Lukat 10:9 - Ala Wone Peenok Peebi Mbanak

⁹ Ndi, aakumi time kugi andi wonogwe iinok, obeelom eeginako logonet, Ala abu'me pinagarak muk kinowagam panggo yi wagaarak o, yinuk, yorogo logonu o.

Lukat 10:9 ပူးပေါင်းရင်းမြစ်များ

Ndaniyen 2:44

It aap inendagembogut a'nuk wone lengganogo yorogwe ti eyom paga at mbogut unde menggerak Ala nen aap ambi aakumi abu'me piinok logowak nduk mondok-mondok omaawi lombok eerogo pigin me, aakumi nen lek eerogo pugwi, aakumi inambik nen unde eekkologwe, eerugun lek o. At abu'me piinok logowam mippemenggerak nogo nen it aakumi eegu inabu'me piinok menggam abok aret tebenogo piige, lek eerogo piige, eerigin kwe, at abu'me piinok logowam mippemenggerak ti perak, mondok aret logogin o.

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Matiyut 4:17

Nage nagagerik, Yetut nen, “At mbogut paga mendek abu'me pinagarak panggo yi wagaarak me, kiniki koombunuk, kinomaluk mbo pinip o,” yinuk, wone aa'nduk lombok yoranet nagagerak ti aret.

Marakut 4:30

Ti'nuk, ambinom yorage logonet, “At Ala abu'me piyoorak nogo ti, nano paga wakka o? At abu'me piyoorak nogo ti, wone ngge paga laarogo yokkira o?

Marakut 6:13

Nugu logonet, yi kugi ndi kugi aakumi inikime lik yegetak nogo nggiginogo wumbiigwi, kugi andi kunik kenok, amburu inoba kilippiinok, obeelom eeginakwi, eeginabit nugu nogogwaarak.

Lukat 10:10

Ndi, o kota ambime unggwi namonggotak me, it aakumi nen keyage warogo wokkinakwi lek iinok perak, endekem tu nggwok paga wundi nogo logomonggotik, yorogo logonet,

Lukat 10:11

Kinoba arigin nogo ti, Kinobaalombok, kineenu arubagip nduk, nit kiname logonet, liirubu niniyok paga lenggenggerak nogo yumbunogo pinagago ogoorik o. Ala abu'me pinagarak muk kinowagam panggo yi wagaarak, abet aret mbako logonip o, yinuk, yoranu o.

Lukat 9:2

Awone kilirirage nagagerik, Ala abu'me piyoorak wone yoranet nugwi, aakumi obeelom eeginabit nugwi, eerit nugu logowak nduk, nappiige logonet,

Yaya 3:3

Yoge mbareegi, at Yetut nen onggo at yoge logonet, “Aap ambit-ambi ngget nda'naga'lek kenok, Ala abu'me piige menggim enegen kaagin lek o, yinuk, mondok abet aret yokkigi o.”

Yaya 3:5

Yoge mbareegi, at Yetut nen, “Aap ambit-ambi niyo paga inom, Aberiniki paga inom, ngget ndaka'lek kenok, Ala abu'me piige menggim unggwi nagin mondok lek o, yinuk, abet aret yokkigi o.

Nappiigak 28:28

Togop me, at Ala ninagap ndariyak wone yi nogo ti, it endekem mendek konenuwak nduk yora nagun aret me, it perak, konenugun aret mbako logonip o,” yinuk, yoragagerak. (

Nappiigak 28:31

Ala abu'me piyoorak wone yorage, ninogoba Yetut Keritut wone mamunirage, eeke logonet, “An ndogop eeppanugun,” mbaka'lek agabiti lek pagak togon mban yorage nagagerak.