Lukat 10:33 - Ala Wone Peenok Peebi Mbanak

³³ Wage kagak, peebi aap Tamariya mendek ambi tu ti paga wage logonet, aap warak nogo enegen kagagerak. Enegen kage nagagerik, abuwa mba'nuk,

Lukat 10:33 ပူးပေါင်းရင်းမြစ်များ

1 Endagembogut 8:50

Eeppiige logonet, it kapuri maluk eeppagagun nogo inom, inogogumbuk logonet koone tagambunuk maluk eerugun nogo inom, abok aret lek eerogo piige, ndi, it kapuri keyate kwak kiniki kundugu o Metit paga mbuti kani worako mengga kwak eeginakwi me, wogoren wagagindak nogo, it wogoren namenggaarak nen inabuwa mbaruwak nduk, eeppiige, eeke logomunggun o.

Wundeegwaarak 2:6

abiringga kuurogo pekkage nagagerik, elege nogo le ari mbareegi, “Elege yi, Iberani mendek inapuluk abet aret kagi,” yinuk, abuwa mbareegerak.

Kini Wuppiige 27:10

Kat kore ilik, kogoba ore a, mari eerogo mbo pege, Ndi, aaninggin koba kwi'nage kenok, koreeluk ame nage, Eeriyak mage o. Kore nda wonage me, ka noorak ti meek aret kwe, at kimbirak koorok menggendak ka ungguurak perak op o.

Matiyut 10:5

At Yetut nen it aap 12 nogo nappiyaakit nduk, inaruk wake logonet, “It aakumi endekem konenggulik mendek wonogwe me, tu ti paga nogwe, ndi, it aakumi Tamariya iname kota-kota unggwogwe, eerugup o.

Matiyut 18:33

an nen kat kabuwa mbakirak pogom koreeluk abuwa mbakembok eekendak ti, nonggop nduk eekendak o?

Lukat 10:32

Wage kagak, peebi aap Lewi mendek ambi togop aret tu ti paga ugun wage me, aap wareegwam wok yi wage logonet, eebe warak kage nagagerik, kagak mban wagagerak.

Lukat 10:34

owagam wage nagagerik, agabolo nibinik-ndelenak aago nogo anggur amburu inom, amburu alik mendek inom, labunogo nggerembege nagagerik, eebe waganogo at ageledai nogo paga kwippunuk aakumi nogo yugu menggam ambime pi unggwagagerak. Pi unggwage nagagerik, time arum aret wonagagerak.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Yaya 4:9

Yoge mbareegi, kwe Tamariya mendek nen at yoge logonet, “A puk! Kat aap Yakuri mendek, ndi, an kwe Tamariya mendek me, niyo nonggop togon tookkiriyak nduk yo'negen o?” yinuk, yoreegerak. (Ti yoreegerak nogo ti, aakumi Yakuri mendek inom, aakumi Tamariya mendek inom, yiiwak ambit paga nunggulik me nduk, yoreegerak.)

Yaya 8:48

Yorage mbareegi, it Yakuri mendek nen, “Kat aap Tamariya mendek kugi kinikime lik yegerak, yokkogoorak nogo ti, abet aret nogo lek a?”