Lukat 11:36 - Ala Wone Peenok Peebi Mbanak

³⁶ Kit kineebe ando o apit pogom lek abok eya mban wonage kenok, ndi eya pindanggage logonet, kineebe eya agago pinagage menggi kwak, kineebe abok aret eya aago logomunggup o,” yinuk, yoragagerak.

Lukat 11:36 ပူးပေါင်းရင်းမြစ်များ

Kini Wuppiige 1:5

Wone yogo nogogwaarak alom inom, Eegu nobat wone inom, Wone it aap iniki warak nen yogwe inom, Iniki warak nen eegu laarogo yogwe inom, Nogo yelok kogwe, Eeko logowak nduk, Wone alom eenu paga kini wuppiige nagagerak nogo ti aret. It aap iniki warak nogo inaruk konembunuk Wone ambinom ineenu ogwe, Ndi, it aap wone mbet-mbet yelok kaga nogo Wone yi paga panggombunuk koonggwi, Eeko logowak o.

Kini Wuppiige 20:27

Aakumi iniki nogo ti, Aliku ALA andi wuninik kwak aret me, Inikime koonggwi nogo liippiinet nage menggerak.

Kini Wuppiige 6:23

“Yogop ee'nu ndogop ee'nu,” yokkege yi ti, kandi wuninik kwak wonage, Wone mamunik yi ti, kandi eya kwak wonage, Ndi, eerit nege logorak kiniki kooniyak wone wonage, Eeke menggerak me, Mugurok nage keenok,

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 8:20

wone yugu liiru mbanak inom, abeko logorak wone yugu inom, pekkaanip o. It aakumi ti, Ala wone yugu ndak-ndak yaga'lek kenok, inikime o eya aago wonage lek apit aago wonage mbarumunggup o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Matiyut 13:52

Yogo mbareegwa, at Yetut nen, “Ti kenok, it Ala wone liiru mbanak unde abok aret at mbogut paga abu'me piyoorak wone nogo waganggwi iinok ti, aap inowe ambi nen awuri yabu eeko logowak nduk, amendek iniki kunik ngget mendek inom, maan mendek inom, pege menggim nen waganogo wumbege menggerak nogo pogom aret o,” yinuk, yoragagerak.

Matiyut 5:15

Aakumi nen ndi wuninogo punuk, togolowak abu'me kiraappugulik mban. Ata, wuninogo punuk, tiyarogon tena'me aret pegaatak me, it oome wonogwe nogo abok eya paga menggaarak o.

Lukat 11:35

Ti kenok, eya kinikime wonage nogo lek age logonet, o apit pogom age kero, liippogo logonip o.

Lukat 11:37

Wone ti yorage mbareegi, aap Pariti mendek ambi nen, “Nimbirak mbi nawok nduk, omok o,” yinuk, Yetut yoreegerak. Yoge mbareegi, at Yetut aap nogo ame unggwi nage nagagerik, mbi naakit nduk, kwi'nagagerak.

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

Iberani 5:14

omaawi mendek nunggwi iinok perak, aap kole iniki warak pogom, Ala wone mondok liippunuk eekwi me, maluk eeriyak obeelom eeriyak eraambe yelok aret kogo menggaarak.

Yakobut 1:25

Ala wone li'luk eerogo yo'niragagerak paga wondet agago pinanege menggerak wone nogo, li'lak pekkolage logomenggerik, kobak aga'lek liirogon woppunuk eeke logomenggerak kenok, Ala nen ale'nggen ambik aap ti, oba pege logogin o.

2 Peterut 3:18

Ninogoba Ala iniki kunik nen eeppinanege menggerak nogo kit kiniki kole aruwak nduk, ambinom eeppinagage, ndi, at ninagap ndaka ninowe Yetut Keritut eebe kineenu aret kwe, ambinom kineenu arubagip nduk, eerogo pinagage, eeke logogin o. Yogondak nen, nok, mondok logorak kuli at eebe mondok tiyanak aret logowak o, yinuk, an Peterut nen abu aret yokkiragi o. Wa!