Lukat 10:19 - Ala Wone Peenok Peebi Mbanak

¹⁹ Waalo aakumi inooka inom, nggitamuru inom, kiniyok paga aan mbelenogo pugwi, at kinom wim mbanak nogo omaawi lek eerogo tebenogo pugwi, eeko logobagip nduk, an nawone kilikkiragarak. Nawone kilikkiragarak me, maluk ambi kinoba arigin mondok lek aret o.

Lukat 10:19 ပူးပေါင်းရင်းမြစ်များ

2 Mbinineegwaarak 10:11

eyo aaninggin tapi uut paga kwippunuk, wonok nugwi kokwak, nogoba aaninggin kinoba pinagareegerak nogo ti, teeluk negen aret kwe, an nen aaninggin abunuk nggwok lombok kinoba pinagage, nogoba nen muun ya'mbiran nggora eerogo kinooke nagagerak kwe, an nen perak, poondo alok paga ngguurik-ndaganak eerogo kinooke, eerigin, yoraanu o,” yinuk, yoreegwaarak.

Ndawi 91:13

Togop eerumunggun me, Singa inom, waalo muuru inom, tebenogo piigak nage, Singa anini ambik inom, waalo aakumi inooka inom, Kiyok aan lebenogo piinet nage, Eeke logomunggun o.

Yetaya 11:8

Elege awo elak nengge nen waalo muuru enoona nen wundi wage menggim taati yine kungge, Elege awo mbuuluk waalo aliirumbuk anggen punuk wonage me eenggi mambege, Eeko logogun o.

Yetikiyen 2:6

Aakumi nen ndarak kat yi wae. It ineebe paga inom, inoone yokkugwi paga inom, kagabiti mbake, An muun alok inom, nggonggoondu alok inom, enggela'me wonage, nggitamuru awi mbanak me wonage, eeke agarik, mbarumunggun kwe, kagabiti mbake, it an yorage ineebi mbaka mendek aret me, it inoone yogwe paga kagabiti mbake, kiniki ma'nage, eerubok o.

Marakut 16:18

waalo muuru ineenggi pigaganggwi, magagirak labunik namenggaarak kwe, kangga'lek aret wonogwe, kugi andi iinok, inanobak ineenggi pippiinok obeelom eeginakwi, eerit nugu logogun o,” yinuk, yoragagerak.

Lukat 11:12

Towe ako wo'niru o, yokkirage kenok, nggitamuru wogoriyak mbakop?

Nappiigak 28:5

waalo nogo eenggi yombak togon agago kani kunik me mambereegerak kani nengge kagak, andi yagan waka'lek obeelom aret wonagagerak.

Oroma 16:20

Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

Wayu 11:5

It aap mbere ti, inambeme nen kani wunuk agan wundi wage logonet, it inom ogoorak wonogwe nogo inooko menggaarak me, “Aap mbere ti, inooruwi o,” yinuk, inooriyak nduk eekwi iigak, it inambeme nen kani wunuk agan wundi wage logonet, it inooriyak eekwi ineebe nogo kani wunuk togon nunggwi iigirak o.