Lukat 10:15 - Ala Wone Peenok Peebi Mbanak

¹⁵ Ndi, it aakumi Kaperenawum mendek ti, Nit mbogut paga nagawan me tiyappinanigin, mba'nuk, yogo agaarik ya? Mondok lek o. It kambunuk nogo menggam ogu time aret, Wuppinanigin, mbako logowak o,” yinuk, yegerak, yoraanu o.

Lukat 10:15 ပူးပေါင်းရင်းမြစ်များ

Yetaya 5:14

Ndi, kambunuk nogo menggam nen eenggi walok ari, Ambe nggwok pan aago wakkoorak meek logonet, “Yime yonggo'nari woraanip o,” ari, Eeke kenok, It aap inoweewi nagawan-nagawan wambi nogwe, Aakumi ugun it ndugwi pega inom, kumili-kumili agan nega inom, yonggo'nari wanggwi, Eerugun o.

Yeremiya 51:53

“It aakumi Mbaben mendek nen aakumi tebenogo wuppiya woroobok me, mbogut paga lagi nanuk, O time wuppunuk, pak omaawi lombok wurogo pemenggaarak kwe, Tebenogo wuppiya woraawak nduk, it aap o maluk eerogo pega nogo time aret nappiya woraagin o,” yinuk, Aliku ALA nen aret yegerak.

Yetikiyen 26:20

yi aap ndi aap o maan aa'nduk togon mbuun ambena wambit nogogwaarak wonogwe me, inom logowak nduk wuppigin o. O maan aa'nduk togon yigirik-noonom eerogo pereegerak nggween abena lombok wonage kwak, at nggween inikime lombok time inaa'nduk kambeegwaarak mbuun ambena wonogwe me, inom logowak nduk, wuppigin o. Time nen lagi wage, aakumi ineenik wonogo menggam obaane'me ari wage, eerigin lek aret o.

Yetikiyen 31:18

Eyo abu tiyanak ayuk warak wonage nogo ti, yi eyo ndi eyo o Eren yabume wonage nogo ndak-ndak ambi ngge agaarik o? Lek aret kwe, eyo ti kunduk, yi eyo ndi eyo Eren yabume wonage nogo nggween abu'me ari nawak nduk, muurogo pege logonet, eyo ti inom muurogo wuppigin o. It aap inagabolo mbanak lek wonogwe, yi aap ndi aap wooluwak paga inoorak kambak wonogwe, eereegwam inenggela'me inom ari nanuk logogin o. Eyo eeriyak yagarak nogo ti, at Pirawun inom, it aakumi ineebe apit aret at ninggi'nuk nugwi nogo inom, eeppiyoorak nogo ti aret o, yinuk, Naliku Nitok Minggirak an Ala nen aret yagi,” yegerak me, yokkiragi o, yinuk, yoragagirak.

Yetikiyen 32:18

“Aakumi nen ndarak yi wae. It aakumi Metit mendek ineebe ambik wonogwe nogo, inaleenggu maake, it aakumi o mbuun ambena wambit nogwe nogo, kanggo menggam time inom nawak nduk, o Metit inom, yi o ndi o omaawi lombok menggam inaagalogwe negen inom, wuppiige, eeru o.

Yetikiyen 32:20

Yoramenggendak it o Metit mendek wooluwak paga inoorak kambit nogwe nogo, inoorak inom aret kambugun o. Wooluwak muk ineenggime nutik wonogwe me, o maluk eerogo pugwi, aagalogwe negen ineebe ambik wonogwe nogo nigiren piya nogwe, eerugun o.

Yetikiyen 32:27

Aa'nduk it aap wakaa'ngget aakumi ineenik wonogo menggam nggween paga nugu logonet, inamineeri ne agan noorak mendek eerogo piinet nogo nogogwaarak me, aap wim eeka inagabolo mbanak lek kagak inoorak kambit nogogwaarak taambiigo logonet, inanggeemu ineebe paga lunogo pugwi, ineegin-inomaale inanep mbanogo piigwi, eeko nogogwa kwak, it aap ti nogo togop eerogo piyoolik o.

Obaya 1:4

Towe nggindooni tiyarogon wiga agan nege menggi kwak, nugwi, Laaluguragan inenggela'me inawi mbambatinuk wonogwe, Eerak wonogwe iigak kwe, Time nen aret an ineebe yabonogo wuppiya woraagin o,” yinuk, Aliku ALA nen aret ari kagarak me yokkiragi o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 11:23

Ndi, kit aakumi Kaperenawum mendek yi, Nit mbogut paga nagawan me, tiyappinanigin o, yinuk, yogo ogotik? Mondok lek o. Eerubok mendek kit kiname eeke kogotak nogo, o Torom time eeke logonetak en, o eebe nogo lek eeppega'lek, o yogondak kuli yi paga logonetak kwe, eeke inigen kaga'lek me, inomaluk mbo pega'lek wonogo mbareegwa, Ala nen lek eerogo piyareegerak nogo ndak-ndak, kit kunduk lek eerogo pinagagin lek nduk yogo ogotik? Lek o. Ala nen it aap kambunuk nogo menggam time aret mondok wuppinanigin, mbako logonip o.

Matiyut 4:13

Nage nagagerik, o kota Nataret nogome teppunuk, o Kaperenawum yi yenggenak aa'nggi paga it aap Tebulon mendek inom, Natali mendek inom, iname nogome aret puk a nagagerak.

Lukat 13:28

endekem wumbinagamenggerak logonet, aap Abarakam kunduk, Itak kunduk, Yakup kunduk, ndi, it aap Ala nen yorage kagak yoraga abok aret Ala abu'me wonogwe iigo logomonggotik, leenggu maakwi, kineyak nggilik maakwi, eeko logomunggup o.

Lukat 16:23

Taambogo mbareegwa, nogo menggam ari nanuk, time yagan wake logonet, ena ni'nage nagagerik, o nda time aap Latarut Abarakam imbirak wonogwe iyareegerak.

Pelaareegerak 1:28

yinuk, it ninoreewi nogo nen wone ninikime yagabit tibik-tobok eerogo pinanogo logonet, Lek o. O time aap nit ndak-ndak lek ineebe mondok yo'nggok yerek-nggorek mban wonogwe, o kota time yugum pak mondok mbogut imbirak kunik negen wuppunuk wonogwe, ndi, it aap Enak mendek kunduk time inom aret wonogwe, eekwi iigoorak o, yinuk, yo'nirogogwaarak.

2 Peterut 2:4

It malayikat nogo mendek nen maluk eeko mbareegwa, Ala inabuwa nen teppiyareegerak mbakop? Lek o. “Peebi kinowak loonogo pinagagin o,” yinuk, kani omoonu'me mbuun ambena kiiniki paga logowak nduk mbutigeele maarogo wuppiyareegerak wonogwe nogo lek a?