Lukat 10:37 - Ala Wone Peenok Peebi Mbanak

³⁷ Yoge mbareegi, at aap Ala wone liiru mbanak unde nogo nen, “Aap at abuwa nen obeelom eeppereegerak nogo aret o.” Yoge mbareegi, at Yetut nen, “Kat ti, ndak-ndak aret eeri nak o,” yinuk, yoreegerak.

Lukat 10:37 ပူးပေါင်းရင်းမြစ်များ

Kini Wuppiige 14:21

Aap ambi nen ore meek mbake ti, maluk aret eeke menggerak kwe, Aap ambi nen it aap tebenak mendek inabuwa mbake nogo perak, at ale'nggen nggwok aret mbake menggerak.

Oteya 6:6

It nen tapi-ndomba nake warogo wo'nugwi ti, an uugwe lek o. Ata, Iniki kunik ee'nako logonet, noone liirogon mugurok nawak lak, ao, mbake, Inaanggumi warogo nake kani kunggwi ti, uugwe lek o. Ata, it nen, Nogoba ti, Ala aret o, yinuk, yuwak lak, ao, mbake, Eeke agarik, yegerak me, yokkiragi o,” yoragagirak.

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Matiyut 23:23

Kit Ala wone liiru mbanak unde aap Pariti kinom kiniki laakot logonet, eeko monggotak yi, wone a'me mban koonggwi, aakumi inabuwa nen eeppiinet nugwi, kiniki liirogon eekwi, eekwi ti, Ala wone lengganak alom nggwok ti aret kagak, eeka'lek mbo punuk, we liboongga logwe, yibiingga logwe, kiinde logwe, ando we mbuuluk nibinogo Ala ake pogo monggotak nogo mban eeko monggotak me, kinabuwa! Wone alom nggwok nogo eeko logonet, mbuulogwe-mbaalogwe ti inom nabenogo eeriyak me eeko monggotak o.

Lukat 10:36

Yoge nagagerik, “Aap kenagan nogo it aakumi inom logonet, iniki kunik mbakwi pogom aap ambi ta nen aap yogoot wagangga nen wareegwaarak nogo iniki kunik mbareegerak mbaken o?”

Lukat 10:38

Yetut at oone waganggwi inom nogo logonet, o yaga'lelo ambime unggwi nogo mbareegwa, kwe ambi endage Marata nen Yetut at ame unggwi woraawak nduk, yoreegerak.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Epetut 5:2

Ala ake warogo kani kunggwi iinok, Ala nen obari obeelom kage menggi kwak, at Keritut ninabuwa nen, “Inake kambikit,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

1 Peterut 2:21

Keritut andi-pandi eerogo pereegwaarak nogo ti, “At andi-pandi oba pugwi iigak, at maluk eeke, An togop eerulik o, yinuk, aana'le mbanggolage, Ti eerulik o.” It nen miyuk-meya eerogo pugwi iigak, at nen onggo miyuk-meya eerogo piige, wakwi iigak, at nen wone onggo yorage, ti eerulik mban. Ata, at iniki ogoba Ala oba panggombunuk, “Nogoba wone a'me nggelok mban inowak loongge menggerak nogo nen nawone mbanigin o,” yinuk, iniki kwi'ndak logonet, waganeegerak nogo ti, nit ninake aret waganeegerak me, at eereegerak nogo kokwak, nit togop ndak-ndak eeko logowok nduk, Ala nen ninayonggo pereegerak o.