Lukat 11:24 - Ala Wone Peenok Peebi Mbanak

²⁴ Yorage nagagerik, ambinom yorage logonet, “Kugi ogole warak mendek aap inikime nen wungge nagaatik, Nggeeme yonggonggola o, yinuk, niyo ero lek me kwaarit nirimenggi-nirimenggi yonggonggolaawam lek kenok, Name wundi wagagim nogome niyok paga yungguninuk unggwi naakit o, yinuk,

Lukat 11:24 ပူးပေါင်းရင်းမြစ်များ

Ayup 1:7

Wonage mbareegi, Aliku ALA nen Tile nogo yoge logonet, “Kat ngga nen wagan o?” Yoge mbareegi, at Tile nen onggo Aliku ALA yoge logonet, “Lek o. An o nggween paga wanggerit nigi-nigi wagi o.”

Ayup 2:2

Inom wonage me, Aliku ALA nen Tile yoge logonet, “Kat ngga nen wagan o?” Yoge mbareegi, Tile nen onggo Aliku ALA yoge logonet, “Lek o. An o nggween paga wanggerit nigi-nigi wagi o.”

Ndawi 63:1

Ala wae. 1 Kat an nogoba Ala aret o. Iri'ngga laganggeelik nggween mbuk paga logonet, Niyo abu wen-wen eeginake menggi kwak, Kat keebe lombok keyaakit lak, “Ao,” kombake, An lombok nen nimbirak lambunikit lak, “Ao,” mbake, Eeke logonet, Kwaakkabit nege agarik o.

Yetaya 35:7

Mbini aganggen wonage nogo niyo nen yenggenogo pege, Niyo yawengga'lek nggween mbuk aago wonage nogo niyo tuburubu lagit wage, Ndi, o aa'nduk mba'ngge inawi miippatinuk wonogogwam nogome piinde inom, mbereewak inom, lagangge, Eeke logogin o.

Yetaya 48:22

“It aap maluk eeka nogo perak, iniki ugun tayenak logogun lek aret o,” yinuk, Aliku ALA nen aret yegerak me, yagi o.

Marakut 5:10

“Nogoba ao! Kugi ineebe ninikime nen nggiginogo wumbiige keenok, o yime nen endekem time nappiyoorak mage o,” yinuk, oone nabek togon Yetut yoreegerak.

Marakut 9:25

Yoge mbareegi, Yetut eeke me, aakumi kuwak ari wogwe nogo Yetut enegen iige nagagerik, kugi nogo mberege logonet, “Aakumi inaruk logu eeginake, wi eeginake, eeke menggendak kat kugi yi, wundi nak o. Wundi nage logomenggendik, ti'nuk, peebi unggwi woroorak abu mage yokkigi o,” yinuk, yoreegerak.

Lukat 11:25

unggwi wage nagaatik, wundi nagagim nogome liirubu koorak ndigik-ndegek aago kenok,

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.