Lukat 10:39 - Ala Wone Peenok Peebi Mbanak

³⁹ Yoge mbareegi, unggwi nagagerak wonage me, kwe Marata awuluk endage Mariya nogo, Yetut abu'me kwi'ndak logonet, oone konengge kagak kwe,

Lukat 10:39 ပူးပေါင်းရင်းမြစ်များ

2 Endagembogut 4:38

O nogome abok mbi noogelo agagerak me, ne ambi paga at Elita nogo iyokan o Nggilagan nage nagagerik, it aap Ala nen yorage kagak yorage ineebe aago ne ambi paga enaame taati wone yorage kwi'ndak iigak, Elita nen ayeloman ambi yoge, “It aap Ala nen yorage kagak yoraga yi, inake yi mendek ndi mendek togolowak nggwok me yonggoppunuk, kani paga laru o.”

Kini Wuppiige 8:34

Aap ambi an noone konenikit nduk eeke logonet, Name nen wundi nage neyo, ko'lu-kii'me to'nake, Naru ngga'nggi paga narum wonage, Eeke kenok ti, Iniki ale'nggen aret logogin o.

Lukat 10:42

Ambiret mban miippunuk, eeriyak perak op o. Ndi, kat kawuluk Mariya nen ti aret miikerak me, an, Mage, yorigin mondok lek o,” yinuk, yoreegerak.

Lukat 2:46

Kwaakwi iigak, nogo mbere yinuk, Ala awi wurik me, it aap mamuniraga inoweewi tiyanak lombok inenggela'me kwi'ndak logonet, inoone konengge, at nen it ineegwa'me wagangge, eeke wonage me kwaakkogogwaarak.

Lukat 8:35

Eerit nugu mbareegwa, eereegerak nogo it aakumi pekka nawok nduk, iname nen wundinuk Yetut owagam nogo nogogwaarik, aap kugi inikime nen wundi nagagerak nogo aap iniki a'nuk, yum yirik Yetut abu'me kwi'ndak wonage me ka nogogwaarak. Ka nogo nogogwaarik, inagabiti mbareegwaarak.

Yaya 11:1

Aap ambi endage Latarut, kwe Mariya oweeluk Marata imbirak inom inawi Mbetaniya ambit me aret wonogogwaarak me, at Latarut nogo andi eereegerak.

Yaya 11:19

it Yakuri mendek apit nen Marata Mariya imbirak inoweeluk kambeegerak nogo, iniki eyak wappiyaawok nduk, iya nogogwaarak.

Yaya 12:3

Nunggwi me, at Mariya nen iri'ngga narwastu amburu obari abe mendek liter ambit negen toolak onggo nggwok pogo menggaarak nogo mendek waganogo Yetut iyok paga kilippege nagagerik, at eeruwak paga wolonggagagerak. Wolonggage kagak, amburu obari oome nogome ndak wa'nagagerak.

Nappiigak 22:3

“An yi, aap Yakuri mendek aret o. Ndi, o Kilikiya kota Tarutut aret nda'nagagirak kwe, o kota yime logonet aret tawe agagirak o. Aap Nggamaliyen nen liirogon mamunnake logonet, ninombomini eeko nogogwaarak wone lunik nogo inom aret yo'nege nagagerak. Yo'nege nagagerak ti paga kit yogondak kiniki aganggen kerek togon Ala ake eeko monggotak kwak, an togon togop aret eeke nagagirak.

Pelaareegerak 33:3

Kaliku ALA nen kapuri abet aret inabuwa mbake me, Kapuri kake leenak abok aret keenggime wonogwe nogo Kabu'me tebe yinuk, koone waganggwi,