Lukat 10:34 - Ala Wone Peenok Peebi Mbanak

³⁴ owagam wage nagagerik, agabolo nibinik-ndelenak aago nogo anggur amburu inom, amburu alik mendek inom, labunogo nggerembege nagagerik, eebe waganogo at ageledai nogo paga kwippunuk aakumi nogo yugu menggam ambime pi unggwagagerak. Pi unggwage nagagerik, time arum aret wonagagerak.

Lukat 10:34 ပူးပေါင်းရင်းမြစ်များ

Wakkagagerak 42:27

Nogo nogogwaarik, nogo yuwam oolo time ari nanuk, nogo yuwok nduk eeko logonet, at ambi nen mbato keledai wogoraakit nduk karun ambe piinogo pekkage nagagerik, awu mbato onggo pereegerak nogo mbato inom yonggolak anewam time wonage kagagerak.

Ndawi 147:3

Iniki wakkologwe nogo obeelom eerogo piige, Inawin kunik nogo nggerenogo piige, Eeke agaarik o.

Wundeegwaarak 4:24

Yoge mbareegi, awo tu paga nogwe me, nogo yogo menggam ambime Aliku ALA Muta imbirak lambungge nagagerik, Muta warikit nduk eeke mbareegi,

Lukat 10:33

Wage kagak, peebi aap Tamariya mendek ambi tu ti paga wage logonet, aap warak nogo enegen kagagerak. Enegen kage nagagerik, abuwa mba'nuk,

Lukat 10:35

Ndi, ko'lu at awu mbuti perak mbere waganogo aap nogo yugu menggam unde nogo wogoge logonet, Aap yi arum logot o. Arum logonet, wokkigirak yi nogo lek age kenok, kat kamendek ambinom nabenogo kungge logomenggendak kenok, an wage logominggirik, obaane'me wokkirigin, yoreegerak o,” yinuk, Yetut nen aap Ala wone liiru mbanak unde nogo yoreegerak.

Lukat 2:7

aagaluk manggu aap aret ndareegerak. Ndake nagagerik, o aakumi nogo yugu menggam yagabit age mbareegi, elege nogo yum perenogo kambin-ndomba iname iri'ngga nonggo menggam nogome wimbereegerak.

Oroma 12:20

Ala yoge kagak aap ambi nen ari logonet, “Kinawim nogo mbi abu kenok, mbi nawak nduk, wogogwi, Niyo abu, ari kenok, niyo nawak nduk, wogogwi, Eeko logonip o. Ti eekwi kiinok, mo kik-kik negen kaawak nduk, eeppumunggup o,” yinuk, yereegerak liiru mbanak nogo ndak-ndak aret eerit nogo logonip o.

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.