Lukat 11:39 - Ala Wone Peenok Peebi Mbanak

³⁹ Mbake mbareegi, at ninogoba Yetut nogo nen, “Kit Pariti mendek nen aakumi inamendek yumbu-lambu agago kologwe inom, yi maluk ndi maluk eekwi inom, kinikime apit yagabit aago kagak, kinagiiwak-kinarenggap agabolo endekem mban kooko monggotak.

Lukat 11:39 ပူးပေါင်းရင်းမြစ်များ

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

2 Mbinineegwaarak 25:2

At Amatiya nogo ti, Aliku ALA enegen kagak obeelom eeke nagagerak kwe, iniki paga nen, “Nggaruk togon eeke logokit o,” yinuk, eeke logolik.

Ndawi 22:13

Singa anini warak nen kok eerogo nappiigak At noorak mbaketak nengge menggi kwak It nogo nen inambeme yonggo'nabuwak nduk, inambe a aago wonogwe, Eeko agaarik o.

Kini Wuppiige 26:23

Aap inikime maluk koongge logonet, oone amburu ndik-ndik agan nage nogo ti, Togolowak nggween paga ogobakkigirik agabolo paga amburu warak abinak lan ari menggi kwak aret wonage menggerak.

Kini Wuppiige 26:25

Aap ti, anini nen aakumi eeppiyoorak mbake 7 kuli aret inikime wonage me, Oone aberogon agan nage nogo ti, karuk koneniyak mage o.

Kini Wuppiige 30:12

It aap ando inapuri nen, “Nit abu kikak naka'lek aret wonogwe,” mbakwi kwe, maluk inoba lenggenak kagak yogwe,

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yetikiyen 22:25

It aakumi inoweewi nagawan o time wonogwe nogo nen iniki ambit eeppunuk koonggo logonet, singa nen at noorak tebembunuk nibinogo nengge logonet, oone maluk ndi wuke menggi kwak, it aakumi inambeme yonggorinakwi, yi mendek ndi mendek onggo nggwok inom, iniki kundugu inom, ndinggologwe, eekwi paga o time it kumi nanu ambik eerogo piigo agaarik o.

Yetikiyen 22:27

It aap inoweewi inengga warak o time inenggela'me wonogwe nogo ti, nggwiya it noorak mendek nibinogo nonggo mengga kwak logonet, aakumi inamendek kolaawok nduk, ineebe inoorogo piinet nogwe, inenggaawak lek eerogo piigwi, eeko agaarik o.

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Lukat 16:15

Meek agago pogo mbareegwa, at Yetut nen it yorage logonet, “Kit nen aakumi obeelom kinombaruwak nduk, kinaana'le mbanggo'net nugwi kwe, Ala nen perak, kiniki mbakwi nogo eenu menggerak. It aakumi nen, Wi! yinuk, iya mbakwi nogo at Ala eebi lombok mbake menggerak.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Lukat 7:19

Yogo mbareegwa, Yaya nen at oone waganggwi mendek mbere wiirage nagagerik, wogo mbareegwa, it yorage logonet, “At woroorak nogo kat aret wagandak ilik, alik ambi woraagin nduk tokkogo logomun a? At ninogoba Yetut nogo yori nanip o,” yinuk, nappiyareegerak.

Yaya 12:6

Wone yereegerak nogo ti, it aap inamendek lek nogo inabuwa mba'nuk yereegerak ti lek o. Ata, at aap kiraaka mendek me, inawu yonggolak nogo at aret porogo logonet, ando kolagak eeke nagagerak me nduk, yereegerak.

Yaya 13:2

At Yetut oone waganggwi mendek inom mbi nunggwi me, Ibilit nen Timon aput Yurat Ikariyot Yetut onggo mbanigin nogo, muk iniki nggagani wage mbareegi,

Nappiigak 5:3

Eeke mbareegi, at Peterut nen, “Ananiyat wae. Nggween onggo wokkegaarak ando mogonogo teppakendak nogo ti, kat nonggop nduk Ibilit kinikime lik yi unggwage mbaki, Aberiniki ambokan laganggendak?

Nggalatiya 1:14

Nit Yakuri inoone mugurok nogo logonet, an ninom ndak-ndak ndarak noreewi ando we mbuuluk negen eekwi iigak, an perak nombomini eeko nogogwaarak nogo, niniki aganggen kerek togon mugurok nage logonet, mondok ndak-ndak aret eerit nage nagagirak nogo ti, kineenu mban o.

2 Timotiyut 3:5

Ndi, ti eerit nugu logonet, Ala wone abet mba'nuk mugurok nogwe inetenggen negen eekkolamenggaarak kwe, iniki perak, “Ala nen obeelom eeppinaniyak nineebi,” mba'nuk, eerit nogo logogun o. It aap ti eekwi iinok, inogole nen mbagangge logonu o.

Titut 1:15

It aakumi iniki obeelom menggaarak kenok, it inigen me yi mendek ndi mendek obeelom mban aret kogo menggaarak. Ndi, it aakumi abet mbaka'lek maluk mban eeko menggaarak kenok ti, eeriyak inikime abe'nage inom, koonggwi inom, ti maluk mban aret me, it inigen me yi mendek ndi mendek maluk mban aret kogo menggaarak.

Yakobut 4:8

Kit Ala owagam nogwe kiinok, at kunduk, kit kinowagam ari wage logogin o. Kit maluk eeko monggotak yi, kineenggi kookwi, ndi, kiniki mbere yi, ambit eeppunuk kinomaluk mbo pugwi, eeko logonip o.