Lukat 10:41 - Ala Wone Peenok Peebi Mbanak

⁴¹ Yoge mbareegi, Yetut nen, “Marata, Marata. Kat yi eeriyak ndi eeriyak mban kiniki piirik logonet, anggon-panggon eerit nege keegi o.

Lukat 10:41 ပူးပေါင်းရင်းမြစ်များ

Wone Alom Kibingga 6:11

Wone ambik agan nugwi iigak, alom liippuurak kobak arit unggwage menggerak me, Wone ambik agan nugwi ti paga aakumi nano eeppiyoorak mbakop? Lek aret o!

Marakut 4:19

nggween paga mendek mban iniki aberit nugwi, inamendek lek ariyak kagak inikilom mbarit nugwi, yi mendek ndi mendek iniki uugwe mbarit nugwi, ti eerit nugwi paga nen, Ala wone waganeegwaarak nogo mbanogo wuppugwi me, anggen yega'lek nogo pogom aret menggaarak o.

Lukat 10:38

Yetut at oone waganggwi inom nogo logonet, o yaga'lelo ambime unggwi nogo mbareegwa, kwe ambi endage Marata nen Yetut at ame unggwi woraawak nduk, yoreegerak.

Lukat 10:40

Marata perak, Yetut ake yi wa nagak, ndi wa nagak ta'liila eerit nage nagagerak. Eerit nage logonet, Yetut owagam wage nagagerik, yoge logonet, “Nogoba wae. Nalik mban kat kake eeke logokit nduk, nawuluk teppanegerak kat neega'lek agandik a? Yeenggwaaniruwak nduk, yoru ubi!”

Lukat 12:22

Yorage nagagerik, Yetut nen at oone waganggwi nogo yorage logonet, “Nineenik logorak nduk, ninambi nano namun? Ndi, nineebe paga ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Lukat 8:14

Iri'ngga alok-palok me wambit nagagerak nogo ti, it aakumi wone inaruk konenggwi kwe, ambi eeriyak nduk, Ao, yinuk, iniki piirik wonogwe, ineenggi warak eekkoloorak mban iniki aberit nugwi, nggween paga ale'nggen logorak mban iniki koonit nugwi, eerit nugu logonet, wone yugu nogo mbanogo wuppogo menggaarak nogo aret o. Anggen abe mendek abu yugulik aret menggaarak.

Yaya 11:1

Aap ambi endage Latarut, kwe Mariya oweeluk Marata imbirak inom inawi Mbetaniya ambit me aret wonogogwaarak me, at Latarut nogo andi eereegerak.

Yaya 11:5

At Yetut nen Marata inom, at awuluk inom, Latarut inom, iniki kunik aret wonagagerak.

Yaya 12:2

Nage mbareegi, it aakumi time nen anooniya lareegwaarak me, Marata nen laago tumburirage kagak, aakumi Yetut inom kwi'na'nuk mbi nunggwi me, Latarut inom nenggegerak.

Pilipi 4:6

Aaninggin nano mendek ambi kinoba age kenok, kiniki piirik logogup o. Ata, “Aaninggin ndogop noba agaarak o,” yinuk, tamban eekwi, ndi, kinamendek ambi lek kenok, wokkiraawak nduk, “Ala wa,” yinuk, nggino yogwi, eeko logonip o.