Lukat 10:11 - Ala Wone Peenok Peebi Mbanak

¹¹ Kinoba arigin nogo ti, Kinobaalombok, kineenu arubagip nduk, nit kiname logonet, liirubu niniyok paga lenggenggerak nogo yumbunogo pinagago ogoorik o. Ala abu'me pinagarak muk kinowagam panggo yi wagaarak, abet aret mbako logonip o, yinuk, yoranu o.

Lukat 10:11 ပူးပေါင်းရင်းမြစ်များ

Yetikiyen 2:5

It ti, an yorage eeriyak ineebi mbaka mendek aret me, yoramenggendak inaruk konenggwi kenok konenggwi, mbo pugwi kenok mbo pugwi, togop eerugun me, kat yora namenggendak ti paga an nen yorage neegak yoraga mendek ambi nen inenggela'me logonet, wone yoragagerak nogo ineenu arugun o.

Matiyut 10:14

Wokkinaka'lek logonet, kinoone inaruk konengga'lek iinok perak, iname time nen wundi nogo logonet, kiniyok paga liirubu aa'ngga eerogo mbo piinok, wundi nanu o.

Matiyut 10:7

Iya nogo logomonggotik, At mbogut paga mendek abu'me pinagarak nogo abu panggo yi wagaarak o, yinuk, yorogo logomunggup o.

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Marakut 6:11

Ndi, o ambi me nen kit wokkinakwi, kinoone konenggwi, eeka'lek iinok perak, Kinobaalombok o, yinuk, liirubu kiniyok paga lenggennaremenggerak nogo yumbunogo piinok, time nen wundi nanu o,” yinuk, nappiyareegerak.

Lukat 10:10

Ndi, o kota ambime unggwi namonggotak me, it aakumi nen keyage warogo wokkinakwi lek iinok perak, endekem tu nggwok paga wundi nogo logomonggotik, yorogo logonet,

Lukat 10:9

Ndi, aakumi time kugi andi wonogwe iinok, obeelom eeginako logonet, Ala abu'me pinagarak muk kinowagam panggo yi wagaarak o, yinuk, yorogo logonu o.

Lukat 9:5

Yi awi ndi awi namonggotak me, keyage warogo wokkinakwi lek iinok perak, iname o kota nen wundi nogo logonet, Kinobaalombok o! yinuk, kiniyok paga liirubu aa'ngga agago piinok, time nen wundi nanu o.”

Nappiigak 13:26

Yorage nagagerik, “Noreewi o. Kit Abarakam ombowologwe kunduk, kit Yakuri lek kwe Ala kinagabiti mbako monggotak kunduk, kit ninom ninagap ndaruwak nduk, ninake wone yi aret nappi wagagerak o!

Nappiigak 13:40

Togop me, Ala nen yorage kagak yoraga nogo nen yogo logonet,

Nappiigak 13:46

Miyuk-meya eerogo pugwi iigak, it Pawulut Mbaranabat inagabiti lek yorogo logonet, “Ala wone kit aa'nduk yokkiroorak agaarak kwe, Nit nineenik logorak wone ti, woorak ndak lek o, yinuk, nineebi, yogotak me, kit lambembinaganuk, it endekem mendek nogo aret yora nogo ogoorik o.

Nappiigak 13:51

Mugogo wumbiigo mbareegwa, it nogo nen, “Kinobaalombok o,” yinuk, iniyok paga liirubu aa'ngga eerogo mbo piinok, o Ikoniyum wogogwaarak.

Oroma 10:21

it Iterali mendek nen eekwi iinok perak, Ala nen yorage logonet, “It aakumi iniki yugum negen kumbunuk, noone eeriyak ineebi mbakwi yi, Neya woraawak nduk, o kubondendok nen nok, oonikiya, Wa'nip o, yinuk, neenggi walok yokkiragatak kwe, meek aret o,” yinuk, yoragagerak ti paga it Iterali mendek wone ti, wagangga'lek iinok, inobaane'me aap endekem mendek wogonaburak ineenu wonogogwaarak iigo o, yinuk, yoragagerak.

Oroma 10:8

Ti yereegerak nogo ti, ngge nduk yereegerak mbakop? Lek o. Yereegerak eebe nogo yi aret. “Wone nogo ti, kiniki me inom, kinambe paga inom, koorok aret wonage o,” yinuk, yereegerak liiru mbanak nogo ti, abet mbakwi wone nit yokkirogwe nogo aret nduk, yereegerak o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.