Lukat 10:31 - Ala Wone Peenok Peebi Mbanak

³¹ Mbaganggwi iigak, peebi aap Ala unde ambi we ugun tu ti paga wage logonet, aap warak nogo kage nagagerik, kagak wagagerak.

Lukat 10:31 ပူးပေါင်းရင်းမြစ်များ

2 Tamuwen 1:6

Yoge mbareegi, aap tawe nogo nen Ndawut yoge logonet, “Wim eekwi ti eyom paga an puut endage Nggilobowa we ugun wagarak taati neegak, at Tawun nogo awooluwak paga anep kumbunuk wonage me, at awim nogo kuda paga inom, nggweendo wim eeka ogobakkigirik paga inom, kwi'na'nuk mugurok at owagam panggo yi wogwe enegen iige nagaarik,

Ndawi 142:4

Aap ambi nen, “Yeenggwa niremengga ilik?” Yinuk, neenggi abeme na'na'nuk, Neebe op logowam time ari naakit mbake kwe, Lek aret kage, Neebe nili yuwak nduk, kwaa'nabit nagun mbakirak kwe, Lek aret iige, Eeke agarik o.

Ndawi 69:20

Meek mban eerogo panugwi ti paga nen niniki wakkolage, Niniki abu lek ee'nake, Eeke kenok, Nabuwa nombaruwak nduk toorinakitak kwe, Nabuwa mbaka'lek aret wonogwe, Niniki eyak wappani woraawak lak, “Ao,” mbakitak kwe, Niniki eyak wappani waga'lek aret wonogwe, Eeko logonet,

Kini Wuppiige 21:13

It aap ineenggi lek nen inoone nggwok paga, “Yeenggwa niret o,” aap ambi yogwi nogo aruk nappatinuk wonage kenok, At kunduk oone yemenggerak kwe, onggo yorugun lek aret o.

Wone Alom Kibingga 9:11

Oonegen abu'me yime ambi eeke kagagirak nogo yi o. Inogowa ambik kenok inaa'nduk unggwi nogwe, Aap wakaa'ngget kenok, ineegin tiyak ari, Iniki warak kenok, inambi nunggwi, Iniki ngget kenok, ineenggi warak eekkologwe, Ndi, ineenu kenok, obeelom eeppiigwi, Eekulik o. Ata, ti eeriyak abok aret, “Ti eyom paga ariyak,” agaatak me, age menggerak.

Yetaya 58:7

It aap inambi abu wonogwe iinok, inambi magarogwe, It owunik nugwi iinok, iname wogoren piya unggwogwe, It inayum yirik lek inagabolo kin nugwi iinok, inayum yippiigwi, Aap it mendek iinok, ineebe kumaa'naga'lek wogonakwi, Eeko logorak nogo ti, Inambe mage negen logonet, eeko logorak koonogo pereegirak ti aret nogo lek a?

Yeremiya 5:31

It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Oteya 6:9

It aap an neebe unde nogo ti, aap a'nggan wogonaka enaarak mengga kwak logonet, Tu Tikem nogo menggam paga aakumi inoorogo piigwi, Eekulik kagak inenggali lek eerit nugwi, Eeko agaarik o.

Maleyaki 1:10

“An nake warogo kani kunggo menggam it we aanom warogo kani kunggwi iyo, it inenggela'me time aap ambi nen nawi wurik me tu narogo puwak lak, ao, mbake agarik o. It eekwi ti, an abu neebi lombok mbake me, an nake warogo wo'nugwi ti, an waagin lek aret o,” yinuk, at Omaawi Lombok Menggerak Aliku ALA nen aret yegerak me yokkiragi o.

Lukat 10:30

Yoge mbareegi, at Yetut nen onggo yoge logonet, “Aap ambi o Yerutalem nen o Yeriko nagagerak. Nage me, aap yogoot wagangga nogo nen pilak togon wunggo logonet, ayum ageerok apit ndinggo logonet, eebe wappogo nogogwaarik, taati kambuwak nduk, mbo punuk, mbaganeegwaarak.

Lukat 10:32

Wage kagak, peebi aap Lewi mendek ambi togop aret tu ti paga ugun wage me, aap wareegwam wok yi wage logonet, eebe warak kage nagagerik, kagak mban wagagerak.

Urut 2:3

Yoge mbareegi, nage nagagerik, anggen mbanggwi iigak, wangge nogo inambokan anebenggo'net nage nagagerak. Anebenggo'net aap anebunu Elimelek mendek endage Mbowat anggween paga lik togon aret ari nagagerak.