Lukat 11:20 - Ala Wone Peenok Peebi Mbanak

²⁰ An nen Ala eenggi omaawi paga kugi nggiginogo wumbiige neenok perak, Ala abu'me pinagarak muk kinowagam wagaarak aret mbako logonip o.

Lukat 11:20 ပူးပေါင်းရင်းမြစ်များ

Wundeegwaarak 8:19

It aap kugi alom ineenu nogo nen wakkogogwaarak meek aret age mbareegi, Pirawun yogwi, “Yi Ala eenggi omaawi paga nen aret eeke o,” yoreegwaarak kwe, Aliku ALA nen wone aa'nduk yereegerak nogo ndak-ndak aret Pirawun iniki omaawi age nagagerik, it inoone konenulik mbo pereegerak.

Ndaniyen 2:44

It aap inendagembogut a'nuk wone lengganogo yorogwe ti eyom paga at mbogut unde menggerak Ala nen aap ambi aakumi abu'me piinok logowak nduk mondok-mondok omaawi lombok eerogo pigin me, aakumi nen lek eerogo pugwi, aakumi inambik nen unde eekkologwe, eerugun lek o. At abu'me piinok logowam mippemenggerak nogo nen it aakumi eegu inabu'me piinok menggam abok aret tebenogo piige, lek eerogo piige, eerigin kwe, at abu'me piinok logowam mippemenggerak ti perak, mondok aret logogin o.

Matiyut 12:28

Ndi, an nen Ala Aberiniki nogo paga kugi nggiginogo wumbiige neenok perak, Ala abu'me pinagarak muk kinowagam aret wagaarak, mbako logonip o.

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Lukat 10:11

Kinoba arigin nogo ti, Kinobaalombok, kineenu arubagip nduk, nit kiname logonet, liirubu niniyok paga lenggenggerak nogo yumbunogo pinagago ogoorik o. Ala abu'me pinagarak muk kinowagam panggo yi wagaarak, abet aret mbako logonip o, yinuk, yoranu o.

Lukat 10:9

Ndi, aakumi time kugi andi wonogwe iinok, obeelom eeginako logonet, Ala abu'me pinagarak muk kinowagam panggo yi wagaarak o, yinuk, yorogo logonu o.

Lukat 11:21

Aap anini warak ambi tin yippunuk, wooluwak nutik awi lombok arum wonage kenok, at amendek ugun time op aret logogin kwe,

Nappiigak 20:25

Ndi, yogondak perak, an nogo Ala abu'me pinagarak wone yokkirage nagagirak kit yi, peebi ambi yokkiranet wage kinigen neyaamunggup lek ti, an neenu o.

2 Tetalonika 1:5

Kit Ala abu'me logorak miikotak kenok, maluk eeppinagagwi nogo ti, Ala nen, “Kit obeelom aret me, nabu'me logorak op aret o,” yokkiraawak nduk, kinogogumbuk logonet, waganggwi me, Ala nen koonogo pinanege nogo ti, maluk lek obeelom aret koonogo pinanege menggerak nineenu ogo o.