiyareegwaarak. Inawuri nappiyareegwaarak nogo nen, “Yetut oone ninggin yemenggerak paga yilumbunuk, eebe pigogo aakumi inarum menggerak gubernur nogo nen awone mbaniyak at obaalombok aret me, awone mbanuwak nduk, pi nawok o,” yinuk, “Nit aap abet ninombaruwak,” mba'nuk, inoone abet ndom-ndom agan nugu nogogwaarak.

Lukat 20:27

Ti'nuk, aakumi kambunuk, ineenik a'nuk mi'narugun lek yogo menggaarak it aap Taruki mendek ando nen Yetut owagam wogo nogogwaarik,

Nappiigak 26:9

An aa'nduk togon at Nataret mendek Yetut ti, endage miyuk-meya eerogo pikit aret mbake nagagirik,

1 Korindut 13:5

inenggali lek eerit nugwi, nit mban obeelom eekkolaawok mbarit nugwi, inanini mbet-mbet wungge, maluk eeppiigwi nogo inikime abekwi, eerit nugwi ti mendek it aakumi inabuwa mbako menggaarak nogo ti, togop eekulik o.

2 Korindut 8:6

Togop me, at Titut nogo it Ala apuri inabuwa nen inake pugu nogo kuwak eerit nage me, kit ando awo pega'lek nogo mbet-mbet pumonggotak me, waganggak woraawak nduk aruk wakoorak o.