Lukat 10:27 - Ala Wone Peenok Peebi Mbanak

²⁷ Yoge mbareegi, aap nogo nen, “Kiniki inom, kineebe inom, kinomaawi inom, abok aret kinogoba Ala mban kiniki kunik eeko logonip o,” ndi, ambi, “It ineebe iniki kunik eekkologo menggaarak ti kwak, it aakumi inom menggaarak ti, togop aret iniki kunik aganako logowak o,” yinuk, yoreegerak.

Lukat 10:27 ပူးပေါင်းရင်းမြစ်များ

Ala Unde 19:18

Naliku ALA an aret me, inore ambi nen maluk eeppiige kenok, inanini nen onggo at maluk eeppugwi, ndi, Yi ee'nakerak ao, yinuk, inikime mban porogo wonogwe, eeriyak mage o. Ata, it ineebe iniki kunik eekkologo menggaarak ti kwak, aakumi inom menggaarak ti, togop aret iniki kunik aganako logowak o.

Matiyut 19:19

Kinagalo-kinogoba inayuk wuko logonet, inoone liirogon konenggo logonip o. Kit kineebe kiniki kunik eekkologo monggotak pogom, kinom monggotak togop aret kiniki kunik aganako logonip o.”

Lukat 10:26

Yoge mbareegi, at Yetut nen, “Ala wone yugu liiru mbanak ti, nonggop mbanak o? Kat nonggop pekkage menggendak?”

Oroma 13:9

Ala nen, “Kumi ugun wurinaburak mage o. Aap wariyak mage o. Yogoot kiraariyak mage o. Aap inamendek uugwe-uugwe mbariyak mage o,” yinuk, “Yogop ee'nu, ndogop ee'nu,” yereegerak wone liiru mbanak nogo eeko logonet, eeko logorak wone yereegerak alik ambi inom abok aret ti, “Ineebe iniki kunik eekkologo mengga kwak, it inom menggaarak ti, togop aret iniki kunik aganako logowak o,” yinuk, yereegerak wone lambuk togon yi paga mban wonage kenok, yokkirage agarik o.

Nggalatiya 5:13

Noreewi o. Kit perak, wondet aago nugu logobagip nduk, Ala nen miikkinabeegerak kwe, “An nanonggwan wondet agago paneegerak me, niniki nengge kenok ugun eerit nage logi o,” yinuk, yuurak ti mage o. Ata, nabuwa-kabuwa mbako logonet, kinoreewi kinom yeenggwa-yeenggwa eeko logonip o.

Pelaareegerak 10:12

Yorage nagagerik, ambi yorage logonet, “Togop aret me, kit nowe-nawot Iterali mendek yi wae. At Aliku kinogoba Ala nen kit eeko logorak kinombake nogo ti, at Aliku kinogoba Ala kinagabiti ombako logonet, Eeriyak, kinombake nogo mugurok nogwe, at kiniki kunik eekwi, kiniki inom, kineebe inom, abok aret at Aliku kinogoba Ala mban wogo'nuk, ake eekwi,

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,

Pelaareegerak 6:4

Kit nowe-nawot aakumi Iterali mendek yi wae! Kinaruk liirogon konenggo logonip o. At Aliku ti, ambit aret o. Ndi, at Aliku nogo ti, ninogoba Ala aret.

Pelaareegerak 6:5

Togop aret me, kiniki inom, kineebe inom, kinomaawi inom, abok aret at Aliku kinogoba Ala mban kiniki kunik eeko logonip o.

Iberani 8:10

Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak wone yoragagirak nogo, inikime nabenogo piige, It inikime liiru negen mbanogo piige, Eerigin me, An it inogoba age, ndi, it an napuri ogwe, eerugun o.

Yakobut 2:8

Ala wone mbanak ndak-ndak eeko logonet, “It ineebe iniki kunik eekkologo mengga ti kwak, aakumi inom menggaarak ti, togop aret iniki kunik aganako logowak o,” yinuk, nit ninogoba endagembogut wone lengganogo yo'niragagerak nogo eekwi kiinok ti, op aret eekwi kwe,

1 Yaya 3:18

Napuri niniki kunik yi wae. Nit ninoone paga nen mban, “Aakumi ninom niniki kunik wonogwe o,” yinuk, yuurak mage o. Ata, niniki paga nen aret inabuwa lombok mbako logonet, obeelom eeppiinet nogo logowok o.