Lukat 11:45 - Ala Wone Peenok Peebi Mbanak

⁴⁵ Yoge mbareegi, aap Ala wone liiru mbanak unde ambi nen onggo Yetut yoge logonet, “Ngguru wae. Yagandak nogo ti, nit ninom aret ninenggali wappinanege keego o.”

Lukat 11:45 ပူးပေါင်းရင်းမြစ်များ

1 Endagembogut 22:8

Yoge mbareegi, it Iterali inowe endagembogut nen onggo Yotapat yoge logonet, “Ninake Aliku ALA yoriyak aap Yimila aput Mika wonage kwe, Wone yo'niru o, yoge neenok, at wone obeelom yo'nege lek maluk mban yo'nege kage me, aap ti mondok neebi o.” Yoge mbareegi, at Yotapat nen, “Kat kendagembogut aret me, togop yugun o.”

Yeremiya 20:8

Wone yoroorak age kenok, noone omaawi paga, Aaninggin eeppinagagwi o. Lek eerogo pinagagwi o, yinuk, ti mban yorage minggirak me, Kaliku ALA yo'nege keegak yorage paga o kubondendok nen nok oonikiya ari nage kagak, Nagi'ndok kanggwi, meek eerogo panugwi, Eeko menggaarak.

Yeremiya 6:10

“Wone yi taani yorage, ta mini kurumbi yorage, eeriyak mbaken? Ndi, yorage neenok, taani nen liippugun mbaken? It aakumi ti, inaruk paarak lek me inaruk koneniyak meek aret o. Kaliku ALA ari menggendak nogo inikilom mbaka'lek miyuk-meya eerogo pugwi me,

Matiyut 22:35

aap it mendek ambi Ala wone liiru mbanak unde nen Yetut abut mbanikit nduk, kin wokkage logonet,

Lukat 11:46

Yoge mbareegi, Yetut nen, “Kit aap Ala wone liiru mbanak unde kunduk, aaninggin woorak meek nogo mendek kagak, aakumi inuum paga nggimbunuk, luwi aago nugwi iigak, yeenggwaaroorak mbaka'lek, kinigen pengge agan mbaganggo monggotak me, kinabuwa o!

Lukat 11:52

Kit Ala wone liiru mbanak unde yi, yi wone ndi wone aakumi ineenu ogwe iyo, tu kunci kit aret kumaapporogo wonogwe me, kinabuwa! Nit aret wone nineenu aruwok, mbaka'lek logonet, it ando ineenu ariyak mbakwi nogo ineenu ogwe iyo, non mbambiigo ogotik o,” yinuk, yoragagerak.

Lukat 7:30

Togop kwe, it aap Pariti mendek inom, Ala wone liiru mbanak unde inom, nogo perak, Yaya nen it yiime wuppiiyoolik me, Ala nen it eeko logorak inombareegerak wone nogo mbo pereegwaarak.

Yaya 7:48

Kinoweewi inom, nit Pariti mendek inom, niniki at oba panggombunuk, abet ombakwi ambi niigotak ya? Lek aret o!

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Yaya 9:40

Yoragagerak nogo it Pariti mendek inom wonogogwaarak nogo, inaruk konenggo nogogwaarik, “A puk! Nit kunduk, ninigen mbuk ninombakendak ya?”