Lukat 10:5 - Ala Wone Peenok Peebi Mbanak

⁵ Aakumi iname ambime unggwogo logomonggotik, aa'nduk keyage wappiigo logonet, Wa! Kinale'nggen o, yinuk, yoranu o.

Lukat 10:5 ပူးပေါင်းရင်းမြစ်များ

Yetaya 57:19

Ndi, it Iterali iinok iniki puru yogwe nogo iniki kwippiige neenok, nalut eeko logogun o. Naliku ALA nen it aap koorok wonogwe inom, nda wonogwe inom, iniki ugun tayenak logowak o. An nen obeelom eerogo piyaagin me, iniki ugun tayenak logowak o,” yinuk, yegerak o.

Lukat 10:4

Nappinagage me, kinawu nggerenak inom, wokkirogwe yonggoliyak yum nogo inom, kiniyogogut nggerenak inom, ti wonok nagup o. Ndi, tu paga nogo logonet, it aakumi iinok, keyage wappiinet nagup mban.

Lukat 10:6

Yorogo logomonggotik, it aakumi time nen kinale'nggen inoba piyamonggotak nogo paga, Yi nit ninoreewi aret o, yinuk, wokkinakwi iinok, kinale'nggen inoba aret logogin o. Ndi, wokkinaburak ineebi mbakwi iinok ti, kinale'nggen inoba piyamonggotak nogo, lek eerogo piinok, wundi namunggup o.

Lukat 19:9

Yoge mbareegi, at Yetut nen, “Kat kunduk Abarakam ombooluk aret me, kat kapuri kinom yogondak aret kinagap ndakkologop o.

Nappiigak 10:36

Yi aakumi ndi aakumi abok ninogoba nogo ti, Yetut Keritut aret me, Yetut Keritut eereegerak paga Ala ninom lambunogo pinanggerak o, yinuk, wone obeelom wone it Iterali ineenu aruwak nduk, nappi wagagerak nogo, kineenu aret o.

Epetut 2:17

Kit nda negen wonogogutak inom, nit koorok wonogogurak nogo inom, “Paalungga muk warak me, lambuninip o,” yinuk, yo'nira wagagerak.

1 Tamuwen 25:6

Kat keebe li a'nuk kangge, kakwe kapuri kinom kineebe obeelom aret wonogwe, ndi, kamindik-kamendek ti, inaani amuni mbanak aret wonage, eeko logomunggup o.