Lukat 11:29 - Ala Wone Peenok Peebi Mbanak

²⁹ Ti yorage nagagerik, it aakumi apit aret kuwak eeri wagak eekwi iigak, Yetut nen it yorage logonet, “Kit aakumi o yogondak wonogwe yi, kit maluk lombok eerit nugwi kiigi o. Nineenu ariyak mendek ambi eeke keyaawi o, yinuk, yo'nugwi kwe, an nen alik ambi eeke neyaamunggup lek o. Ata, aap Yunut nogo nen ineenu ariyak mendek eereegerak nogo ti mban aret eeke neyaamunggup o.

Lukat 11:29 ပူးပေါင်းရင်းမြစ်များ

Yetikiyen 24:24

Kat Yetikiyen ti, it eeriyak in wakkagak aret me kat eeremenggendak ndak-ndak it togop aret eeruwak o. Eekwi iinok, Naliku Nitok Minggirak ALA an aret ineenu arugun o, yinuk, yoraanu o,” yo'negerak me, yokkiragi o.

Yunut 1:1

Aliku ALA nen aap Amitayi aput Yunut wone yoreegerak nogo yi aret.

Matiyut 3:7

Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Marakut 8:38

It aakumi abok yi, Ala mbo punuk, maluk mban eerit nugu menggaarak kinom aret logonet, aakumi kinagabiti nen an noone mbo punuk, naana'le mbangga'lek logomonggotak kenok, an aap aret nda'nagagirak yi, peebi an nogoba amindik-amendek li'luk ee'nuk, at ake eeko logorak leenogo piyareegirak malayikat nogo, ninom wogo logomonggoorik, an kunduk, aakumi nagabiti nen kinaana'le mbanigin lek o,” yinuk, yoragagerak.

Lukat 11:16

ndi, it ando nen at iniki abut mbanuwok, mbako logonet, “Mbogut paga nineenu ariyak ninagabiti warak mendek ambi eeru o,” yinuk, at yogwi, eereegwaarak.

Lukat 12:1

Wone ti yorage wonage kagak, it aakumi ineenggi lingginiyak abu meek ribu-ribu aret kuwak eeppunuk, inobogom nen taga'mbit eerogo piigwi iigak, at Yetut nen at oone waganggwi mendek inaa'nduk yorage logonet, “It aap Pariti nogo nen iniki laakot logonet, yokkirogo menggaarak me, roti piike menggi kwak inoone agan nugwi nogo waganggwi kiyo, tum wakkologo logonip o.

Lukat 9:41

Yoge mbareegi, at Yetut nen, “Kit aakumi yogondak wonogwe yi, kiniki noba panggombunuk, abet mbaka'lek lambek nugu monggotak yi, wologwe! An ne mande ninom logonuk name nagin kwe? Ne mande niniki yanggo yinuk, kit ninom logogin kwe?” yinuk, yorage nagagerik, aap aput andi nogo yoge logonet, “Kaput wonok omok o.”

Yaya 2:18

It aap Yakuri nen at yogo logonet, “Kat yi eekendak nogo, ta nen yokkereegerak paga eekendak nineenu aruwok nduk, ambi nano eeke keyaawi o.”

Yaya 6:30

Yorage mbareegi, it nen at yogo logonet, “Eeke ninigen keenok, niniki koba panggombunuk, abet kombaruwok nduk, nineenu ariyak ninagabiti warak mendek ambi nano eeke keyaawi? Ndi, kat eeke menggendak nogo ambi ngge eerumunggun o?

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

1 Korindut 1:22

It aap Yakuri mendek nen, “Niniki liippatuwok nduk, ninagabiti warak mendek ambi eeru o,” yinuk, yogwe, ndi, it Yunani mendek nogo nen, “It aakumi iniki warak mendek inoone yogwe liippuwok o,” yinuk, yogwe, eeko menggaarak kwe,