Lukat 1:8 - Ala Wone Peenok Peebi Mbanak

^8-9 It aap Ala unde nen, “Ala awi wurik me obari abe kaga nogo, ta nen kani kuni ungguurak kaamun?” yinuk, yugum ogut wakkogo nogogwaarak me, ne ambi paga it aap Takariya anebunu mendek Ala unde eeko nogogwaarak nogo nen eeko logonet, aap Takariya nogo nen Ala enggaanom paga eeke kagak, yugum ogut wakkogo nogogwaarik, Takariya aret wagangge mbareegi, at aret mippereegwaarak.

Lukat 1:8 ပူးပေါင်းရင်းမြစ်များ

1 Mbinineegwaarak 24:19

Eeke mbareegi, at Aliku ALA awi wurik me unggunuk, eeko logorak Aliku Iterali inogoba Ala nen inombo Karun wone lengganogo yoreegerak nogo ndak-ndak, it Ala awi wurik me unggwi nanuk, ineyabu ambokan-ambokan eeko logorak koonogo piyareegerak nogo ti aret.

1 Mbinineegwaarak 24:2

At Narap Abiku imbirak inogoba kangga'lek kagak, it aa'nduk kambeegwaarak o. Inapuri aap ndaganaka'lek kagak kambeegwaarak me, inawuri Eleyatat Itamat imbirak nen Ala unde logonet, eeko nogogwaarak.

2 Mbinineegwaarak 31:19

Aap Karun paga wiganak it Ala unde inawi kota-kota enaagan-ambokan inaanggumi inagari'ngga nenet nugu menggam wonogwe inenggela'me it aap Ala unde inom, aap Lewi mendek inom, nda'nogwe iinok, inendage liiru mbanak paga inendage liiru mbanak wonage kenok, tumburirogo logowak nduk, kota-kota time aap inendage kunogo mippiinet nogogwaarak.

2 Mbinineegwaarak 31:2

Ala ake warogo kani kunggwi, Ala inom lambunik logorak ake warogo wogogwi, Aliku ALA awi wurik me alut eekwi, Ala, “Wa,” yinuk, yogwi, ndi, Aliku ALA awi wurik tu unggwogo menggam taati endage tiyappogo logonet ndawi wakwi, eeko logowak nduk, at Kitikiya nen it Ala unde inom, Lewi mendek inom, eeko logorak yugu ndak-ndak ineyabu inalitak lombok aago nogo unde eeppiyareegerak.

2 Mbinineegwaarak 8:14

Ndi, at ogoba Ndawut nen eeko logorak wone lengganogo pereegerak nogo mugurok, it aap Ala unde ambi eerak nen ineyabu eekwi, ambi eerak nen ineyabu eekwi, eeko logorak koonogo piige, Ala alut eekwi iigak, it aap Lewi mendek nen ndawi tiyanggwi, Ala unde ko'lu-kii'me ineyabu eeriyak age kenok, yeenggwaarogwe, eeko logorak koonogo piige, ndi, Ala wone liirogon eeka Ndawut nen wone lengganogo pereegerak nogo ndak-ndak, it ambi eerak nen tu unggwit wogo menggam arum logorak koonogo piinet nage, eereegerak.

Etara 6:18

ndi, eeko logorak wone lengganak liiru mbanak nogo ndak-ndak o Yerutalem Ala awi wurik me ineyabu lenok lombok eeko logowak nduk, it aap Ala unde inom, it Lewi mendek inom, koonogo piigwi, eereegwaarak.

Wundeegwaarak 28:1

Yoge nagagerik, Aliku ALA nen Muta wone ambinom yoge logonet, “Kat koweeluk Karun inom, at apuri Narap, Abiku, Eleyatat, Itamat inom, an neebe unde logowak nduk, aakumi Iterali inenggela'me nen kat keya woraawak yoret o,

Wundeegwaarak 28:41

Penggaarogo piigwi iinok, koweeluk Karun apuri inom yirippiige logomenggendik, it an neebe unde logonet, nake eeko logowak nduk, amburu inanobak paga kilirogo piinok, leenogo mippiyaamunggun o.

Wundeegwaarak 29:1

Yoge nagagerik, Muta ambinom yoge logonet, “It Karun apuri inom an neebe unde logonet, nake eeko logowak nduk, mippiige logonet, eeriyak nogo yi aret o. Kat nen tapi ngguunok awooluk ambi wagangge, ndomba ngguunok inawinde-inobaande eerak lek mbere wogonake,

Wundeegwaarak 29:44

Eeriminggirak ti paga an nen ninom lambungge logowam nawooliya wuremenggenom inom, nake kani kunggo logowam inom, mage lombok leenogo pege logominggirik, Karun apuri inom an neebe unde logowak nduk, leenogo piyaagin o.

Wundeegwaarak 29:9

inagabee'le inobate paga nggerenogo piige, inabetagi inanobak paga perenogo piige, eerumunggun o. An neebe unde logowak nduk, aap mippiige ti, mondok-mondok eeko logowak nduk, an nen wone koonogo pigirak me, at Karun apuri inom togop aret eerogo piinok, mippiyaamunggun o.

Wundeegwaarak 30:30

Ndi, Karun apuri inom kunduk an neebe unde a'nuk, nake eeko logowak nen amburu inoba kilirogo piige logonet, nake leenogo piyaamunggun o.

Linggineegwaarak 18:7

Ndi, kat kapuri kinom perak, Togop eeppinaniyak, mbaka'lek kiigak, an neebe unde logobagip nduk, namunggat kinoba pinagage nagarik, nake warogo kani kunggo menggam inom, yi mendek ndi mendek eeko menggaarak yum tugunik aken nggwe wonage nogo inom, kit mban neebe unde logonet eeko logobagip nduk, unde eeppinagagirak me, o magame nogome it aakumi ugun panggorogon wogwe iinok, kambuwak nduk, inoorogo piigo logomunggup o,” yinuk, yoreegerak.

Lukat 1:5

Aap Keroret o Yureya endagembogut wonage kagak, aap Ala unde ambi endage Takariya anebunu Abiya mendek wonagagerak. Ndi, at akwe ti, Karun ombowologwe wiganak mendek endage Elitabet aret wonagagerak.

Lukat 1:7

Iniki abe koonak aret wonogogwaarak kwe, kwe Elitabet nogo, wubili aret wonagagerak me, elege abu ndaka'lek kagak imbirak kweegelo-aakelo aret ogogwaarak.